PÁJINA JW.ORG
Néna exeantani publikasioniichani internetirhu
Jima enga arhijka PUBLIKASIONICHA íni pájinarhu jw.org, uánikua publikasioniichaksï jarhasti para arhintani ka kurhaani ka ístuksï uánikua bideuecha jarhasti. Ambe enga ixú jaka jarhuataatiksïni parajtsï sóntku exentani ambe engajtsï jirinhantani jaka.
Néna úrani jima enga jindeeka para jirinhantani ambe ma
Parajtsï úni exentani publikasioni ma úrapariani solu máru uandakuechani, úra je partini Jirinhantani.
Jima enga arhijka Jirinhantani, kara je uandakua ma o uandakuechani engajtsï uékani jaka exentani. Jaiasku je teklani Intro (Enter) o Jirinhantani. Ka tátsekua kara je uandakua ma o frase ma engajtsï miáni jaka publikasioniiri. I ambe uaati eska ima publikasioni engajtsï jirinhantani jaka orhetku xarharaaka.
Enga uánikua ambe xarharaska, uaakajtsï erakuni nákintsïsï jirinhantani japi ini ambe úparini:
Eraku je na jásï publikasionijtsï ma jirinhantaxaki. Pori ejemplu, uaakajtsï jaiaskuni jimini enga arhijka Bideuecha paraksï solu bideuecha xarharani.
Jaiasku je jimini enga arhijka Iámu ambe exeni enga mándani seksioni jimbo jaka parajtsï exeni ambe enga jaka solu indeni seksioni jimbo.
Ístuksï xarharaati publikasioniicha engaksï BIBLIOTEKA INTERNETIRHU jaka, nájkirukaksï no jaka jw.org jimbo.
Néna jirinhantani publikasioni ma
Engajtsï míteka na enga arhinhajka publikasioni ojtsï miáuani jarhani máru uandakuechani, uaakajtsï ini ambe úni parajtsï sánderu sóntku exentani publikasionini.
Jaiasku je jimini enga arhijka PUBLIKASIONICHA > LIBRUECHA KA FOIETUECHA.
Jima enga arhijka Iámindu ambe, kara je uandakua ma o máru uandakuechani títulueri publikasioniiri engajtsï jirinhantani jaka. Pori ejemplu, engajtsï jirinhantani jaka libruni ¿Ambejtsïni jorhendasïni Biblia?, uaakajtsï karani uandakuani “jorhendasïni” parakaksï solu ima publikasioniicha xarharaaka engaksï pájka ini uandakuani títulurhu “jorhendasïni”. Tátsekua, jaiasku je imani publikasionirhu engajtsï jirinhantani jaka.
Jaiasku je jima enga arhijka Jirinhantani.
Néna jirinhantani rebista ma
Jaiasku je jimini enga arhijka PUBLIKASIONICHA > REBISTECHA.
Ambe engaksï orheta xarharaaka, jindeuatiksï tʼámu rebisteecha engaksï últimu uéraka ¡Tsínharhi! ka Aianhpiri enga jindeeka para kʼuiripuni jurajkukuni, ka ístuksï xarharaati ochu rebisteecha Aianhpiri engaksï jindeeka para jorhenguarhini. Parajtsï exentani imani rebistani engajtsï jirinhantani jaka, ú je ini ambe:
Listeecharhu, eraku je imani rebistani engajtsï jirinhantani jaka ka ístu uéxurhini.
Tátsekua jaiasku je jimini enga arhijka Jirinhani.
Néna exeni náki formatuecha jimbo jarhaski publikasioni ma
Máru pájineecharhujtsï uaaka erakuni na engajtsï uékaaka eskaksï xarharaaka publikasioniicha: kuadruecha jimbo o lista jimbo.
Engajtsï jaiaskuska jima enga jindeeka para Kuadruecha jimbo xarharani, publikasioniichaksï ísï xarharaati. Ka ueenani jámanksï ísï xarharasïndi publikasioniicha.
Engajtsï jaiaskuska jima enga jindeeka para Lista jimbo xarharani, publikasioniichaksï ísï xarharaati.
Xarharaati portada ka títulu mándani publikasioniiri ka ístu imani formatuecha jimbo enga jaka.
Eraku je publikasionini engajtsï uéjka arhintani no késkuparini.
Jaiasku je jimini enga arhijka Text ka xarharaati rekuadru ma enga arhijka Késkuni parajtsï exeni náki formatuecha jimboksï jarhaski.
Jarhastiksï publikasioniicha engajtsï uánikua formatuecha jimbo uaaka késkuani, komu PDF ka JWPUB. Ístuksï jarhasti publikasioniicha engajtsï uaaka késkuani kʼérati o sapirhati letreecha jimbo.
Eraku je náki formatu ka na jásï letra jimbojtsï uékasïni késkuni.
Jaiasku je jimini enga arhijka Audio ka xarharaati rekuadru ma enga arhijka Késkuni ka eraku je náki audiuntsï uékasïni késkuni.
Jaiasku je jimini enga arhijka Bideu ka xarharaati rekuadru ma enga arhijka Késkuni ka eraku je náki bideuntsï uékasïni késkuni.
