1. Sara, Ester, Mariya, Ruti, Ana

a va mu rhandza hintamu Yehovha.

Van’wana a hi va tivi hi vito;

na vona a va mu rhandza Yehovha.

Lirhandzu la vona la likulu,

ni siku ni lin’we a li nge khohlwiwi.

2. Vavasati lava nga ni wumbilu,

va lirhandzu ni mbilu ya ku rhula,

va ku tiveka hansi ni timpsalu,

va hi nyika xikombiso xinene.

Hi navela ku fana na vona,

hi va tekelela, hi tsakisa Hosi.

3. N’wina hinkwenu mi nga vavasati,

phela Yehovha wa mi rhandza ngopfu.

A nga ta khohlwa lirhandzu la n’wina,

ni ntirho lowu mi mu yentxelaka.

Mi nga tshukeni mi chavisiwa,

tamani mi tirha, mi nga heli ntamu.