Nómbe, juchaari planeta no méni kʼamajkunhaati, kurhiranhani o mójtakunhani. Biblia uandasïndi eska Tata Diosï kueraaska Echerini paraka méntkisï irekanhaaka.

•   “Echeri jurhimbiticheriuati, ka jimaksï irekaati para méntkisï” (Salmo 37:29).

•   “Ima, sési uaxastasti echerini; no méni manatanhaati jima jauati para méntkisï” (Salmo 104:5).

•   “Echeri méntkisï jauati” (Eclesiastés 1:4).

•   “Ima enga úka echerini ka enga sési uaxastaka, enga no ísku kueraaka sino paraka irekanhapiringa” (Isaías 45:18).

 Tata Diosï no jurajkuati eskaksï kʼuiripuecha iámu kʼamajkuaka Echerini kontaminasioni jimbo, guerrecha o máteru ambe jimbo. Sánderu sési, Biblia uandasïndi eska ‘kʼamajkuantauaka imeechani engaksï ikichakua úkuni jaka parhakpinini’ (Jaŋaskuecha 11:18). ¿Néna ísï uaa?

 Tata Diosï kénditauati parhakpinirhu anapu juramutichani engaksï no úka kuidarini Echerini para Tata Diosïri Reinu juramuni enga auandarhu jaka (Daniel 2:44; Mateu 6:9, 10). Tata Jesukristu, Tata Diosï Uájpa juramuati ini Reinurhu (Isaías 9:6, 7). Enga Jesúsi Echerirhu jámani japka, milagru ma jimbo anhaxustaspti kʼéri janikuani ma ka tarhiatani (Markusʌ 4:35-41). Enga Jesúsi reiuakia Tata Diosïri Reinurhu, uaati eska nóteru no sési jásï ambe úkuarhiakia Echerirhu. Ménderu úntaati Echerini, enga arhikuekajka jimbanherantani para ménderu xáxentani eska jardini de Edénirhu (Mateu 19:28; Lukasʌ 23:43).

 Nómbe, ménisïchi ísï jakajkusïnga engachi támisï kurhangujka 2 Pedru 3:7 enga arhijka: “Iásï anapu auanda, parhakpini [o echeri] patsakata jarhastiksï [...] para chpiri jingoni kʼamajpintani”. Ju je exeni tsimani ambe engajtsïni jarhuataaka kurhanguni ambe engaksï arhikuekajka i uandakuecha:

1.   Bibliarhu, uandakuecha auanda echeri ka chpiri úsïndiksï uánikua ambe arhikuekani. Por ejemplu, Génesis 11:1 uandasïndi eska iámu Echerirhu seguirinhaxapka ma idiomajku uandanhani. Enga ixú uandajka “echeri”, kʼuiripuechani arhikuekaasïndi.

2.   Ambe enga sáni antesi uandajka 2 Pedru 3:7 jimbo, uandasïndi ambe enga arhikuekajka “auanda”, “echeri” ka “chpiri”. Bersikuluecha 5 ka 6 jimbo, Noeri Dilubiueri ambe uandasïndi. Imani tiempu jimbo kʼamajkunhaspti parhakpini joperu juchaari planeta nómbe. Dilubiu imani kʼuiripuechanisï kʼamajkuapka engaksï xáni no sési kámpienga, enga jindeeka “echeri” (Génesis 6:11). Ístu kʼamajkuspti imani “auandani”, engaksï jindeesti kʼuiripuecha engaksï imeechani juramukuani japka. Ísï jimbo, kʼuiripu no sési úrisï kʼamajkunhapti ka juchaari planeta. Noe ka imeeri familia, tsípitiksï pakaraspti enga na kʼamjkunhapkia ima parhakpini ka ménderuksï uéntaspti irekani enga na nitamapkia Dilubiu (Génesis 8:15-18).

 Májkueni eska Dilubiu, “chpiri”, o kʼamajkukua enga 2 Pedru 3:7 jimbo uandajka, niáraati kʼamajkunhani kʼuiripu no sési úri ka no juchaari planeta. Tata Diosïjtsïni aiachisïndi “jimbanhi auandani ka jimbanhi parhakpinini jima enga jurhimbitku jánhaaka” (2 Pedru 3:13). I “jimbanhi echeri” o jimbanhi kʼuiripuechaksï jatsiati “jimbanhi auandani” o jimbanhi gobiernuni ma, enga jindeeka Tata Diosïri Reinu. I gobiernu uaati eska Echeri ménderu paraisu máeuaka ka eska pínandikua jauaka (Jaŋaskuecha 21:1-4).