Iámindu pájinecha ka ambe enga újka úni pájina usïndiksï xarharani komputadora ma jimbo peru ístu iámindu i ambe úsïndi úrakuarhini tableta ma jimbo o selulari ma jimbo. Peru ini aparatuechani jimbo enga sánderu sapichu jukaka pantaiani menuecha ka ambe enga jukaka pájinecha ménderuenksï xarharasïndi, para ma úni sési exeani. Ambe enga ixú uandajka jarhuataatiksïni parajtsï cha úni sési úrani jw.org.

•  Nénaksï marhuasïni menuecha

•  Néna exeani artikuluechani o kapituluechani publikasionirhu ma

•  Néna arhintani Bibliani Internetirhu

•  Néna kurhaani artikuluni ma

Komputadora ma jimbo, títuluecha ima particheri engaksï sánderu jukaparhakueka méntkisïksï orisontali uerasïndi pantaiarhu karhakua ka títuluecha máteruecheri ambe kétsimanisïksï uérasïndi uikixkandani ladu pantaiarhu.

Peru selulari ma jimbo o tableta ma jimbo, títuluechaksï particheri ka títuluecha máteru ambeeri, kétsimanisïksï uérasïndi ka jirikuarhisïndiksï engaksï no úrakuarhini jarhajka para sánderu espasio jarhani pantaiarhu.

• Jaiaskuku je jima enga arhijka Menú para xarhataani o jískaani menuechani engaksï úrakuarhijka pájinarhu. Engajtsï jaiaskukuska seksioni ma jimbo, indeni seksioni jimboksïni paati pájina uénakuarhu anapu.

• Parajtsï úni exeni ambe enga mándani seksioni jataka jaiaskuku je jima enga arhijka Mostrar lista. Engajtsï jaiaskukuska apartadu ma jimbo, indeni apartadujtsï jimbo niuaka peru pájina uénakuarhu anapu jimbo.

• Parajtsï jískaani lista apartaduecheri jaiaskuku je jima enga arhijka Ocultar lista.

• Engajtsï jaiaskukuska jima enga arhijka JW.ORG, indeksïni paati uénakuarhu anapu pájina jimbo.

• Jaiaskuku je jima enga arhijka Erakuni idiomani parajtsï exeani idiomechani engaksï jaka.

• Jaiaskuku je jima enga arhijka Jirinhani parajtsï úrani indeni enga arhijka Jirinhani ambe ma.

Komputadora ma jimbo, índise publikasioniri ma xarharani jarhasïndi engajtsï cha arhintani jarhajka artikulu ma o kapitulu ma. Peru tableta ma jimbo o selulari ma jimbo índise jískakata pakarasïndi.

• Jaiaskuku je jima enga arhijka Xarhatani índise parajtsï úni exeni índiseni publikasioniri. Engajtsï jaiaskukuska títulu ma jimbo, xarharaati ambe enga jataka inde títulu o kapitulu.

• Jaiaskuku je botoni jimbo enga jindeeka Kʼuanhatsentani parajtsï kʼuanhatsentani ma kapitulu o artikulu.

• Jaiaskuku je indeni botonini enga arhijka Máteru parajtsï exeni artikuluni o kapituluni enga seguirijka.

• Jaiaskuku je indeni botoni jimbo enga arhijka Jískani índiseni parajtsï jískani índiseni ka parajtsï seguirini arhintani artikuluni engajtsï mítakata jatsika.

Ni je jima enga arhijka PUBLIKASIONICHA > BIBLIA ka eraku je idioma ma, ka tátsekua jaiaskuku je jima enga arhijka Jirinhani ka tátsekua jaiaskuku je jima enga arhijka Leer en linea. Ístujtsï uáka erakuni idioma ma ka tátsekua jima jaiaskukuni enga arhijka Jirinhani ka tátsekua jima jaiaskukuni enga arhijka “Lea la Bibla en línea” enga uénakuarhu anapu pájina jimbo jaka.

Barra de nabegasioni jimbo Bibliaeri, eraku je libru ma ka kapitulu ma listeri ka tátsekua jaiaskuku je jima enga arhijka Jirinhani.

Engajtsï na arhintani jauaka kapitulu ma, Barra de nabegasioni xarharaati jima ma ladu enga Barra de menú jaka parakajtsï uáka sánderu fásili nirani máteru kapitulu jimbo.

• Engajtsï uékaaka sánderu espasiu jatsini pantaiarhu, jaiaskuku je jima enga arhijka Kénditani para kéndikukuarhini Barra de nabegasioni Bibliaeri. Parajtsï úni máteru kapitulu exeni, orhetajtsï jatsiska para asta kétsekua nirani o asta karhakua.

• Jaiaskuku je indeni botoni jimbo enga arhijka Jurajkuni paraka Barra de nabegasioni Bibliaeri no kéndikuaka.

• Jaiaskuku je jima enga arhijka Xarhatani índiseni, parajtsï úni exeani libruechani Bibliaeri.

• Jaiaskuku je indeni botoni jimbo enga arhijka Kʼuanhatsentani parajtsï exeni kapituluni enga antesi jaka.

• Jaiaskuku je indeni botoni jimbo enga arhijka Máteru parajtsï exeni máteru kapituluni.

• Jaiaskuku je indeni botoni jimbo enga arhijka Jískani índiseni parajtsï jískani índiseni Bibliarhu anapuni.

Engajtsï mítaaka artikuluni ma ka audiu jimbojtu jarhani, xarharaati Barra de audiu ma.

• Jaiaskuku je imani botoni jimbo enga arhijka Uénani parajtsï úni kurhaani grabasionini.

• Jaiaskuku je imani botoni jimbo enga arhijka Pausa paraka anhaxurhiaka grabasioni. Ka para ménderu uénani jaiaskuku je jima enga arhijka ménderu uénani.

• Uákajtsï manatakuni Barrani parajtsï tátsepanisï páni o orhepanisï, seguni eskajtsï na uékaaka.

Engajtsï uénaka kurhaani grabasioni ma ka engajtsï kétsekua ísï niuaka pájinarhu Barra de audiu no kéndikuati. I ambe marhuauati parajtsï anhaxustani grabasionini o parajtsï seguirini kurhaani nájkirukajtsï máteru nani ísï exeni jauaka artikulurhu.