“¡Xáni engachi ambarhati miántskuechani jatsiaka engachi nípka miiuni Beteli! ¡Nochi méni mirikurhiaka!” Inde ambe uandaspti temungurhiri ma Vanuatu anapu engaksï nípka miiuni Estados Unidos anapu sedeni Jeobaeri testiguecheri. Sánoksï májkueni pʼikuarherasïndi jukari de 70,000 kʼuiripuecha engaksï nirajka miiuni mándani uéxurhini.

¿Niraskijtsï ménisï miiuni ma edifisiuni ima tanimueri engaksï Estados Unidos jaka? Engajtsï nótki nirani jaka, pʼímarhisïngaksïni parajtsï nirani.

La central mundial de Brooklyn (Nueva York). Engajtsï niuaka miiuni, uákajtsï sánderu jorhenguarhini ambe enga xáni úkuarhijka jima para úni ánchikuarhitani ka jarhuajpeni para aianhpinhani ambakiti eianhperakua iámu parhakpinirhu. Ístujtsï uáka exeni tsimani exposisionichani. Ma arhinhasïndi “Ireta ma para Jeobaeri nombri”, ka máteru, “Biblia ka Tata Diosïri nombri”. Primerurhu uandanhantasïndi istoria Jeobaeri marhuaricheri desde primeru siglurhu asta iásï jamberi. Ka máterurhu, uákajtsï exeni mámaru járhati traduksionichani Bibliaeri engaksï jukanharhika Tata Diosïri nombri: Jeoba.

El centro educativo de Patterson (Nueva York). Mítia je eskuelechani engaksï ixú jaka, engaksï jindeeka Bibliaeri Jorhenguarhikua Galaadiri enga Watchtoweririka ka Jorhenguarhikua para Komitecha engaksï orhejtsïkujka Sukursalini ma ka imeri Témbecha. Ístujtsï uáka exeani exposisionichani ka bideuechani engaksï eianhpijka na enga ánchikuarhinhajka máteru departamentuecha jimbo, komueska Ofisina enga Dibujuechani uájka, Departamentu Asuntos Legalisiri, ka Grupu enga exejka na enga Eianhpinhani jaka ka Departamentu Audio ka Bideueri.

La imprenta y el Departamento de Envíos de Wallkill (Nueva York). Ni je miiuni parajtsï exeni na engaksï imprimirikuarhijka, enkuadernarikuarhini ka na engaksï axanhajka Bibliaechani ka publikasionichani máteru kúnguarhikuecharhu Estados Unidos, Caribe ka máteru nani ísï parhakpinirhu.

Uákajtsï miiuni Brooklyn anapu edifisiuechani ma ora ísï jimbo; ka Patterson anapuechani tsimani ora ísï jimbo, ka Wallkill anapuechani ma ora ka terujkani ísï jimbo.

Imecha engaksï Beteli ánchikuarhijka uátiksïni miiurani. Para imecha, i ánchikuarhita jindesti máteru ambe engaksï jimbo jarhuajpijka imani Bibliaeri jorhenguarhikuarhu engachi Testiguecha újka. Maiuni 2014 jimbo, jukari 5,000 kʼuiripu ánchikuarhixapti Brooklyn, Patterson ka Wallkill, ka jukari 3,600 jorhendanhastiksï paraksï miiurpini edifisiuecharhu. Úsïndiksï miiurpini 40 idioma ísï jimbo.

No ma, gratisisti.

Nómbe. Uánikuecha engaksï nirajka miiuni nóksï Jeobaeri testiguesti. Engajtsï Testigueka o nómbe, nirani miiuni, jarhuatatiksïni parajtsï sánderu sési kurhanguni ánchikuarhitani enga úkuarhijka i edifisiuecharhu para jarhuajpini ánchikuarhitani engaksï Jeobaeri testiguecha újka iámu parhakpinirhu.

Uarhiiti India anapu ma enga musulmaneka ka enga nípka miiuni Patterson uandaspti: “Kánikuani tsitipiringa ixú ánchikuarhini. Diosmeiamu je engajtsïni xáni respetu jingoni kámaka”.

¡Jo úsïndiksï! Nirani miiuni indeni edifisiuechani, uáti kánikua marhuakuani sapiichani. John, Estados Unidos anapu, karasti: “Desde engachi kʼuanhatsintaka Beteli uératini, sapiicha engaksï nípka juchantsïni jingoni miiuni puruksï inderi ambe uandani jarhasïndi engaksï jini exeka. Antedechi nirani, sántku ambejkuksïsï kurhanguendi ambe enga úkuarhienga Beteli. Peru iásïksï uékasïndi nirani Beteli marhuani engaksï kʼériuakia”.

Jo. Úsïndi ma nirani miiuni máru paisiri anapu sukursalicharhu. Parajtsï mítini naniksï jarhaski sukursalicha, ni je jima enga arhijka “Ju je miiuni juchari sukursalichani”. Pʼímarhisïngaksïni parajtsï miiuni juchari sukursalini ma.