NHLOKOMHAKA YA DJONDZO 26
“Tlhelelani ka Mina”
“Tlhelelani ka mina kutani nita tlhelela ka n’wina”. — MAL. 3:7.
LISIMU 102 “Hi Fanela Kupfuna Lava Tsaneke”
LESWI HINGATASWI DJONDZA *
1. Yehovha a titwisa kuyini loko munhu lweyi anga tshika kumu tirhela a tlhelela?
HILAHA hingaswi vona ha kona ka nhlokomhaka leyinga hundza Yehovha a fana ni murisi wa munene, lweyi a hlayisaka tinyempfu ta yena naswona a lavetela hinkwavu lavanga tshika kumu tirhela. Yehovha a byele Vayisrayele lavanga tihambanisa na yena a ku: “Tlhelelani ka mina kutani nita tlhelela ka n’wina”. Haswi tiva swaku ni swoswi a titwisa xileswo, hikusa a li: “Ani cincanga.” (Mal. 3:6, 7) Yesu a vule swaku Yehovha ni tintsumi va tsaka hintamu loko va vona munhu lweyi anga tshika kutirhela Yehovha a tlhelela. — Luk. 15:10, 32.
2. Hita djondza yini ka nhlokomhaka leyi?
2 Ahi voneni swikombiso swinharhu swa Yesu leswihi pfunaka kuvona lisima la kupfuna lavanga tshika kutirhela Yehovha. Hita vulavula hi swilo leswi hi faneleke hiva na swona, akuva hi pfuna lava vanga tshika kutirhela Yehovha kuva va tlhelela ka yena. Naswona hita vona swaku hita tsaka hintamu loko hi pfuna lavanga hola akuva va tlhelela ka Yehovha.
KULAVETELA MALE LEYINGA LAHLEKA
3-4. Hikuya hi Luka 15:8-10, hi mhaka muni wansati lweyi a yendle hinkwaswu leswi angaswi kota kuva a kuma male ya yena leyi ayi lahlekile?
3 Hifanele hi yendla minzamu ya kulavetela lava lavaka kutlhelela ka Yehovha. Ka xikombiso xa yena lexinga ka buku la Luka Yesu a vulavula hi wansati lweyi a lavetelaka nchumu xa lisima ngopfu kunga male leyi vitaniwaka drakma. A xalisima ngopfu ka xikombiso xa yena hileswi wansati lweyi ayi lavetelisaka xiswona male ya yena. — Lerha Luka 15:8-10.
4 Yesu a tlhamusela leswi wansati lweyi anga titwisa xiswona loko a kuma male leyi ayi lahlekile. Aminkameni ya Yesu, wansati wamu Israyele loko a chada, mamana wa yena a atalisa kumu nyika 10 wa madrakma. Hi mhaka leyo swinga yendleka male yoleyo ayi li ya lisima ka lweyi wansati hi mhaka ya leswi anga nyikiwa hi mamana wa yena. Leswi aaswi tiva swaku yi wile, a tlhavike motso ayi lavetela kambe angayi kumanga. Agame a limpa yindlu hinkwayu. A ka nsila leyi angayi hlengeleta, a kume male ya yena leyi ayi lahlekile. A tsake hintamu la kakuva a vitane vanghanu ni va vizinyu kuva ava byela.
5. Hi mhaka muni swi karhata kukuma lavanga tshika kutirhela Yehovha?
5 Hi laha hingaswi vona hi kona ka xikombiso xa Yesu, swa karhata kukuma nchumu lexinga lahleka. Hi kufanana kukuma lavanga tshika kutirhela Yehovha swa karhata. Swinga yendleka se kuhundza malembe ya manyingi na va nyamalalile naswona swinga yendleka va tshama lomu va kalaka vanga tiviwi hi vamakwerhu, kambe swoswi ha tiyiseka swaku va kona lavanga tshika kutirhela Yehovha lava lavaka kutlhelela ka yena. Vaswi lava kutirhela Yehovha ni kuva ni vamakwerhu, kambe avengeswi koti loko hingava pfuni.
6. Hinkwerhu abandleni hinga pfunetisa kuyini kulavetela lavanga tshika kuhlangamela?
6 Hi mani anga pfunisaka kulavetela lavanga tshika kutirhela Yehovha? Hinkwerhu hinga pfunisa. Madoda, vapfuli va ndlela, maxaka ni vachumayeli abandleni. U ni munghanu kumbe xaka lelinga nyima kuhlangamela? U tshama u kumana ni munhu lweyi anga tshika kutirhela Yehovha na u li nsin’wini? Mutlhamuseli swaku loko aswi lava, unga teka numeru ya yena u ya nyika madoda ya bandla akuva a maleletela lomu a tshamaka kona.
