Centro de Detención de Inmigrantes Curtin, enga Derby (Australia Occidental) no iauani jaka, íntsantasti diploma ma, nuebi Jeobaeri testiguechani para agradeserikuani imecheri “ambakiti jarhuajperatani” imechani jimbo engaksï jupikata japka. I jindesti sánderu kʼéri lugari ini paisiri, nani engaksï jarhajka imecha engaksï jupinhajka (inmigrantes). a

Mándani semana, Jeobaeri testiguechaksï pʼorhembiasïndi imechani engaksï jupikata jaka, paraksï kurhajchani uandanhiatechani ka uinhaperantaani ka íntsani erokuarhikua enga Biblia íntspijka. Christopher Riddoch, enga imani lugarirhu ánchikuarhijka ka enga kontaktariuajka relijionichani ka máteru járhati kúnguarhikuechani, uandasti eska “seguirisïnga xarharani eska marhuakuasïnga bisita imechani engaksï jima jaka”. Seguni Riddoch, Jeobaeri testiguechaksï jarhuataasïndi imechani engaksï jima jarhajka paraksï sési pʼikuarherantani. Ima eratsisïndi eska enga nema pʼorhembiajka ini achatichani, úsïnga eskaksï pʼikuarheraaka eska “jarhaska nema jiniani uérakua enga uandanhiajka imecheri sési jakua jimbo”.

Christopher Riddoch ístu uandaspti eska diploma engaksï Testiguecha intsïnhaka, jindeska para agradeserikuani engaksï “jarhuatajka imechani engaksï ini lugarirhu jaka paraksï sánderu sési irekani”. Tátsekua, uandaspti eska jimbokaksï Testiguecha xáni jánguarhintasïnga ini ánchikuarhitarhu, úsïngaksï “eskaksï imecheri familiecha, kúnguarhikuecha ka imecheri relijioni sési exekateuaka”.