“¡Kánikuajtsïni uékperakua xarhatachesti! I ambe uandasti uarhiiti Ucrania anapu ma enga kurhaapka sési jásï karta ma Grupueri enga Orhejtsïkuajka iámindu kúnguarhikuechani Jeobaeri testiguecheri. Ini kartani, Stephen Lett arhintaspti, enga ístu ima Grupu jingonika enga Orhejtsïkuajka iámindu kúnguarhikuechani, ka enga nípka Ucrania 10 ka 11 de maiu 2014. Ka 165,000 Jeobaeri testiguechaksï kurhaaspti ini kartani.

I karta ka máru diskursuecha Bibliaeri, sinku idiomecha jimboksï nitamatarakuarhisti ka ístuksï exenhasti 700 Kʼumanchikua Reinueri jimbo (nani engaksï Jeobaeri testiguecha tánguarhijka) iámu Ucrania jimbo.

Ístu indeni mísmu jurhiatikuecha jimbo, Mark Sanderson, enga ístu jindeeka Grupueri enga Orhejtsïkuajka iámindu kúnguarhikuechani, ístu arhintasti ini mísmu kartani programa ma jimbo enga Rusia úkuarhipka. I programa 14 idioma jimbo nitamakuarhispti, ka 180,413 Jeobaeri testiguechaksï ústi kurhaani, jukari 2,500 kúnguarhikuechani jimbo, Rusia ka ístu Bielorrusia.

Karta Grupueri enga Orhejtsïkuajka iámindu kúnguarhikuechani, jindespti para Rusia ka Ucrania anapu kúnguarhikuecha. Erachi Sanderson ruso jimbo arhintasti, ka Jeobaeri testiguecheri sukursali Rusia anapu karasti: “Na enga xarhatajka Grupu enga Orhejtsïkuajka iámindu kúnguarhikuechani eska uandanhiasïnga kúnguarhikuechani jimbo engaksï ixuanisï jaka, uenhenchataraasti erachichani. Ísïspti enajkijtsïni uinhamu kamajchakupi Grupu enga Orhejtsïkuajka iámindu kúnguarhikuechani”.

I karta jindespti para sési pʼikuastaani ka uinhaperantani jimesïsï anapu Jeobaeri testiguechani, jimboka jima uarhiperanhaxaka politika ambe jimbo. I karta jarhuataasti erachichani paraksï no ma politiku jingoni úkuarhini ka paraksï no jámani ini parhakpini jimbo politikarhisï inchamukuni (Juanu 17:16).

Ini ambe eratsiparini, Grupu enga Orhejtsïkuajka iámindu kúnguarhikuechani miátantaaspti erachichani na enga xáni jukaparhakueka ambakiti pájperakua ma jatsini Jeobani jingoni, kómarhikua jimbo, estudiariparini Bibliani, ka eratsintaparini ambe enga Biblia uandajka. Ístu, arhiaspti eskaksï mintsikapiringa ambe enga uandajka Isaías 54: 17: “Nókini uáti kʼamajkuni na uéjki jásï uarhipetarakua ma enga únhaaka parakini tʼungini no sési úcheni”.

Karta ísï kʼamarasïrendi: “Kánikuaksïni uékasïnga. Uákajtsï seguru jarhani eskaksïni jucha no méni mirikurhisïnga ka eskachi méntkisï kómarhini jarhasïnga Jeobani chánksïni jimbo”.

Sukursali Ucrania anapu ini ambe uandasti inde bisitecheri: “Erachichaksï kánikua sési pʼikuarheraxati uékperakua jimbo ka na engaksï jimbo xáni sési kaajka Grupu enga Orhejtsïkuajka iámindu kúnguarhikuechani. Enga erachi Sanderson nípka Rusia ima mísmu jurhiatikuecha enga erachi Lett nípka Ucrania, xarhataspti na enga Tata Diosïri ireta májku kʼéri jaka, ka xarhatakuaspti erachichani na enga xáni uékaajka Jeoba ka ístu Jesusi. Iáminduchi májkueni eratsisïnga eska i bisita jindespka ambe ma engachi meru uétarhinchani japka. Iásïchi uinhapiti jarhaskia parachi úni uérakuani iámindu tsʼéjkukuechani ka parachi seguirini marhuakuni Jeobani”.