7. U djondza yini ka leswinga vuliwa hi doda lin’wana leli vitaniwaka Tomas?
7 Madoda manga yendla yini kuva ma pfuna lavanga tshika kutirhela Yehovha swaku va tlhelela ka yena? Doda lin’wana leli tshamaka Espanha leli vitaniwaka Tomas * li pfune vanhu lava tlulaka 40 kuva va tlhelela ka Yehovha. Li li: “Kusungula ni vutisa vamakwerhu swaku va tiva mani lweyi anga tshika kutirhela Yehovha ni swaku a tshama kwini. Vanyingi abandleni vaswi tsakela kuhlamula hikusa na vona va titwa na va pfunisa. Loko ni yendzela vamakwerhu lavanga tshika kutirhela Yehovha, nava vutisa hi vana va vona ni maxaka man’wana ya vona. Van’wana ava ya mintlhanganwini ni vana va vona, naswona swinga yendleka vana volavo se ava li vachumayeli, hi mhaka leyo na vona va fanele va pfuniwa kutlhelela ka Yehovha.
PFUNA VANHU VA YEHOVHA SWAKU VA TLHELELA BANDLENI
8. Hikuya hi xifaniso xa Yesu lexinga ka Luka 15:17-24, i mpsini leswi papayi angaswi yendla nkama n’wana wa yena anga vuya kaya?
8 I mpsini leswi hi faneleke hiswi yendla kuva hi pfuna vanhu lava lavaka kutlhelela ka Yehovha? Ahi voneni leswi hingaswi djondzaka ka xifaniso xa Yesu xa n’wana lweyi anga suka kaya. (Lerha Luka 15:17-24.) Yesu a tlhamusele swaku n’wana lweyo aswi vonile swaku a phazamile ivi aswi vona swi yampsa kutlhelela kaya. A nkama papayi wa yena angamu vona, amu tlhangavetile amu barasara a kombisa swaku wahamu rhandza. Phela n’wana lweyi anga vuya kaya a abiwa hi lipfalo funtshi a atitwa na swingamu faneli kuva n’wana wa munti lowuyani. A nkama anga phofula leswi a atitwisa xiswona papayi wa yena, amu twele wusiwana, amu kombe swaku wamu yamukela tani hi n’wana wa yena lweyi amu rhandzaka kunga li xitirhi. Kukombisa swaku wamu yamukela amu hambele fexta a tlhela amu nyika mpanhla ya lisima.
9. Kulaveka yini swaku hi pfuna lavanga tshika kutirhela Yehovha va tlhelela ka yena? (Vona kwadru lelinge: “ Hingava Pfunisa Kuyini Lava Lavaka Kutlhelela ka Yehovha?”)
9 Yehovha a fana ni papayi wa xifaniso lexi. Wava rhandza vamakwerhu lavanga tshika kumu tirhela kambe lava lavaka kutlhelela ka yena. Loko himu tekelela hitava pfuna swaku va tlhelela, kambe leswo swi lava hiva lehisela mbilu, hiva twela wusiwana hi tlhela hiva rhandza. Hi mhaka muni kulaveka hi lehisa mbilu, hiva ni ntwelawusiwana ni lirhandzu naswona hingaswi yendlisa kuyini leswi?
10. Hi mhaka muni swi lava hi lehisa mbilu akuva hi pfuna munhu swaku a tlhelela ka Yehovha?
10 Kupfuna munhu kuva a tlhelela ka Yehovha swingaha hlwela. Hi mhaka leyo swi lava hi lehisa mbilu. Vanyingi lavanga tshama va tshika kutirhela Yehovha va vula swaku madoda ni vamakwerhu van’wani vava yendzelile kakunyingi akuva va za va tlhelela bandleni. Makwerhu mun’wana wa le Ásia lweyi a vange hi Narsia a li: “Ni ni munghanu abandleni lweyi anga ni pfuna hintamu. Aani rhandza kufana ni makwerhu, a ani khumbukisa swilo swa kutsakisa leswi hinga tshama hiswi yendla khale. Aani yingisela loko ni tiphofula funtshi aanga chavi kuni laya. Ani kombe swaku i munghanu wa kahle funtshi a atinyimisele kuni pfuna minkama hinkwayu.”
