¿Neechaksï nirasïni auandarhu?
Ambe enga Biblia uandajka
Tata Diosï erakuasti namunitu kristianu jurhimbitichani, engaksï na uarhiakia, tsítanhantaatiksï para auandarhu irekani (1 Pedru 1:3, 4). Tátsekua engaksï na erakunhajkia, jatsistiksï para seguirini uinhapiti mintsikakua ma jatsini ka ambakiti jángua ma, jimboka engaksï no ísï uaaka nóksï intsïnhaati auandarhu anapu juramukua (Efesu 5:5; Filipusʌ 3:12-14).
¿Ambeksï uaa auandarhu?
Íksï erakukatecha reicheuati ka saserdoticha mili uéxurhini jimbo tata Jesukristuni jingoni (Jaŋaskuecha [Apocalipsis] 5:9, 10; 20:6). Niáraatiksï jindeeni jimbanhi auandarhu anapu gobiernu ma (enga Biblia arhijka “jimbanhi auanda”) engaksï juramukuauaka kʼuiripuechani (o “jimbanhi echeri”). Íksï reicha uaati eskaksï kʼuiripuecha jurhimbikua jingoni irekaaka, ísï eska Tata Diosï na uékeenga (Isaías 65:17; 2 Pedru 3:13).
¿Náksï xáni niua auandarhu?
Biblia uandasïndi eskaksï 144.000 kʼuiripuecha tsítanhantaaka paraksï auandarhu irekani (Jaŋaskuecha 7:4). Bisioni ma jimbo, apostoli Juanu úspti exeni “Karichi sapichuni [Jesukristuni tsíntatini jarhania] Sioni anapu juáta jimbo, ka imani jingoni jarhasptiksï siento kuarentaikuatro mili kʼuiripuecha” (Jaŋaskuecha 14:1-3; Juanu 1:29; 1 Pedru 1:19). Sioni anapu juáta, arhikuekasïndi juramukua enga Tata Diosï íntskuka tata Jesukristuni ka ístu 144.000 kʼuiripuechani engaksï imani jingoni juramuaka auandarhu (Salmo 2:6; Ebreu 12:22).
Imeecha engaksï ‘ióarhinhaka ka erakukatenksï’ para Kristuni jingoni juramuni Tata Diosïri Reinurhu, ístuksï mítekatesti komu ‘namunitu’ karichicha (Jaŋaskuecha 17:14; Lukasʌ 12:32). I ambe xarhatasïndi eskaksï erakukatecha no xáni uaaniska eskaksï máteru karichicha (Juanu 10:16).
Ambe enga no ísïika imeecheri engaksï auandarhu niuaka
Máruksï ini ambe jakajkusïndi: Iámindu ambakiti kʼuiripuechaksï auandarhu nirasïndi.
Ambe enga ísïika: Tata Diosï aiatspesïndi, eskaksï sánderu iámindu ambakiti kʼuiripuecha Echerirhu irekaaka (Salmo 37:11, 29, 34).
Jesúsi uandasti: “No ma kʼuiripu jarhasti enga auandarhu nika” (Juanu 3:13). Inde uandakuecha jingoni sési xarhatasti eskaksï ambarhati kʼuiripuecha engaksï uarhika antesi de Jesúsi, komu Abraáni, Moisési, Jobu ka Dabidi, nóksï nirasti auandarhu (Ukuecha 2:29, 34). Imaksï erokuarhixati eskaksï Echerirhu irekaaka engaksï na tsítanhantaaka (Job 14:13-15).
Tsíntskua para auandarhu irekani ístu arhinhasïndi ‘uénani anapu tsíntskua’ (Jaŋaskuecha 20:6). Ísï jimbo, jauati máteru tsíntskua, ka i úkuarhiati ixú Echerirhu.
Enga Tata Diosïri Reinu juramuni jauakia, Biblia jorhentpisïndi: “Nóteru jauatia uarhikua” (Jaŋaskuecha 21:3, 4). I uandakuechaksï Echerirhu anapu ambesï arhikuekani jati, jimboka auandarhu no méni jarhaska uarhikua.
Máruksï ini ambe jakajkusïndi: Mándani kʼuiripu uaati erakukuarhini sini auandarhu ireka o Echerirhu.
