Jamberiri mítekia eskari niáraaka pʼamenchani engari no jánguarhintaska mámaru ambe arhani ka imani ambe enga marhuajka. Ima tumbiicha engaksï no pʼindeka imani ambe arhani enga marhuatspijka, seguirisïndiksï májkueni úni engaksï kʼérijkia. Jimbosï sési jati eskari desde iáiasï jánguarhiaka exeni ambe engari arhajka.

•  ¿Ambe arhikuekasïni imani ambe arhani enga marhuajka?

•  ¿Ambe uá úni parani imani ambe arhani engarini marhuachijka?

•  Ambe engaksï uandajka máteru tumbiicha

 Biblia arhisïndi eskachi jánguarhiaka ambakiti pʼindekuechani jatsiani (1 Timoteo 3:11). Miá ini ambe engari arini ambe arhintani jauaka:

•   Jatsiskari para iámindu ambe arhani enga mándani grupurhu jaka. Tʼirekua ambe, sinku grupuecha jimbo arhukurhitixati, ima ambe enga lechi jingoni úkata jaka, proteinecha, fruta ambe, berdura ka sereali ambe. Máru kʼuiripuechaksï no iámindu ambe arhasïndi jimbokaksï eratsesïnga eskaksï ísï niáraaka tsauapintani. Joperu inde ambe, uáti úni eska chíti kuerpu no jatsiaka ambe enga uétarhinchajka para sési jarhani.

   ¿Andirisï no ari ambe újki? Inbestigari o kurhamarhi doktorini ma para ambe marhuasïni ima ambe enga tʼirekuarhu ísï jukajka. Por ejemplu:

   Karboidratuechaksïni jarhuatasïndi parari uinhapikua jatsini. Proteinechaksï marhuakuati chíti kuerpuni para no infeksioni ambe pʼirani ka para sési jarhani. Máru grasecha, enga séskuiuaka, jarhuatasïndikini parari no niárani mintsitarhu pʼamenchani ka parari sési pʼikuarherani.

   “Jánguarhintasïnga iámindu jásï ambe arhani engani tʼireni jámaaka. Ístu, no no sési jarhasti para ji, iauani méni imani ambe arhani enga téjka o enga grasa jukajka. Ísïsti, ma no jatsipirindi para puru indeni ambejku arhani. Jatsiskachi para sésku arhani ambe ma” (Brenda).

•   Sésku arhani ambe ma jarhuatasïndikeni parari no jukari o sántku tʼireni. Ménisïri úpiringa no káni sési tʼireni, no tʼireni jiáni engari kʼarhimani jauaka ka tátsekuari jukari jamberi tʼirenia ori méntku no uékani arhani imani ambe engari kánikua anhenchajka.

   ¿Andirisï no ari ambe újki? Kara ambe engari xáni arhajka ma kutsï jimbo. Tátsekua exe namundi xanhari úski ambe engachi iáiasï uandaka. Ka exe ambe engari uáka mójkutakuni parari no jukari o sántku tʼireni.

   “Ménisïni jukari jamberi arhasïrenga ambe enga kánikua kaloria jukajka ka ménisï méntkuni no ma ambe arhasïrenga. Astakani úndapka nóteru miiunia kaloria ambe, jingontku jarhani parani no jukari jamberi tʼireni ka nóteruni arhania ambe ma engani uinirini japiringa. No fásilisti, joperuni iásï séskuni arhasïnguia ambe ma” (Hailey).

•   Sési uaxasta ambe engari uáka. Biblia arhisïndi: “Sési nikuati imani enga ánchikuarhirika enga sési eratsintaaka ambe enga uáka” (Proverbios 21:5). Parari pʼindeni imani ambe arhani engakini marhuachijka, jatsiskari para sési uaxastani ambe engari auaka.

   “Jatsiskari para sési uaxastani ambe ma parari imani ambe arhani engakini marhuachijka. Sáno méntkisï, jatsiakari para chéniu úmantani ambe engari auaka. Joperu nájkiruka úkua jukaaka, sésikini uéraachiati ambe ma ka astari niáraaka nóteru xáni tumina úraania” (Thomas).

•   Enbesi deri imani ambe arhani enga no marhuajka, imani ambe á enga marhuajka. Biblia arhisïndi eskachi kuájchakuaka mímixekuani engajtsïni jarhuatajka ambakiti ambe úni (Proverbios 3:21). Mímixekuakini jarhuataati parari eratsini ambe úni parari mámaru ambe arhani engakini marhuachijka ka sánhani arhindi pʼindeni ísï tʼireni.

   “Mándani jurhiatikua, jánguarhintasïrenga sikiera ma ambe no arhani engarini no xáni marhuachipiringa ka sánderu sési, imani ambe arhani engarini sési úchipiringa. Por ejemplu, enbesi de imani ambe arhani enga tékua jukapiringa, mansana ma arhasïrenga. No ióni jimbo, uánikua ambe mójtakuxapkia mándani jurhiatikua” (Kia).

•   Ú ambe engari uáka úni. Biblia arhisïndi: “Tsípikua jingoni marhuata chíti tʼirekuani” (Eclesiastés 9:7). Imani ambe arhani enga marhuajka, no arhikuekasïndi eskari nóteru tsípikua jingoni tʼireakia o eskari méntku pendienti jauaka imani ambe jimbo engari auaka. Asta jamberi engari uéjka tsauapintani, miá eska jindeska parari sési jarhani. Ísï jimbo, imani ambe ú engari uáka úni.

   “Iásï sáni, 13 kilu (30 libras) kétsentaska, joperuni no méni niáraska kʼarhimani pakarani níjtuni jurajkupi arhani iámindu jásï tʼirekua ambe níjtuni no sési pʼikuarherapi engani niárapka postre ma arhani. Kurhanguspka eskani no niárapiringa sóntku kétsentani ka eskani jatsispka parani mójtakurhini ka pʼindeni imani ambe arhani engarini marhuachijka” (Melanie).