11. Hi mhaka muni hi fanele hiva ni ntwelawusiwana loko hi pfuna munhu lweyi anga tshama a kwatisiwa abandleni?
11 Kukombisa ntwelawusiwana swi fana ni murhi naswona swinga daha swilondza swa lweyi anga vaviseka. Van’wana va lavanga tshika kutirhela Yehovha va ni xiviti xa munhu lweyi anga tshama ava kwatisa abandleni. Hi mhaka leyo swinga yendleka vangaswi lavi kutlhelela. Naswona van’wana vangaha tibyela swaku ava khomiwanga kahle bandleni. Swinga yendleka va lava munhu lweyi angatava yingisela a tlhela a twisisa leswi va titwisa xiswona. (Yak. 1:19) Mariya lweyi a atshike kutirhela Yehovha a li: “A ni lava munhu lweyi angatani yingisela, ani bambatela loko ni rila a tlhela ani pfuna hi kuni komba ndlela.”
12. Lirhandzu la Yehovha li fanisa kuyini ni ngoti?
12 Bibele li fanisa lirhandzu la Yehovha ni ngoti. Kambe lirhandzu la Yehovha li fanisa kuyini ni ngoti? Ahi voneni xikombiso lexi landzelaka: Ahinge ho mbombomela alwandle, magandlati i makulu funtshi a mati ma titimela, kugama kuhumela munhu ni boti aku cukumetela nchumu swaku u khwela ka xona leswaku unga mbombomeli. I ntiyiso leswaku awutamu khensa hintamu munhu lweyo, kambe leswo aswi yenelanga leswaku u pona. Akuta laveka swaku u huma matini kumbe lavanga ka boti vaku cukumetela ngoti swaku va kukoka va kupeta ka boti. Yehovha a byele Vayisrayele lava vanga tihambanisa na yena a ku: “Ni tame niva koka . . . hi tingoti ta lirhandzu.” (Hos. 11:4) Ni namuntlha Yehovha a titwisa xileswo hi vanhu lava vanga tshika kumu tirhela, ni lava vanga taleliwa hi swikarhatu. A lava vaswi tiva swaku wava rhandza ni kuva va tlhelela ka yena, naswona anga tirhisa wena kuva ava komba swaku wava rhandza.
13. Hikuya hi leswinga humelela Paulo, lirhandzu la vamakwerhu lingava pfunisa kuyini vanhu kutlhelela ka Yehovha?
13 I swa lisima kuva hi byela vanhu lavanga tshika kutirhela Yehovha swaku wava rhandza hi tlhela hiva komba swaku na hina hava rhandza. Paulo lweyi kunga vulavuliwa hi yena ka nhlokomhaka leyinga hundza, lweyi anga heta 30 wa malembe na a holile a li: “Siku lin’wana na ni huma hi kaya ni tlhangane ni makwerhu mun’wana wa nkulu wa munhu, lweyi anga vulavula na mina hi lirhandzu. Ni sungule kurila ingaku no va xin’wanani. Nimu byele swaku hi Yehovha lweyi angamu rhuma kuta vulavula na mina naswona hi siku lolelo ni yendle xiboho xa kutlhelela ka Yehovha.”
KUPFUNA LAVANGA HELA NTAMU
14. Hikuya hi faniso lexinga ka Luka 15:4, 5, i mpsini leswi murisi aaswi yendla loko a kuma nyempfu leyi ayi lahlekile?
14 Vanhu lavanga hola va lava kupfuniwa nkama ni nkama. Kufana ni n’wana lweyi anga suka kaya wa xifaniso xa Yesu, vangaha heta malembe ya manyingi na va twa kuvava hi mhaka ya leswi vangaswi yendla. Naswona leswi ava li ka misava ya Sathana swinga yendleka wunghanu la vona na Yehovha linga tiyanga kufana ni khale. Hi fanele hiva pfuna kutiyisa lipfumelo la vona ka Yehovha. Ka xifaniso xa nyempfu ya kulahleka, Yesu a tlhamusele leswi murisi ayi tlakulisaka xiswona nyempfu ayi tlhelisela ka ntlhambi. Hambileswi murisi anga heta nkama wa yena ni ntamu wa yena na ayi lavetela loko ayi kuma wayi tlakula ayi tlhelisela ka ntlhambi hikusa ayi na ntamu wa kutifambela hi yoxe. — Lerha Luka 15:4, 5.
