“Uékasïnga eskari niuaka jini enga grabarinhajka Columbia, Nueva York, parakari pireaka ma juchari pirekuechani ka eskaksïni úchiaka ambakiti grabasioni ma. Asï nemani aiangu ambe engari úni jaka.”

Uéxurhini 1913 kʼamarhukunisï, William Mockridge úspti ini xáni ambakiti ánchikuarhitani enga Charles Taze Russell arhipka. a Ima pirekua enga xáni mítikatepka, enga arhinhaenga “The Sweet By-and-By” (“El día sin igual”, enga jima jaka orheta pirekuecharhu utusï jimbo Jeobaeri testiguecheri), grabarikuarhispti diskuecha jimbo engaksï jindeka 78 rebolusionesi pori minutu. Ísï tátsekua, William mítispti eska ima pirekua úrakuarhepiringa para uénani programani “Foto-Drama de la Creación”, i programarhu, xarharasïrendi pelikulecha ka imajenicha koloriri engaksï bidriurhu atantskata japka, imani mísmu tiempu jimboksï jatsikuasïrendi grabasionichani Bibliaeri arhijtsïkperakuecheri ka kústakuechani. I programa “Foto-Drama”, uéraspti jini Nueva York eneruni 1914 jimbo.

Grabasioni enga William úpka, kurhaakuarhisïrendi ma ima jukari 50 diskuecharhu engaksï kústanhaenga gramofonuecharu imani programarhu inglesi jimbo “Foto-Drama”. Sáno iámu kústakua i programaeri, niáraspti únhani kʼuiripuecha jimbo engaksï no kúnguarhikuarhu Estudiantes de la Biblia jimbo anapuepka. Peru i kúnguarhikua grabaritarkuarhispti máru pirekuechani komu Willimiri. Íksï kústakuecha jarhasptia peru letra ixú pʼitakuarhisïrendi Himnario de la Aurora del Milenio inglesi jimbo, ma ima pirekuecherirhu.

Uánikua uéxurhinicha jimbo, Jeobaeri testiguechaksï piriasïrendi pirekuechani engaksï máteru kʼuiripuecha karauenga, peru enga letra no terokuntenga ambe engaksï kurhanguenga Bibliarhu, mójtakusïrendiksï.

Ejemplu ma, pirekua ma programaeri “Foto-Drama”, arhinhasïrendi “Our King Is Marching On!” (“¡Aquí está nuestro rey!”, seguni eska na xarharajka Himnario de la Aurora del Milenio utusï jimbo), ka jindespti adaptasioni ma ari pirekueri “The Battle Hymn of the Republic” (El himno de batalla de la República). I pirekua uénasïrendi arini uandakuecha jingoni: “Mis ojos han visto la gloria de la venida del Señor”. Peru kúnguarhikua Estudiantes de la Biblia mójtakusptiksï letrani para arhini: “Mis ojos ya contemplan la presencia del Señor”. Ini ambe jimbo engaksï úpka, nóksï solu uékaspti xarhatani eskaksï jakajkusïrenga eska tata Jesukristueri juramukua jupiringa sino eska japiringa tiempu ma enga xarharani japiringia eska ima juramuxapkia auandarhu (Mateu 24:3, Traducción del Nuevo Mundo).

Uéxurhini 1966 jimbo uéraspti “Cantando y acompañándose con música en su corazón”. I jimbanhi libru pirekuecheri jindespti ánchikuarhita ma enga jánguarhinhantapka kénditanhani kústakua enga pʼitakata japka pirekuecharhu engaksï kʼuiripuecha úntaenga o engaksï relijionicharhu anapuepka. Ini uéxurhini jimbo, Jeobaeri testiguechaksï orkesta sapichu ma úspti paraksï grabarini kústakuani 119 pirekuecheri engaksï japka. Kúnguarhikuechaksï úrasïrendi i grabasionichani paraksï pireni tánguarhikuecharhu, ka máru Jeobaeri testiguechaksï tsitisïrendi kurhauani imecheri kʼumanchikuecharhu.

Uéxurhini 2009 jimbo, Jeobaeri testiguechaksï petasti máteru jimbanhi libru pirekuecheri enga arhinhajka Cantemos a Jehová. Ístuksï grabarikuarhisti koru ka orkesta jimbo uánikua idiomecha jimbo. Ka 2013 jimbo uénastiksï petani bideuechani pirekuecheri para sapiicha. Ma pirekua arhinhasïndi, Nani uéjkisï uáka kómarhini. Ka mándani kutsï, késkunhasïndi pájinarhu jw.org uánikua miioni pirekuecha.

Uánikua kʼuiripu uandasïndi na engaksï xáni jukaparharajka ini pirekuechani. Uarhiiti ma enga arhinhajka Julie, karaspti i jimbanhi libru pirekuecheri Cantemos a Jehová: “¡Kánikuaksï sési jarhasti jimbanhi pirekuecha! Engani jandiajku jarhajka, imani kurhaauasïnga enga sánderu xarhatajka na engani pʼikuarhinhijka. I amberini jarhuatasïndi exeni na enga sánderu kʼékia juchiti pájperakua Jeobani jingoni. Ka sánderuni uékasïngia iámu mintsita jingoni marhuakuni”.

Nándi ma enga arhinhajka Heather ka enga tsimani uájpechani kaajka, ma siete uéxurhini jatiri ka máteru nuebi, ima uandasïndi na enga bideu pirekueri enga arhinhajka Nani uéjkisï uáka kómarhini, mintsitarhu niárakuaka imeri sapiichani. Nándi uandasïndi: “Jarhuataasti paraksï kómarhini, no solu engaksï jauarajka o engaksï juchantsïni jingoni jarhajka, sino na uéjki jatini engaksï uékaaka uandontskuarhikuni Jeobani”.