Engajtsï uékaaka exerani informasioni enga jw.org jimbo jaka nemani enga máteru idioma uandajka o engajtsï jorhenguarhini jaka máteru idioma, uákajtsï úrani ma ambe, ari tanimu amberi enga ixú uandajka parajtsï exentani informasioni imani idioma jimbo.

•  Mójtakuni idiomani pájinani

•  Mítani artikuluni ma máteru idioma jimbo

•  Jirinhani publikasioni ma máteru idioma jimbo

Uikixkandani ladu mándani idioma jimbo exeakajtsï ma i jásï ikonuni:

• Pájina jw.org jarhasti ini idioma jimbo. Engajtsï jaiaskukuska indeni idiomani jimbo, pájina mójtakurhiati indeni idioma jimbo.

• Pájina jw.org no jarhasti indeni idioma jimbo ka nomasijtsï uáka késkuani publikasionichani indeni idioma jimbo. Engajtsï jaiaskukuska indeni idioma jimbo, exeakajtsï lista ma publikasionicheri engaksï indeni idioma jimbo jaka.

• Lenguaje de seniasisti.

  Enga pájina jw.org jauaka idioma de seniasi jimbo ka engajtsï cha ini erakuaka, mójtakurhiati idioma pájineri.

  Enga pájina jw.org no jauaka idioma de seniasi jimbo ka engajtsï cha erakuka, uákajtsï exeni lista ma imani publikasionichani jingoni engaksï lenguaje de seniasi jimbo jaka.

Inde lista uánikua idiomechani jataasti. Parajtsï sánderu sóntku exentani imani idiomani engajtsï jirinhani jaka, i ambe u je:

• Eraku je idiomani engajtsï sánderu tsitijka: Karhakuaksï jauati ima tʼámu idiomecha engajtsï últimu erakuaka.

• Kara je idiomani: Karaa je primeru letrechani idiomeri. Uákajtsï chári idioma jimbo karani o imani idioma jimbo engajtsï jirinhani jaka. Exe je ejemplu ma, enga pájina purépecha jimbo jauaka ka engajtsï uékaaka inglesi jimbo péntani, uákajtsï jatsikuni “inglés” o “English”. Engajtsï na karapaaka, lista sánhani arhisïndi sánderu sapichu úkuarhintani, ka soluksï ima idiomecha xarharasïndi engajtsï cha karapani jarhajka.

Metodu 1: I ambe uáti úrakuarhini imani pájinechani jimbo engaksï arhiaka Arhintani ini idioma jimbo.

Jirinha je artikuluni engajtsï cha uékaaka arhintani o engajtsï máteru nemani uékaaka exerani. Tátsekua eraku je idiomani engaksï jima jaka enga arhijka Arhintani ini idioma jimbo. Indeni idioma jimbo xarharaati inde artikulu. (Engajtsï no exentajka idioma engajtsï jirinhani jaka, inde ambe arhikuekasïndi eska inde artikulu nótki jarhasïnga indeni idioma jimbo.)

Ambe ma: Engaksï audifunuecha ma uéraaka indeni listarhu engaksï idiomecha jaka, inde ambe arhikuekasïndi eska audiu jimbo jarhaska inde artikulu indeni idioma jimbo.

Engajtsï jaiaskukuska jima enga arhijka Arhintani ini idioma jimbo, mójtakurhiati idioma artikulueri peru no mójtakurhiati idioma pájineri.

Metodu 2: Engajtsï pájinarhu ma jauaka enga no jukaaka inde botoni enga arhijka Arhintani ini idioma jimbo, jiájkani jaiaskuku je jima enga arhijka Erakuni idiomani ka mójtaku je idiomani pájineri. Enga artikulu jauaka indeni idioma jimbo, jiájkani jirejiresï xarharaati. Peru enga no jauaka, jiájkani uénakuarhu anapu pájina xarharaati indeni idioma jimbo engajtsï erakukia.

Ni je jima enga arhijka PUBLIKASIONICHA > AMBE ENGA JAKA. Eraku je idioma ma listarhu ka tátsekua jaiaskuku je jima enga arhijka Jirinhani.

Úra je arhini ambe parajtsï úni sánderu sóntku exentani idioma ma:

• Eraku je idiomani engajtsï sánderu tsitijka: Karhakuaksï jauati ima tʼámu idiomecha engajtsï últimu erakuaka.

• Kara je idiomani: Karaa je primeru letrechani idiomeri. Uákajtsï chári idioma jimbo karani o imani idioma jimbo engajtsï jirinhani jaka. Exe je ejemplu ma, enga pájina purépecha jimbo jauaka ka engajtsï uékaaka inglesi jimbo péntani, uákajtsï jatsikuni “inglés” o “English”. Engajtsï na karapaaka, lista sánhani arhisïndi sánderu sapichu úkuarhintani, ka soluksï ima idiomecha xarharasïndi engajtsï cha karapani jarhajka.

Engaksï uánikua publikasionicha jauaka o máteru ambe indeni idioma jimbo engajtsï erakuka, inde parti enga arhijka AMBE ENGA JAKA márujku ambe xarhataati, engajtsï uékaaka máteru publikasionichani exentani o máteru ambe indeni idioma jimbo, máteru nani jirinha je (pori ejemplu jima enga arhijka, LIBRUECHA KA FOIETUECHA O REBISTECHA).

Engaksï ma jimbo no jauaka publikasionicha indeni idioma jimbo, uéraatiksï máru bínkuluecha engaksïni paaka máteru pájinecha jimbo enga jimbo jauaka informasioni indeni idioma jimbo.