15. Hingava pfunisa kuyini lava va lavaka kutlhelela ka Yehovha? (Vona kwadru lelinge: “ Broxura Leli Pfunaka”)
15 Kuva hi pfuna lavanga tshika kutirhela Yehovha swaku va tiyisa wuxaka la vona na Yehovha swingaha lava nkama ni ntamu wa wunyingi. Kambe hi kupfuniwa hi moya wa kukwetsima, Bibele ni mabuku ya nhlengeletanu hingaswi kota kuva pfuna kutiyisa wuxaka la vona na Yehovha. (Rhom. 15:1) Hingaswi yendlisa kuyini leswo? Makwerhu mun’wana lweyi anga ni malembe na a li doda a li: “Kutala ka lava ava tshike kutirhela Yehovha kambe va lavaka kutlhelela ka yena va fanele va djondzeliwa Bibele.” * Loko u tshuka u kombeliwa kudjondza ni munhu lweyi a aholile, unga yali. Doda leli li tlhele li ku: “Munhu lweyi a kombeliwaka leswaku a djondza ni makwerhu lweyi a atshike kutirhela Yehovha a fanele ava ni xinghanu a tlhela a tshembeka leswaku lweyi a djondzeliwaka swingamu karhateli kutiphofula.”
KUTSAKIWA AMATILWENI NI LE MISAVENI
16. Hiswi tivisa kuyini swaku tintsumi tahi pfuna kuva hi lavetela lavanga tshika kutirhela Yehovha?
16 Kuni swiperiyensiya swa swinyingi leswi kombaka leswaku tintsumi tahi pfuna loko hi lavetela lava lavaka kutlhelela ka Yehovha. (Nhla. 14:6) Hi xikombiso Silvio wa le Equador, a khongelile ka Yehovha a kombela munhu lweyi aatamu pfuna kutlhelela ka yena. Na waha khongela, madoda mambirhi ma chaye kampayinya ya kaya ka yena, hi siku lolelo ama tiyimisele kumu pfuna.
17. Hita titwisa kuyini loko hi pfuna lavanga tshika kutirhela Yehovha?
17 Hi tsaka hintamu loko hi pfuna vanhu kuva va tlhelela ka Yehovha. Vona leswinga vuliwa hi Salvador mupfuli wa ndlela lweyi a rhandzaka kupfuna vanhu lavanga tshika kutirhela Yehovha kuva va tlhelela a te: “Minkama yin’wana ani tikoti hi kutsaka. Swani tsakisa kutiva swaku Yehovha a ponise yin’we ya tinyempfu ta yena ka misava ya Sathana ni swaku mina ni pfunetile ka ntirho lowu.” — Mint. 20:35.
18. Loko kuli leswaku u tshike kutirhela Yehovha, i mpsini leswi u fanaleke uswi tiva?
18 Loko kuli leswaku u tshike kutirhela Yehovha tiva swaku Yehovha waku rhandza, a lava swaku u tlhelela ka yena. Kambe swi lava leswaku u yendla minzamu kufana ni papayi lwiyani wa le ka xifaniso xa Yesu, Yehovha aku nyimelile naswona ata tsaka hintamu loko u tlhelela.
LISIMU 107 Yehovha Xikombiso Lexinene xa Lirhandzu
^ par. 5 Yehovha a lava swaku lava vanga tshika kumu tirhela va tlhelela ka yena. Na hina hingava pfuna akuva va yamukela xirhambo xa Yehovha lexinge: “Tlhelelani ka mina”. Ka nhlokomhaka leyi hita djondza swaku hingaswi yendlisa kuyini swoleswo.
^ par. 7 Mavito man’wana ma cinciwile.
^ par. 15 Van’wana ka lava ava tshike kutirhela Yehovha va pfuniwe hi buku lelinge: Tama U Rhandza Xikwembu, kasi van’wana va pfuniwe hi lelinge: Tshinela Eka Yehovha (hi Xitsonga). A Comissão la ntirho la bandla hi lona li faneleke li langa makwerhu lweyi angata djondza ni lweyi a tshike kutirhela Yehovha.
^ par. 68 NTLHAMUSELO WA SWIFANISO: Vamakwerhu vanharhu va pfuna makwerhu lweyi anga tshika kutirhela Yehovha kuva a tlhelela. Va yendla leswo hi kuvulavula na yena, hi kumu byela swaku vamu rhandza ni kumu yingisela loko a vulavula.
