Sánderu jimbanhi programecha engaksï marhuajka para jirinhantani ambe ma Internetirhu, komu Chrome, Edge, Firefox, ka Safari, úsïndiksï úrakuarhini Android jimbo, iOS, Mac, ka Windows jimbo. Ístu, sáno iámindu programecha engaksï marhuajka para jirinhantani ambe ma Internetirhu, úsïndiksï úrakuarhini imani aparatuecha jimbo engaksï Android 5.1 kámajka o máteruecha bersionicha jimbo engaksï sánderu jimbanhika.

Paraka pájina jw.org uaaka seguirini sési marhuani no ma peligru jingoni, jamberi juchaari pájina nóteru uaatia terukuntani ióntki anapu programecha jingoni engaksï marhuauenga para jirinhantani ambe ma Internetirhu. Pori ejemplu, nóteru marhuauatia Internet Explorer jingoni. Ménichanchi jatsisïnga para úni eska juchaari pájina seguirini jauaka marhuani ióntki anapu programecha jingoni. Ísï jimbo, engajtsï no úni jauaka inchani juchaari pájinarhu, aktualisari je programani enga marhuajka para jirinhantani ambe ma Internetirhu ka ístu aktualisari je chaari aparatueri sistema operatibuni. Enga ima programa enga marhuajka para jirinhantani ambe ma internetirhu no úni jauaka, uaakajtsï késkuni máteru enga sánderu jimbanhiuaka.

Amigu ma enga jorhenaka úrani pájinani jw.org, jamberiksïni uáti jarhuatani. Enga nómbe, jimboetakua sukursalini ma jirinhanta je engaksïni no iauani pakarachejka.