¿Xarhatasïnksï Bibliarhu anapu profesiecha eska Jesúsi jindeespka Mesíasi?
Ambe enga Biblia uandajka
Jo. Enga Jesúsi echerirhu japka, úspti ambe engaksï uandeenga uánikua profesiecha engaksï Mesíasiri ambe uandeenga, ima enga jindeepiringa “Pʼímutantspiti parhakpini anapuecheri” (1 Juanu 4:14; Daniel 9:25). Ístu, enga na uarhipkia ka tsíntani, Jesúsi seguirispti úni ambe engaksï uandeenga profesiecha Mesíasiri ambe (Salmo 110:1; Ukuecha [Hechos] 2:34-36).
¿Ambe arhikuekasïni uandakua Mesíasi?
Uandakua enga ebreu jimbo jindeeka Maschíaj (Mesías) ka ístu uandakua enga griegu jimbo jindeeka Kjristós (Cristo), arhikuekasïndiksï “Erakukata”. Ísï jimbo, Jesukristu arhikuekasïndi “Jesúsi enga erakukateka” o “Jesúsi enga Mesíasika”.
Ióntki, para xarhatani eska nema erakunhaspkia para ambakiti ánchikuarhita ma úni, aseitiksï atajtsïkusïreendi (Levítico 8:12; 1 Samuel 16:13). Tata Diosï erakusti Jesúsini para Mesíasini, kʼéri ánchikuarhita ma enga kánikua jukaparhakueka (Ukuecha 2:36). Peru Tata Diosï no aseite atajtsïkuspti Jesúsini para erakuni, sino espiritu santu jingoni erakusti (Mateu 3:16).
¿Úpirinksï máteru kʼuiripuecha úni ambe engaksï profesiecha uandeenga Mesíasiri ambe?
Nómbe. Engachi sési exejka ambe engaksï uandajka Bibliarhu anapu profesiechani ka na engaksï kumplirikuarhipka, úsïngachi exeni eska máechakuajku Mesíasi o Kristu japiringa. Joperu Biblia kʼóru uandasïndi i ambe: “Jimbokaksï niáraaka jarhani kʼuiripuecha engaksï uandaaka eskaksï kristueska o eskaksï Tata Diosïri uandakua páriska. Ka kʼérati milagruechanksï uáuati ka ístuksï kʼéri ambe uaati paraksï támisï jánhastaani kʼuiripuechani, asta erakukatechani jamberi” (Mateo 24:24, Traducción del Nuevo Mundo [TNM]).
¿Úpirini sánderu orhepatini jurhani Mesíasi?
Nómbe. Biblia desde iónisï uandasptia eska Mesíasi, Dabidiri familia jimbo jupiringa, ima enga Israeliri juramuti máepka (Salmo 89:3, 4). Joperu iásï nóteruksï jarhastia ima karakatecha engaksï uandeenga neespiksï Dabidiri parienticha. Uandanhasïndi eskaksï ima karakatecha k’amajkunhaspka uéxurhini 70 jimbo, jiáni engaksï Roma anapuecha Jerusaléni inchaakupka. a Ísï jimbo, jiáni uératini no nema úsïndi xarhatani eska Dabidiri parienti jémbeeska. Joperu ima karakatecha engaksï uandeenga neespiksï Dabidiri parienti jémbeecha, útasïksï jarhaspti Jesúsiri jurhiatikuechani jimbo, ísï jimbo ni imeecha engaksï ikiakuenga úsptiksï uandani eska Jesúsi no Dabidiri parienti jémbeespka (Mateu 22:41-46).
¿Namuni profesiechaksï jarhaski Bibliarhu engaksï Mesíasiri ambe uandajka?
Nóchi uaaka uandani meru namuniskiksï profesiecha engaksï Mesíasiri ambe uandajka. Ménisï úkua jukasti miiuani imani profesiechani asta imani Biblieri anapu karakatecharhu engaksï Mesíasiri ambejku uandajka. Pori ejemplu Isaías 53:2-7 uandasïndi mámaru ambe enga Mesíasi úpiringa. Máru kʼuiripuechaksï ísï exesïndi eskaksï iámindu i tekstuecha májku profesieska, peru para máteruecha, mándani ambe engaksï i tekstuecha uandajka jindeesti profesia ma.
