Puentiksï ma móskuxati asta jima enga úrakuarhiaka. Engaksï késkuni japkia kamionirhu uératini, jatsisptiksï para iantecharhu máru píjtsïtani. I puenti marhuauati para parhikuni pantanueni jásïni ma engaksï uéjka kuidarini.

Tejadu ekolojiku ma uánikua plantecha jingoni engaksï Sedum arhinhajka, ka engaksï mójtakukuarhijka kolori antesi de inbiernu. Tsikiraastiksï tejaduecharhu 16 mámaru járhati i plantechani. I járhati tejaduechaksï jarhuajpisïndi para kuájchakuni mediuambienteni, jimbokaksï antsitasïnga janikueri itsïni ka úsïndiksï eska no xáni enerjia úrakuarhiaka. Para kuidariuani, solu uétarhisïndi uitsakua pʼikuni.

Karpinteru ma jatsikuaxati kosineri moldurechani kuarturhu ma. Febreruni de 2016 kʼamarani ísï, Departamento de Carpintería kʼamaraasptia 60% kosinechani.

Elektrisistechaksï jatsikuaxati fokuechani engaksï LED arhinhajka, para Watch Toweriri logotipu enga torrenirhu jaka úni chúrikuechani xarharani.

Chúrikuechanksï étskunhantasïndi fokuecha edifisiueri para ofisinecha ka para familia Beteli. Foturhu xarharasïndi resibidori ka torre. Imani torrenirhu uératini, imecha engaksï bisita niuaka, uátiksï uánikua ambe exeni Warwickiri ka iámu uirhipandani.

Ánchikuarhirichaksï prepararixati terrenuni ka sementuksï jatsintskaxati para xanharu ma úni paraksï trokecha nitamani enga emerjensia ma jauaka. Lona enga jini jukanharhikutini jaka, marhuasïndi para no tamorhuni enga jamberi ánchikuarhinhani jauaka.

Ánchikuarhirichaksï tragalusi ma jatsikuxati resibidorirhu ma enga elebadorichani jukaaka. Edifisiurhu para ofisinecha ka para familia Beteli úrani, onse tragalusichanksï jatsikuasti paraksï tʼíntskani incharini.

Kʼuiripu ma enga soldarijka, biseladora de oxiacetileno ma jingoni kachukuxati tubu ma tiámueri, enga úrakuarhiaka para sistema de refrigeración.

Jatsikuxati base ma para bentana. Enga na nibelariuakia baseni ka sési péraani iesueri paredini, kʼamaraati jatsikuni.

Adokini jatsintskanhaxati, nájkiruka janini jaka. Terujkanisï, xarharaxati nibeladora urapiti ma, enga pareju jurajkuni jaka materialini para pisu. Mákina charhapiti, jindesti para adokinichani jatsintskaani. Lona urapiti enga uikixkandani ladu jaka, jindesti para no no sési jántskani.

Ánchikuarhirichaksï máru intsïtpeaxati kablechani lusiri para subestación eléctrica ma, enga újka eska jauaka lusi edifisiuecharhu jini Warwick.

Ánchikuarhiri ma kʼamaraxati estrukturani tejadueri ma enga jindeka paraksï bisitanticha úni parhikuni estasionamienturhu uératini edifisiurhu ofisinecheri ka para familia Beteli. I tejadu marhuauati paraksï bisitanticha no kuakani enga janini jauaka o enga niebi uekorhini jauaka.

Tékniku ma jatsikuxati paneli de kontrolirhu na xánksï jatsiski para jorhepini kalderecha. Tʼámu kalderechaksï jatsikunhastia Warwick anapu edifisiuecharhu.

Téknikuecha máru, jatsikuaxatiksï sekadorechani labanderiarhu. Íksï sekadorecha úsïndi de 6 a 45 kilu takusï kʼarhirantani (15 a 100 libra). Labadorechaksï uikixkandani ladu péranhaati.

Gerrit Lösch enga Kuerpu Gobernantirika, nitamataraxati La Atalaya familia Beteliri jorhenguarhikuarhu. I tánguarhikua úsïndi exekuarhini máteru lugaricharhu engaksï Warwickiri ánchikuarhiricha pakarajka.

Departamento de Decoración de Interiores, páxati alfombra ma (moqueta) edifisiurhu ma enga irekanhaaka. Jukari 65,000 metru kuadradu (78,000 yardas cuadradas) piánhasti alfombra para iámindu edifisiuecha Warwickiri.

Entre septiembri de 2015 ka febreru de 2016, sésikua íntspenhasti para úni irekanhani edifisiuecharhu C ka D, jimboksïsï ánchikuarhiricha újtia jima pakarani. Jatsikunhastiksïa iámindu elebadoricha ka ístu kʼamaranhastia xanharu enga arhinhajka Residence Drive, jatsintskaparinhani adokini. Jimboka sési jánhaskuarhespka inbiernu jimbo, úsptiksï sánderu kókuani kʼamarakuarhini jardinicha.

Ánchikuarhiri ma enga plafoni jatsinchetajka, úraxati ambe ma para úni andanguni estruktura jatsincheni. Departamento de Paredes y Techos, ístu jatsikuaxati estrukturechani para paredicha, arhunhatarakua, paredichani iesueri ka ambe engateru xáni uétarhijka. Ístu resanariuasïndi iámindu paredichani, para enga ambe kurhupeska no iápuru ísï etsakurhini.