Timboni ta Yehovha hi tona ta ku sungula ku humesa male leyi ti yi tirhisaka ka mintirho ya tona. a Ku ni makaxa lawa ma nga vekiwa ka Tiyindlo ta hina ta Wugandzeli ni tindlela tin’wani leti hi nga nyikelaka hi tona leti kumekaka ka site la hina ka pajina leli nge: Donate.pr418.com. Ku ni tindlela ta tinyingi leti hi nga ti tirhisaka swaku hi humesa minyikelo ya hina leswaku yi tirhisiwa ka ntirho wa misava hinkwayu kumbe ka swilaveko swa bandla.

 Timboni ta Yehovha a ti humesi minhlengo kumbe ti nyikela hi male leyi nga pimiwa ka muholo wa tona. (2 Vakorinto 9:7) Ka mintlhanganu ya Timboni ta Yehovha a ku hundzisiwi xihlelwani naswona ku ngheniwa mahala. Timboni ta Yehovha a ti hakelisi male loko ti tsakamisa vanhu, loko ti fambisa swilahlu, muchadu kumbe loko ti yendla mintirho yin’wani ya wukhongeli. Timboni ta Yehovha a ti ma vuli mavito ya vanhu lava va humesaka minyikelo. (Matewu 6:2-4) A site la hina ni mabuku ya hina a ma na ma publisidadi lawa ma hi nyikaka male.

 Bandla lin’wani ni lin’wani la Timboni ta Yehovha li ni relatoriyu la timale leli nyikeliwaka wheti ni wheti ka mintlhanganu ya tona. Marejixtu wolawo ya male ma kambeliwa nkama ni nkama leswaku hi tiyiseka leswaku male yi tirhisiwa hi ndlela yayinene. — 2 Vakorinto 8:20, 21.

•   Kaxa la minyikelo: U nga nyikela hi ku tirhisa male kumbe xeki ka makaxa ya minyikelo lawa ma nga ka Tiyindlo ta hina ta Wugandzeli, ka ma Salões das Asembleias kumbe ka tindhawu tin’wani leti hi tlhanganaka ka tona.

•   Ku nyikela hi ku tirhisa interneti: Ka matiko ya manyingi u nga tirhisa a ndhawu leyi nge: “Faça um donativo para as Testemunhas de Jeová” leswaku u nyikela hi ku tirhisa a cartão de crédito, cartão de débito, u rhumela male hi ku tirhisa banku ni tindlela tin’wani ta ku nyikela. b Van’wani va “veka xanchumu” kumbe ku veka male wheti ni wheti leswaku va nyikela hi ku tirhisa yin’we ya tindlela leti. — 1 Vakorinto 16:2.

•   Minyikelo leyi yendliwaka ka ha ni nkama: Tindlela tin’wani ta ku nyikela ti fanele ti yendliwa ka ha ni nkama naswona ku nga ha tirhisiwa minawu ya tiko. Leswo swi nga ha yendla leswaku u pumbeliwa male ya ku hakela rhesa ka tiko la wena. Vanhu van’wani va vuyeliwile hi ku tiva tindlela ta ku nyikela hi swilo swa vona loko va ha hanya kumbe leswi nga tirhisiwaka loko se va file. Hi kombela u vulavula ni Sede la Timboni ta Yehovha ka tiko la n’wina loko u lava ku tiva swin’wani hi ku yendla minyikelo leyi landzelaka:

  •   Ku nyikela hi ku tirhisa banku

  •   Male ya maseguru kumbe ya reforma

  •   Swilo leswi u nga na swona

  •   Ma ações kumbe male ya majuru

  •   Ma testamento ni ma fideicomisso

 Swaku u tiva tindlela tin’wani ta ku yendla minyikelo hi tona nghena ka pajina leli nge: “Faça um donativo para as Testemunhas de Jeová.”