Kinse minutu kuerataxati para sieti de la manianeni, ka no ma nubi jarhasti Tuxedo (Nueva York). Lagu sapichu ielu jukajtsïtixati enga imani edifisiurhu ma ladu jaka enga tʼámu pisuerika, ini edifisiurhuksï inchaxati erachicha ka pirenchicha ánchikuarhiteri xukuparhakua jukarini. Xarhintkuksï uérasti imecheri kʼumanchikuarhu o nani engaksï pakarani jaka. Máruksï iauani uératini jurhasti komueska Patterson, Wallkill ka Brooklyn (Nueva York), engaksï 80 kilometru ísï (50 millas) iauani jaka ka máteruechaksï no xáni iauani uératini jurhasïndi.

Ánchikuarhirichaksï no solu Nueva York anapuesti, sino iámu Estados Unidos uératinksï jurhasïndi ka máru asta sánderu iauani. Iámindu i ánchikuarhirichaksï no ma tumina andasïndi ka máruksï ma semana pakaraati, máteruecha seisi semana ka máteruechaksï sánderu tiempu. Meiampikuarhistiksï biajini ka nóksï ma tumina intsïnhasïndi. Peruksï kánikua tsípikuarhita jingoni úsïndi ini ánchikuarhitani.

Iásïksï 120 jurhasti ánchikuarhini, peru máteru kutsïcha jimbo sánderuksï juuati. Inchasïndiksï komedorirhu ka diesichanksï uaxakasïndi mesarhu ka jatsirakuarhisïndiksï kafe. Kosinarhu sési jájkundexati: úmanhantaxati uebu tosinu jingoni. Sieti en puntu uénasïndi nitamataranhani telebisioni jimbo, imani jurhiatikueri textu enga Bibliarhu pʼitakata jaka ka enga kánikua marhuakuajka. Kinse minutu tátsekua, meseruechaksï íntspesïndi desaiunu. Ístuksï íntspesïndi kurhinda ka abena. ¡Xáni uánikua ambe para tʼireni!

Enga únhajkia kómarhikua kʼamarhukueri, iáminduksï nirasïndi para uénani ánchikuarhini. Imecha engaksï konstruksionirhu ánchikuarhijka tsípikuarhita jingonksï uandontskuarhini jarhasïndi engaksï jamberi jukantani jarhajka kaskuechani, sinturonichani erramientecha jingoni, lentichani ka chalekuechani.

¿Ambeksï úxaki ixú? Mójtakukuxatiksï máru ambe edifisiuechani enga jindepka empresa International Paper Company, paraksï iásï, ixú uératini exeni ánchikuarhitani enga úkuarhini jaka jimbanhi sede mundialirhu Jeobaeri testiguecheri. I sede Warwick únhaati, terrenurhu ma enga no iauani jaka. Ka ixú Tuxedo, únhaxatiksï kuartuecha, ofisinecha, taiericha ka nani enga patsanhaaka ima ambe enga úrakuarhiaka. Martesï 12 de marsu de 2013, Tuxedo anapu juramutichaksï sésikua íntspespti para uénani ánchikuarhinhani.

¿Nénaksï erokanhasïni ánchikuarhiricha? William, Nueva Jersey anapu, enga pakarani jaka Testiguecheri edifisiurhu ma, uandantasïndi: “Engari janojkia, erachicha engaksï erokpijka arhisïndiksïni naniri pakaraaka, nénari niára máteru nani ísï ka nénari úraua chíti mítakuechani... iámindu ambe engari jatsika para mítini. Kánikuaksï sési kámpisïndi. Jini Tuxedo, engari desaiunarijkia, nirasïngari ánchikuarhini ka jimari mítisïnga imani enga orhekupajka chíti ekipuni, engakini arhijka ambe engari jatsika para úni”.

¿Nénaeski ánchikuarhita ixú? Yajaira ka uámba, engaksï Puerto Rico uératini juka, ánchikuarhisïndiksï para jatsikuani panelichani engaksï iesuerika. Ima uandantasïndi: “Jauarasïngachi 4:30 de la maniana. Limpiuchi jurajkusïnga kuartuni, arhasïngachi kafe ka tátsekua, iáminduechachi pánhasïnga ánchikuarhitarhu. Kánikuachi kuataratini kʼuanhatsintasïnga. Peru no arhisïndi, jimbokachi chúskutasïnga terekuarhini. Ixuksï iáminduecha méntkisï tsípini jarhasïndi”.

Zach ka Beth —temungurhiri ma estadu de Minnesota anapu— jarhuajpisïndiksï sési jájkuntani terrenuni enga boskerhu jaka jini Warwick. Engaksï kurhamarhinhapka andiksïsï jarhuajpini japi, Beth uandaspti: “No jarhasti máteru ambe enga sánderu jukaparhakueka eska marhuakuni Jeobani. Uékasïrengachi úrani imani ambe engachi jorhenaka úni”.