Ina. Xikwembu xi ni mhaka ni vanhu va xona lava va vabyaka. Loko Bibele li vulavula hi vanhu va Yehovha va ku tshembeka li li: “Yehovha a ta mu pfuna loko a vabya; u ta yandlalela mubedu wa yena loko a vabya.” (Tipisalema 41:3) Vona 3 wa minchumu leyi yi nga ku pfunaka loko u ni mavabyi ya ku kala ma nga daheki.

1. Khongela u kombela matimba leswaku u tiyisela. U nga kuma “ku rhula ka Xikwembu loku tlulaka mimpimiso hinkwayu,” loku ku nga ta ku tiyisa ku tlhela ku ku pfuna swaku u nga karhateki. — Vafilipiya 4:6,7.

2. Tshama na u tsakile. Bibele li li: “Mbilu leyi tsakeke i murhi lowunene, Kambe moya lowu tshovekeke wu heta matimba ya munhu.” (Swivuriso 17:22) Tshama na u tsakile hikusa leswo swi ta ku pfuna loko u humeleliwa hi swikarhatu, naswona swi ta ku vhikela ka mavabyi.

3. Tiyisa ntshembo wa wena ka leswi Yehovha a nga ta swi yentxa ka nkama lowu taka. Kuva ni ntshembo swi ta ku pfuna ku tshama na u tsakile hambi loko u ni mavabyi ya ku kala ma nga daheki. (Varoma 12:12) “Akungata va ni munhu lweyi a tshamaka kona a nga ta ku: ‘Na vabya.’” (Esaya 33:24) Xikwembu xi ta helisa mavabyi hinkwawu lawa namuntlha ma kalaka ma nga daheki. Hi xikombiso, loko Bibele li vulavula hi ku guga li li: “Miri wa yena a wu tlhele wu va wunene ku tlula wa jovhem; a a tlhele a va ni ntamu ku fana ni nkama na a li jovhem.” — Yobo 33:25.

Vona: Timboni ta Yehovha ta swi tiva swaku Xikwembu xa ti pfuna loko ti vabya, hambileswo loko ti ni mavabyi ya ku kala ma nga daheki a ti tshiki ku ya xibelhela. (Marku 2:17) A hi byeli munhu swaku a tirhisa ndlela yini ya ku daha, kambe mun’wana ni mun’wana a a tiyentxeli xiboho hi yexe.