Ambe enga ísïika: Tata Diosïsï uandajti náki kristianu jurhimbitichani íntsaua ‘ambe engaksï andakuarheaka; inde ambe engaksï andakuarheaka jindeesti auandarhu irekani’, (Filipusʌ 3:14). I ióarhikua no úkuarhisïndi jimbokachi jucha tsitisïnga o jimbokachi jucha uékaaka (Mateu 20:20-23).
Máruksï ini ambe jakajkusïndi: Erokuarhikua para Echerirhu irekani para méntkisï intsïnhasïndiksï imeecha engaksï no jatsika sésikua para auandarhu irekani.
Ambe enga ísïika: Imeecha engaksï erokuarhikua jatsika paraksï Echerirhu irekani para méntkisï, Tata Diosï arhiasïndi “juchiiti ireta”, “juchiiti erakukatecha” ka “engaksï Jeobani jimbo erakukata jaka” (Isaías 65:21-23). Imaksï jatsiati kʼéri kóntperatani enga jindeeka kumplirini ambe enga Tata Diosï eratsetini japka úni desde ueenakuarhu: eskaksï kʼuiripu perfektuecha irekaaka ixú Echerirhu para méntkisï enga paraisu máeuakia (Génesis 1:28; Salmo 115:16; Isaías 45:18).
Máruksï ini ambe jakajkusïndi: Eska númeru 144.000 enga Apokalipsisirhu jaka simbolikueska.
Ambe enga ísïika: Nájkirukaksï jaka máru númeruecha engaksï simbolikueka i librurhu, máruksï literalisti. Ma ejemplu jindeesti “Karichi sapichueri dose apostulicheri” nombricha (Jaŋaskuecha 21:14). Ju je exeni máteru ambe enga xarhatajka eska númeru 144.000 literaliska.
Jaŋaskuecha (Apocalipsis) 7:4 uandasïndi “na engaksï xáni uániipka engaksï mínda jatsikunhapka [enga arhikuekajka, paraksï úni auandarhu irekani] ka jindeesptiksï sienti kuarentaikuatro mili”, ka luegu luejku uandasïndi “exeaspkani uánikua kʼuiripuechani enga no nema úpka jamberi kuentuani”. I “uánikua kʼuiripuechani” ístuksï intsïnhasïndi pʼímutantskua (Jaŋaskuecha 7:9, 10). Enga númeru 144.000 simbolikuepiringa ka uánikua kʼuiripuechani arhikuekani jarhani, no úpirindi kurhangukuarhini náki i tsimani grupuecheri sánderu kʼériski. a
Ístu, uandasïndi eskaksï i 144.000 piántskata jarhaska “komueska ma fruta enga ueenajka pʼikunhantani” (Jaŋaskuecha 14:4). Uandakua “ueenajka pʼikunhantani” arhikuekasïndi eskaksï namunitu erakunhaska uánikuecheri. Ísï jimbosï sési terukuntajti imani namunitu erakukatechani jingoni engaksï tata Jesukristuni jingoni auandarhu uératini juramukuauaka imani kʼuiripuechani enga no nema jamberi újka kuenta úni ka engaksï ixú Echerirhu irekaaka (Jaŋaskuecha 5:10).
a Profesori Robert Thomasi ini ambe karaspti númeru 144.000 kʼuiripuecheri enga Jaŋaskuecha 7:4 jimbo jaka: “Númeru máesti enga májku ambeni arhikuekajka ka no ísï eska 7:9, enga sánderu ambe arhikuekajka. Engachi simboliku kurhanguntaska, nóchi uaaka uandani eskaksï máteru númeruecha engaksï i librurhu jaka literaliska” (Revelation 1-7: An Exegetical Commentary [Comentario exegético de Revelación 1-7], pájina 474).
Jamberijtsï ístu uéjka ini ambe míteni
JUKAPARHAKUA AMBE ENGA BIBLIA JORHENTPIJKA
¿Ambeski Tata Diosïri Reinu?
Enga Jesusi eianhpini jámapka, sánderu Tata Diosïri Reinueri ambe uandaspti ka eska máteru ambeeri. Imeri chúxapatichaksï iónisï kurhajkuarhistia eska juuaka inde Reinu.
BIBLIAERI JORHENGUARHIKUECHA
Exe je na enga úkuarhijka Biblieri jorhenguarhikua ma
Uaatiksïni nema jorhendani Biblieri ambe no ma tumina jingoni.