Menosi pájinecha ka sánderu uánikua idiomecha jimbo
Eneruni de 2013 uératini, rebista ¡Despertad! ka La Atalaya enga jindeka para iámindu kʼuiripuecha, 16 pájinaterku jukaati enbesi de 32.
Jimbokaksï i tsimani rebistecha menosi informasioni jukaakia, uátiksï sánderu uánikua idiomecha jimbo tradusirikuarhini. Asta iásï jamberi, ¡Despertad! 84 idioma jimbo jarhasti ka La Atalaya 195 idioma jimbo.
Rebista La Atalaya enga jindeka para estudiarikuarhini seguiriuati 32 pájinaerini.
Menosi pájinecha sïranda jimbo, sánderu pájinecha juchari sitiu Internetirhu
I ambe enga mójtakunhani jaka rebistecharhu engaksï imprimirikuarhijka, tsimani ambe uáti juchari pájina Internetirhu jw.org.
Máru ambe enga rebistarhu uéraenga solu sitiu jw.org jimbo uéraati. Ariksï jindesti máru: “El rincón del joven”, “Mis primeras lecciones de la Biblia” ka informi Galaadiri graduasionicheri (enga rebista La Atalaya jimbo uéraenga para iámindu kʼuiripuecha), ka ístu “Actividades para la familia” ka “Los jóvenes preguntan” (enga ¡Despertad! jimbo uéraenga).
La Atalaya ka ¡Despertad!, engaksï uánikua uéxurhinichani jimbo uérakia jw.org formatu PDF jimbo, ístuksï jauati formatu HTML jimbo. Iásïksï uátia arhikuarhintani desde komputadorarhu uératini, tableta o selulari ma jimbo. Ístu sánderu fásiliuati exeni máteru publikasionichani, engaksï Internetirhu jauaka 400 idiomecha jimbo ísï.