Imprenta Jeobaeri testiguecheri engaksï México jatsika, seisi uéxurhini seguidu intsïnhastia sertifikadu de Industria Limpia.

Ka 26 de septiembrini 2012 jimbo, Jeobaeri testiguechaksï intsïnhaspti sertifikadu espesiali ma México anapu gobiernueri, jimbokaksï “jánguarhintaska kuidarini ka kuájchakuni echerini paraksï no kontaminarini”.

Ambe enga uéjka i programa enga íntspiajka ini sertifikaduechani de Industria Limpia, jindesti eskaksï máteru empresechajtu jánguarhintaaka no kontaminarini. Nájkiruka i organisasioni no jindeka para andani tumina, Jeobaeri testiguechaksï mándani uéxurhini jarhasïndi ini programarhu. Achati ma enga ánchikuarhijka ini imprenta de México jimbo uandasti: “Parachi úni intsïnhani sertifikaduni de Industria Limpia, jatsiskachi para xarhatani eska na engachi újka ambe ma ka gasichani engaksï ixú uerajka kumplirisïnga paisiri juramukuecha jingoni para no kontaminarini, arini sieti ambe jimbo: tarhiata, itsï, basura (residuos urbanos), basura enga peligrosueka, seguridadi, lusi ka kapasitasioni para jorhenguarhini echerini kuidarini. Fabrikechaksï no jatsisti para afuersa karakuarhini i programarhu. Jucha úsïnga jimbokachi uékasïnga ísï úni”.

Interu parhakpini anapu Jeobaeri testiguecha, jánguarhintasïndiksï kuidarini juchari parhakpinini.