Ánchikuarhiri ma prepararikuarhixati para inchamani lagurhu Sterling Forest (Blue Lake) aparatu ma enga marhuauaka para no inchanheni basura jimesïsï enga itsï iorheaka.

Ánchikuarhirichaksï máru sementu atanharhitaxati (hormigón) bardecharhu engaksï asotearhu jaka, edifisiurhu enga mantenimientuerika. I ánchikuarhita sánderu sóntku úkuarhisïndi ka eska jima jeuetani jarhani sementu.

Fotu pʼitajpiti ma enga Departamentu de Dokumentasionirhu ánchikuarhijka, fotuechani máru pʼitaaxati konstruksioniri. Grupu enga Orhejtsïkuajka iámindu kúnguarhikuechani Jeobaeri testiguecheri exeasïndi fotuechani mándani semana para exeni na enga nirani jaka konstruksioni.

Temungurhiri ma engaksï sur de California uératini juka, jurhastiksï para jarhuajpeni Departamentu de Plomeriarhu (fontanería). Íksï, imecha jingoni kuenta úkuarhesïrendi engaksï xáni uánikua niárapka imani jurhiatikua jini Tuxedo, jima enga niáranhajka para nirani ánchikuarhini Warwick. Jurhiatikua 1 de agostuni, niárasptiksï 707 jimbanhi ánchikuarhiricha, ma ambe enga no méni úkuarhini japka.

Empresarhu anapu ánchikuarhirichaksï máru engaksï no Jeobaeri testigueka, úraxatiksï grúa ma para karhatani ka jatsikuni paredi ma. I jindespti últimu edifisiu para irenhani engaksï jatsikuapka paredichani sementueri ka bentanechani.

Empresa ma, jatsikuxati puentini ma enga marhuauaka para úni parhikuni edifisiu C uératini a edifisiu D.

Ima engaksï jardinirhu ánchikuarhijka pastuksï jatsintskaxati ladu oesterhu.

Ánchikuarhirichaksï máru sési úntaxati kanalini para itsï iorheni, enga marhuajka para itsï jatakua sési ánchikuarhini. Estruktura enga uénani jámani únhapka, uéxurhini 1950 únhaspti. Ka jimboka iásï kʼérati ka no sési janisïnga, i ánchikuarhita marhuauati para itsï no inchani edifisiuecharhu engaksï Warwick jaka ka ni besinuechani inchakuani.

Para no xáni uánikua jánhani jarhani ánchikuarhitarhu, máru ánchikuarhitecha engaksï incharini úkuarhipiringa, komueska atarhentani ka tuberia jatsikuni, chúrikuaksï únhaspti. Imani jurhiatikuechani enga segundu turnu ánchikuarhinhapka, uánikua jarhuajpirichaksï desde las tresi de la tarde asta las dosi de la maniana jamberi ánchikuarhispti.

Ánchikuarhiri ma enga ekipu HVAC (calefacción y refrigeración) jimbo ánchikuarhijka, jorhendaxati imeri kompanierani ma tubuechani irhiparhakuani.

Atarhentaxatiksï puentini ma enga jindeka para edifisiurhu B uératini parhikuni a edifisiu mantenimientueri.

Uánikua ánchikuarhirichaksï estasionamienturhu ma erokuarhixati paraksï Warwick pánhani. Ka úranhasïndiksï máru autobusicha paraksï paani ánchikuarhirichani.

Kuinaaxatiksï tanimu Warwick anapu ánchikuarhirichani. Pelukeriecharhu engaksï Tuxedo jaka jini Warwick ka almacen de Montgomery jimbo, kuinanhasïndiksï jukari kuatrosientu mándani semana.

Jima enga yasimiento geotérmico jaka, péranhasïndiksï moldecha para sementu jatsirani. Únhastiksï 120 posuecha engaksï 150 metru (500 pies) jauanheka ka íksï úsïndi eska jorhepekuarhiaka ka tsʼirakuarhini. Energia geótermica, úsïndi eska no xáni úrakuarhiaka tumina ka eskaksï edifisiuecha no xáni kontaminariuaka echerini.

Ixú janosïndi ima ambe enga kurhajkuarhinhajka, engaksï ísï péranhajka seguni eska para náki ánchikuarhiteuaka engaksï Warwick únhani jaka.

Temungurhiri ma enga Warwick ánchikuarhijka (enga jurhijkandani ladu jaka) tʼirexati familia ma jingoni. Uánikua familiecha engaksï Jeobaeri testigueka íntsaxatiksï ospedaje imechani engaksï jarhuajpini jaka ini ánchikuarhitarhu.

Pirenchi ma enga jarhuajpijka, exexati nivel topográfico ma jingoni enga automatikueka na xáni desnibeli jarhaski.

Kʼamarastiksïa jatsikuani bentanechani jima enga jindeka para erokaani imechani engaksï niuaka miiuni.

Maiu uératini a agostuni, jatsikuastiksï paredichani konkretueri ka techuni últimu edifisiuni para irekanhani, edifisiu B. Ka kʼamaranhastiksï iámindu puenticha para úni xanharanhani iámindu edifisiuecharhu ka uénasti ánchikuarhinhani uérakua anapu jardinicha jingoni.