Máru profesiecha engaksï Mesíasiri ambe uandajka ka engaksï Jesúsini jingoni kumplirikuarhipka
Ambe enga úkuarhipiringa |
Profesia |
Na enga úkuarhika |
|---|---|---|
Abraániri familia jimbo jupirindi |
Génesis 22:17, 18 |
|
Isaakini jimbo jupirindi enga Abraániri uájpeepka |
Génesis 17:19 |
|
Judáeri tribu anapuepirindi |
Génesis 49:10 |
|
Rei Dabidiri parienti jémbeepirindi |
Isaías 9:7 |
|
Iurhitskiri ma kánguarhipirindi |
Isaías 7:14 |
|
Beléni andajpenupirindi |
Miqueas 5:2 |
|
Emanuelinksï arhirapirindi b |
Isaías 7:14 |
|
Imeeri familia no jatsikuarherispti |
Isaías 53:2 |
|
Uándikutarkuarhipirindiksï uánikua sapiichani ísï tátsekua enga ima andajpenupiringa |
Jeremías 31:15 |
|
Ejiptu uératini ióarhinhapirindi |
Oseas 11:1 |
|
Mítekatepirindi komueska Nasareti anapu c |
Isaías 11:1 |
|
Uandakua pári ma, orhekupapirindi |
Malaquías 3:1 |
|
Uéxurhini 29 jimbo erakunhapirindi para Mesíasini d |
Daniel 9:25 |
|
Tata Diosï mismu uandapirindi eska ima, imeeri uájpeespka |
Salmo 2:7 |
|
Kánikua xénchapirindi Tata Diosïri kʼumanchikuani |
Salmo 69:9 |
|
Ambakiti aianhperakuani aianhpipirindi |
Isaías 61:1 |
|
Ambe enga aianhpipiringa Galilea, ísïipirindi komueska tʼíntskua ma |
Isaías 9:1, 2 |
|
Milagruechani uaapirindi ísï eska Moisési |
Deuteronomio 18:15 |
|
Tata Diosïri uandakuani uandantapirindi ísï eska Moisési |
Deuteronomio 18:18, 19 |
|
Uánikua pʼamenchatichani tsinaapirindi |
Isaías 53:4 |
|
No úpirindi ambe ma solu parakaksï kʼuiripuecha exepiringa |
Isaías 42:2 |
|
Pʼamojkuapirindi imeechani engaksï kómu nitamakuarhini japiringa |
Isaías 42:3 |
|
Jorhentpipirindi na enga Tata Diosï jurhimbiti újka iámindu ambe |
Isaías 42:1, 4 |
|
Ambakiti arhistatspiti máepirindi |
Isaías 9:6, 7 |
|
Mítetarpirindi Tata Diosï Jeobaeri arhinhakuani |
Salmo 22:22 |
|
Ejempluecha jingoni jorhentpipirindi |
Salmo 78:2 |
|
Orhejtsïkuti máepirindi |
Daniel 9:25 |
Mateo 23:10, TNM |
Uánikuaksï no jakajkupirindi imani |
Isaías 53:1 |
|
Imani jimbo, uánikuaksï téksarhutapirindi |
Isaías 8:14, 15 |
|
Nóksï jiókuarhipirindi |
Salmo 118:22, 23 |
|
Ísku jatinksï ikiakupirindi |
Salmo 69:4 |
|
Burruni ma jatarini inchaakupirindi Jerusaléni ka kʼéri ambe arhinhapirindi |
Zacarías 9:9 |
|
Sapiichaksï kʼéri ambe arhipirindi |
Salmo 8:2 |
|
Tata Diosï Jeobaeri nombri jimbo jupirindi |
Salmo 118:26 |
|
Imeeri amigu ma traisionaripirindi |
Salmo 41:9 |
|
Traisionarinhapirindi 30 moneda plateri jimbo |
Zacarías 11:12 |
|
Imeeri amiguechaksï jandiajku jurajkupirindi |
Zacarías 13:7 |
|
Chkuanderakua ambeksï uandapirindi imeeri ambe |
Salmo 35:11 |
|
