TUMBIICHAKSÏ KURHANGUARHISÏNDI
¿Ambe xarhatasïni juchiiti xukuparhakua jimbo?
¿Andisï jukaparhakue exeni ambe engari jukajka? Jimboka na enga mórhekuarhiaka xarharasïndi na enga jásï kʼuiripueka. Ka tʼuri ¿nári mórhekuarhisïni?
Tanimu ambe engaksï no jatsika para úni ka néna no ísï úni
Errori # 1: Jurajkuni eskaksïni anunsiuecha arhiaka na engari jatsiaka parari mórhekuarhini.
“Ménichanisï tsitisïnga ísï mórhekuarhini eskaksï anunsiuecha na xarharajka jimbokani méntkuni exeni jarhasïnga, ísï uandasïndi uátsï ma enga arhinhajka Theresa. Engari méntku exeani jarhajka imani kʼuiripuecha engaksï májkueni xukuparhajka, úkua jukasïndi parari no májkueni úni”.
Anunsiuecha nóksï jindeesti para solu uátsïicha. Ísï uandasïndi libru The Everything Guide to Raising Adolescent Boys (Una guía completa para criar chicos adolescentes): “Tumbiichajtuksï tsitisïndi ísï mórhekuarhini eska na jauaka moda [...]. Jimboka desde sapichu ísïksï exeasïndi anunsiuechani”.
Sánderu jukaparhakua ambe. Biblia arhisïndi “Kʼuiripu no jánhaskati ma iámindu ambe jakajkusïndi, peru ima enga jánhaskatiika jingontku exesïndi ambe” (Proverbios 14:15). Ísï jimbo, eratsenta ambe engaksïni anunsiuecha uéjka arhini. Pori ejemplu, engari exeaka anunsiu ma xukuparhakueri enga seksika, kurhamarhikuarhi:
“¿Néni marhuakua enga ísï mórhekuarhiaka?”
“¿Ambeksï uandapirini máteruecha na engari irekaka imani xukuparhakua jingoni engani jukajka?”
“¿Xarhatasïni neeski ka ambe engani jakajkujka?”
Konseju. Ma semana jimbo sési exea xukuparhakueri anunsiuechani. ¿Nénaksï uékasïni eskaksï mórhekuarhiaka? ¿Eratsesïndi eskaksï uékasïnga eskari jatsiska parari ísï mórhekuarhini eskaksï anunsiuecha na xarharajka? “Uékani sési xarharani, sési mórhekuarhini, xarhatani na enga jásï kuerpu ma jukaka kánikua uinhapitiisti, ísï uandasïndi uátsï ma enga arhinhajka Keren. Imeecha engaksï anunsiuechani uaajka mítestiksï eskaksï tumbiicha ka uátsïicha tsitiaka indeni ambe”.
Errori # 2: Ísï mórhekuarhini solu para máteruechani terukukuantani.
“Xukuparhakua enga apenasi uérajka iáminduechaksï úrasïndi ka engari no ísï mórhekuarhiaka, teresmarhusïndiksïni, ísï uandasïndi tumbi ma enga arhinhajka Manuel”. Sáno májkueni ambe uandasïndi uátsï ma enga arhinhajka Anna: “Ambe enga sánderu jukaparhakueka no jindeesti ísï mórhekuarhini eska moda na uérani jauaka, sino eskari terukukuantauaka chiiti amiguechani”.
Ambe enga sánderu jukaparhakueka. Biblia arhisïndi: “Ka ásteru jámia je májkueni jámani eska i parhakpini anapu kʼuiripuecha” (Romanos 12:2, TNM). Ísï eska na arhijka i konseju exe chiiti roperuni ka kurhamarhikuarhi:
“¿Ambe eratsesïni engani erakujka takusï ambe?”
“¿Kánikua jukaparhakueski para ji takusï markeri ambe úrani?”
“¿Uékasïni ískuni pakatani máteruechani na engani mórhekuarhijka?”
Konseju. Enbesi de solu tsimani ambe exeni, ísï mórhekuarhini eskaksï máteruecha na mórhekuarhijka o no ísï úni, máteru ambe engari ístu uaaka úni: ísï mórhekuarhini eskari tʼu na sési pʼikuarheraaka. Engari tʼujkumindu sánderu agustu pʼikuarheraaka, nóri uandanhiaka ambe engaksï máteruecha eratseaka.
Errori # 3: Eratseni eska sánderu sésiska seksiini.
“Ménisï tsitini jarhasïnga imani takusï úrani enga sánisï seksika; pori ejemplu, jukani imani ambe enga no iójtarhaka o marhekuarhini” ísï uandasïndi uátsï ma enga arhinhajka Jennifer.
Ambe enga sánderu jukaparhakueka. Biblia arhisïndi: “Parajtsï chá sési xarharani uétarhisïndi eskaksïni máteruecha exeaka na engajtsï jásï kʼuiripueka chaari mintsitarhu” (1 Pedro 3:3, 4, TNM). Ísï eska na arhijka i konseju, eratsenta ambe sánderu sésiski: eskaksïni exeaka jimbokari sési mórhekuarhinisïnga o jimbokari ambakiti kʼuiripu máeska.
Konseju. Para ma sánderu sési xarharani jindeesti arisku sáni mórhekuarhini. Nájkiruka ini jurhiatikua jimboksï no iáminduecha ísï exejka, eratsenta arhini ambe:
¿Ménisï uandontskuarheski nemani jingoni enga puru imeeri ambe uandani jarhajka? Joperu xáni no sési, jimboka ima kʼuiripu solu úni jarhasïnga eska nóteru jatsiauakia amiguechani.
Takusï ambe ísïisti komu eska uandontskuarheni, engari uéjka ísku pakatani máteruechani sánderu sésiksïni jarharisïndi.
Engari ísï mórhekuarhijka eska máteruecha, májkuenisïngari eskaksï imeecha. Ambe engari jukaaka uaati xarhatani na engari jásïika ka ísï xarharani enajkiri tʼu no agustu pʼikuarherajki o kʼéri pʼikuarherani o tsimarhani ambe. Ístu uaati ísï xarharani enajkiri uéjki eskaksïni solu tʼungini exeaka.
Enbesi de uékandi seksi mórhekuarhini, sánderu sési jánguarhinta kaxumbitiini. “Arisku sáni mórhekuarhini no arhikuekasïndi eskari ísï mórhekuarhiaka eska chiiti naandi kʼéri, ísï uandasïndi uátsï ma enga arhinhajka Monica. Sánderu sési xarharasïndi eskari xénchakuarhisïnga ka ístu máteruechani”.
Jamberijtsï ístu uéjka ini ambe míteni
WHAT YOUR PEERS SAY
¿Andisïni xáni uandanhiajki na engani xarharajka?
Exe ambe engakeni uaaka jarhuatani parari no indeni ambejku eratseni jarhani parari sési xarharani.
AMBE ENGAKSÏ UANDAJKA MÁTERU TUMBIICHA
Ambe engaksï uandajka máteru tumbiicha de sési xarharani
¿Andisï sáni úkua juka no puru eratsini jarhani na engari xarharajka? ¿Ambekini uá jarhuatani?
