Uánikuaksï, kánikua tsitiasti bideuechani serieri Jeobaeri amigu úkuarhi, jima engaksï kansionicha uérajka ka Kalebi ka Sofia. Táticha ka sapiicha karastiksï para agradeserini bideuecha jimbo ini serieri. Ariksï jindesti máru ejempluecha ambe engaksï axaka sapiicha:

• “Diosmeiamu DVD jimbo Jehová bendice al que escucha y obedece. Pauani pauani exesïnga juchiti jaguar jingoni enga pelucherika.” (Zach, enga sinku jatiriika)

• “Jimbanhi kansionirini jorhendasti eskarini Jeoba kánikua uékasïnga ka eska tsitisïnga eskani méntkisï kómarhiaka.” (Mikariah, enga seisi jatiriika)

• “Jorhenguarhiska kurhajchaani juchiti tátichani ka sési jatsini ambe ma ka limpiu. Diosmeiamu engajtsï úka ini bideuni para sapiicha.” (Nicole, enga ochu jatiriika)

• “Kánikua diosmeiamu bideuni jimbo. Kánikuarini sési pʼikuastasïndi ka tsíperani. Kánikuani tsitiska.” (Mckenzie, enga sinku jatiriika)

• “Kánikuani tsitiasïnga bideuechani Jeobaeri amigu úkuarhi. Pauani pauani exeasïnga. Jeoba kánikua uékpitisti engaksïni arhijka parajtsï ini ambe úni.” (Ava, enga ochu jatiriika)

• “Kánikuani tsitiasïnga bideuechani. Jorhenguarhiaxaka iámindu kansionichani. Iásï sánderuni uékasïngia Jeobani.” (Devon, enga kuatru jatiriika)

• “¡Kánikua uékaxakaia exeni máteru bideuni Kalebiri! ¡Seguiri je ísï ánchikuarhini!” (Vance, enga ochu jatiriika)