No ma ambe mókukuapirindi imeechani engaksï kʼamanharhitantapiringa |
Isaías 53:7 |
|
Tʼuánharhikupirindiksï |
Isaías 50:6 |
|
Éjpurhuksï atapirindi |
Miqueas 5:1 |
|
Kʼuikirhipirindiksï |
Isaías 50:6 |
|
No kuájpikuarhipirindi engaksï atapiringa |
Isaías 50:6 |
|
Juramutichaksï májku kʼéri jirinhapirindi néna uándikuni |
Salmo 2:2 |
|
Chájkupirindiksï ka chándukuni |
Salmo 22:16 |
|
Suerte jimboksï arhukutsperapirindi imeeri xukuparhakuani |
Salmo 22:18 |
|
Ísï exenhapirindi komueska no sési úri ma |
Isaías 53:12 |
|
No sésiksï arhipirindi ka teresmarhuni |
Salmo 22:7, 8 |
|
Kómu nitamakuarhipirindi máteruecheri pekaduecha jimbo |
Isaías 53:5, 6 |
|
Ísï xarharapirindi enajki Tata Diosï jandiajku jurajkupi |
Salmo 22:1 |
|
Itsïmatapirindiksï binagri kʼameri ambe jingoni jeuetakata |
Salmo 69:21 |
|
Kʼarhichapirindi meru ante de uarhini |
Salmo 22:15 |
|
Tata Diosïni jurajkukupirindi imeeri tsípikuani |
Salmo 31:5 |
|
Uarhipirindi |
Isaías 53:12 |
|
Íntspipirindi imeeri tsípikua para kénditani pekaduni |
Isaías 53:12 |
|
Nóksï ma úni kuarhakukupirindi |
Salmo 34:20 |
|
Pʼorhonhapirindiksï |
Zacarías 12:10 |
|
Jatsikuarhericha jingoni jatsinhantapirindi |
Isaías 53:9 |
|
Tsíntapirindi |
Salmo 16:10 |
|
Máteru nema erakunhapirindi imani jimbo enga traisionaripka |
Salmo 109:8 |
|
Tata Diosïri jurhijkandani jimbo japirindi |
Salmo 110:1 |
a Cyclopedia McClintock y Strong uandasïndi: “Úpiringachi seguru uandani eskaksï ima karakatecha nani engaksï karakata japka tribuecha ka familiecha engaksï judiuepka, jiánksï kʼamajkunhaspti enga Jerusaléni kʼamajkunhapka ka no antesi”.
b Nombri Emanueli enga ebreu jimboeka, arhikuekasïndi “Juchantsïni jingoni jarhasti Tata Diosï”. I nombri sési uandasïndi imani ánchikuarhita enga Jesúsi úpiringa komu Mesíasi. Enga ima jupka Echerirhu ka iámindu ambe enga úpka, xarhataspti eska Tata Diosï imeechani jingoni jarhaska engaksï imani kómarhijka (Lukasʌ 2:27-32; 7:12-16).
c Uandakuecha Nasareti anapu (Nazareno), jamberi uandakua ebreu ma jimbo uérapti enga jindeeka nétser ka enga arhikuekajka “tsikixkurhita”.
d Engajtsï uéjka sánderu ambe míteni na enga Biblia uandajka eska Mesíasi xarharapiringa uéxurhini 29 jimbo, exe je ini partini: “Profeta Danieli uandasïndi káni janopirini Mesiasi”.
Jamberijtsï ístu uéjka ini ambe míteni
¡TSÍNHARHI!
Judía ma uandantasïndi andisï sési eratsentapi ambe enga ima jakajkuenga
¿Ambe jarhuataspi Racquel Hall paraka segura japiringa eska Jesúsi Mesíasispka ima enga jupiringa?
BIBLIAERI JORHENGUARHIKUECHA
Exe je na enga úkuarhijka Biblieri jorhenguarhikua ma
Uaatiksïni nema jorhendani Biblieri ambe no ma tumina jingoni.