“Uékasïnga felisitarini iámindu chári kúnguarhikuarhu anapuechani jimbokajtsï jánguarhintasïnga marhuakuni Tata Diosïri Reinuni. Kánikuachi jukaparharasïnga ka diosmeiamukuaksïni arhisïnga, jimbojtsï jarhuatasïnga máteru Jeobaeri testiguechani ka ístu máteru kʼuiripuechani.”

I ambe uandasti Atlanta (Georgia, Estados Unidos) anapu alkalde, enga arhinhajka Kasim Reed, karta ma jimbo enga karaka para sési erokaani Jeobaeri testiguechani engaksï nípka tanimu kʼérati tánguarhikuecha jimbo engaksï indeni siudadi jimbo úkuarhipka.

Ayuntamientu Atlanta anapu, ístu karakata ma petaspti para sési erokaani imechani engaksï nipiringa Kʼéri tánguarhikuecharhu. Ini karakata jimbo, juramuti munisipalichaksï uandasti: “Sáno ochu miiuni Jeobaeri testiguechaksï jarhasti iámu parhakpini jimbo, engaksï mámaru kultureka ka engaksï mámaru idiomaeka, ka engaksï májku ambe eratsijka [...], ka engaksï uékajka kómarhini Jeobani, Tata Diosï enga Biblia uandajka ka enga Kueraaka iámindu ambe.”

Juliu ka agostuni 2014 jimbo, tanimu kʼéri tánguarhikuechaksï úkuarhisti Atlanta, tsimanksï inglesi jimbo ka ma utusï jimbo. Jurhasptiksï 28 paisirhu anapuecha engaksï pʼímarhinhapka. Programa enga inglesi jimboepka ístu nitamatarakuarhispti rusu ka japonesi jimbo.

Uéxurhini 2014, Jeobaeri testiguechaksï uásti 24 Kʼérati tánguarhikuechani internasionaliri nuebi paisi jimbo, 16 úkuarhispti Estados Unidos.