IRETA siciliana de Saponara (Italia), Jeobaeri testiguechaksï intsïnhasti rekonosimientu ma, jimboksï jarhuajpispka jiáni enga iorhentpepka jimesisï.

Kʼéri iorhentperakua ma enga japka 22 de nobiembri 2011 jimbo, kánikua no sési úkuaspti máru kʼérati ka sapirhati iretechani jini Mesina. Ima chúrikua enga echeri tamorhupka uándikuspti sapini ma ka tsimani kʼératichani jini Saponara.

Enga na nitamapkia i ambe, Jeobaeri testiguechaksï organisarispti ka axaani máru jarhuajpirichani engaksï no ma tumina andajka para atsïmu kénditani ka eskombru jimesïsï enga sánderu no sési úkuarhipka.

Inde grupuechaksï májku kʼéri ánchikuarhispti juramuticha jingoni ka arhiasptiksï eskaksï jarhuataapiringa nani enga sánderu uétarhini japiringa, ka seguirisptiksï ánchikuarhini nájkiruka kʼamarapkia ima tiempu enga sánderu uétarhini japka jarhuajpini. Jeobaeri testiguecha engaksï niraenga jarhuajpini —máruksï biajarispti jukari 97 kilometru ísï (60 millas)— niárasïrendiksï jindeni entre sinkuenta ka ochenta, seguni eska na jánhaskuarhipiringa.

Uánikua imani iretarhu anapuecha enga no sési úkuarhipka, agradeserisptiksï kánikua Jeobaeri testiguecheri jarhuajperatani. Jima anapu alkaldi méntku úndasïrendi uandani: “Chájtsï ambakiti ejemplu máeska”.

Sinku kutsï tátsekua, jima anapu juramuti Fabio Vinci, —administración municipaliri nombri jimbo— íntsaaspti rekonosimientu ma jima anapu Jeobaeri testiguecheri kúnguarhikuani.