Harold Corkern, enga jarhuajpiriika Komite de Publikasionicheri ima Grupueri enga Orhejtsïkuajka iámindu Kúnguarhikuechani, nitamatarasïndi arhijtsïkperata ma enga arhinhajka: “Ju je úni imani ambe engachi uáka úni”. Arhijtsïkpitichaksï méntkisï nirani jarhasïndi Warwick para uinhaperantaani ánchikuarhirichani.

Plastiku urapiti kuájchakuasïndi ánchikuarhirichani ka jarhuataasïndi paraksï úni ánchikuarhini inbiernurhu. Komedori, enfermeria, kosina ka labanderia ini edifisiuecharhuksï jauati.

Elektrikuechaksï jatsikuxati kableni. Jukari 12,000 metru (40,000 pies) jatsikunhasïndi edifisiuecharhu. I ánchikuarhita jini Warwick uénaspti úkuarhini enga echeri piánhapka ka seguiriuati úkuarini astaka kʼamaranhaka.

Ánchikuarhiri ma sinta jatsimukuxati balkonirhu para impermeabilisarini. Balkonichani engaksï karhakua jarhajka jatsikuasïndiksï polimetilmetacrilato (PMMA), ma ambe enga sési marhuajka para itsï no inchakuni ka enga újka sóntku atarhikuarhini.

Táti ma ka uájpa ma, engaksï imecha jingoni ánchikuarhijka engaksï elektrikueka jatsikuxatiksï kablechani enga marhuauaka para lusi jarhani abitasionicharhu edifisiuecharhu enga jindeka para irenhani.

Ánchikuarhirichaksï máru engaksï kánikua kʼarhimani jaka tʼirexatiksï komedorirhu ma engaksï ima úka arisku jásï ma. Pauani pauani jatsiranhasïndi jukari dosi mili tʼirekua para tsípku anhani.

Ánchikuarhirichaksï máru bariia jatsikuxati kétsekua nani engaksï jauaka taiericha mantenimientueri.

Máru kartecha engaksï sapiicha axakuaka para agradeserikuani ánchikuarhirichani engaksï no ma tumina andajka. Uánikua ánchikuarhirichaksï nirasïndi máru jurhiatikuechantku. Mándani semanaksï niárasïndi sáno kinientu ánchikuarhiricha engaksï no ma tumina andajka. Febreruni, ma 2,500 kʼuiripu ísï ánchikuarhispti Warwick pauani pauani.

Sáno 60% ánchikuarhiteri kʼamarakuarhistia. Entre eneru ka abrili de 2015 kʼamarakuarhisti estruktura edifisiuecheri enga jindeuaka para irenhani, ka ístu armasoni tiámueri para edifisiu engaksï ofisinecha jauaka ka para familia Beteli úrani. Ini kutsïchani, ístu uénakuarhisti jatsikunhani estruktura sementueri (hormigón) edifisiurhu enga mantenimientueriuaka, ístu únhasti xanharuechani engaksï pajpiaka edifisiuecharhu enga irekanhaaka ka ístu sési únhantasti presa, lagu Sterling Forest Lake (Blue Lake).

Na enga xarharajka kétsekua uératini torre ma engaksï eskalerecha jauaka. Empresanksï ma kontratarispti paraksï ini torreri estrukturani úni sinku pisueri ka Jeobaeri testiguechaksï jatsirasti mesklani.

Ma jurhiatikua inbiernueri enga kánikua tsʼirakuarhini japka, ánchikuarhirichaksï máru bariia jatsikuxati primeru pisurhu. Eneruni ka febreruni 127 sentimetru (50 pulgadas) uekorhispti niebi jini Warwick. Máru ánchikuarhirichaksï niebi kénditaxapti jima enga ánchikuarhinhani japka, ístu únhasptiksï lugaricha nani engaksï ánchikuarhiricha uénga nirani jorhentani.

Lámina tiámueriksï ójtsïtaxati estrukturarhu. Abrilini kʼamarhutanisï kʼamarasptiksïa uáni estrukturechani ka ójtsïtani techu enga jukaka para tsimani itsï iorheni sáno iámindu edifisiuecharhu engaksï jindeuaka para irenhani. Terujkanisï juniueri, kʼamaraatiksïa ójtsïtani edifisiuni para irenhani B.

Fotu ma, na enga xarharajka edifisiu para irenhani B, grúarhu ma uératini enga karhakua jaka.

Plomeruechaksï máru (fontaneros) exexatiksï planuechani. Uétarhisïndiksï jukari 3,400 planuecha engaksï aprobarinhakia para iámu ánchikuarhitani úni.

Karhakuaksï jarhasti elebadorirhu ma jatarini, ka máru ánchikuarhirichaksï lona jatsikuxati edifisiuni para kuájchakuni. Sésiksï jorhendanhasïndi paraksï sési úraani elebadorichani ka erramientechani. Imani ambe engaksï jorhendanhajka arhinhasïndiksï néna sési úraani elebadorichani engaksï jukaka para atastani ka tijereri, ístuksï arhinhasïndi néna no uekorhintani, ka uánikua máteru ambe engaksï uáka úni ka na engaksï uáka úrani imani para jirejtatarani ka na engaksï uáka manatani ambe ma.

Na enga xarharajka oestirhu uératini edifisiuecha para irenhani. Para abrilini kʼamarhutanisï, xáni kʼéri ánchikuarhita enga úkuarhini jaka mámaru amberi ka para lusi jatsikuni edifisiuecharhu para irenhani A, B, ka D. Edifisiurhu C (enga no xarharajka ini foturhu) uénakuarhistia iesu jatsikunhani ka atarhinhantani paredichani, ka ístu asuleju jatsikunhani.

Desde karhakua uératini, tsimani ánchikuarhirichaksï fachadarhu jatsirhukaxati protektori ma para no inchani bapori. Tsimani kutsï ísïksï ióndasïndi jatsikuni ini protektorini mándani edifisiuecharhu para irenhani.

Máru albanilichaksï tsïntsïkata ma úxati úraparini materiali ma enga arhinhajka granito. I edifisiu jindeuati para merkansia ambe niárani ka ístu para jarhuatani máteru departamentuechani.

Busunksï ma kontrataristi para mójtakuni balbula ma enga nóteru marhuaengia ka jimbanhi ma jatsikuntani lagurhu. Iásï solu botoni ma jaiastakuparini itsï úsïndi kétsini ka ísï uáti no inundarikuarhini enga urakani juuaka.