Siudadirhu uéakumanisï enga Australia jaka jini Sydney, ánchikuarhiri ma enga gobiernu jingoni ánchikuarhijka, niraspti exeni na enga únhani japka Kʼumanchikua Reinueri ma ka uandaspti eska “ima jindespka konstruksioni ma enga sánderu sési únhani japka enga ióni nóteru exepkia xásï ma”.

Ima achati karaspti: “Ima lugari kánikua sési jarhaspti [...], kánikua limpiu jarhaspti ka iámindu ambe sési peerakata jarhani, ka kánikua sési jándespti para inchani ka para uéntani; iámindu kablichaksï lusiri tirhipakorhetixapti ganchuecha máru jingoni engaksï plastikueripka [ka] extintorichaksï listu jarhaspti para úrakuarhini [...]. Iámindu engaksï jima ánchikuarhini japka kamisa iójkurhechanksï jukariaxapti, pantaloni, kasku ka lentichani [...]. Ka iáminduechaksï sési kámpisïrendi”.

“Jeobaeri testiguechachi exesïnga eska sési jakua sánderu jukaparhakueska eska ambe uéjki —ísï uandasïndi Victor Otter, enga enkargadu jaka inde konstruksioniri—. Engachi jingontku ánchikuarhijka, xarhatasïngachi eskachi májkueni jukaparharasïnga tsípikuani eska Tata Diosï, jánguarhintasïngachi májku kʼéri ánchikuarhini ka tsípekuarhita jingoni. Nájkirukani chúskutajka ánchikuarhini, juchiniu tsípiparini niántasïnga.”

Kʼumanchikua Reinueri, kʼamarakuarhisti abrilini de 2012, para 127 kʼuiripuecha.