“Komueska familieri kʼuínchikua ma.” I jindespti títulu periodikueri Frankfurter Rundschau. Ka iámindu engaksï jima japka májkuenksï uandasïndi.

“Ísïjtsïni pʼikuastasti enajkini juchiniu japi”, uandasti Karla, enga Puerto Rico anapueka.

“Ísïspti enajkini juchiti familiani pʼorhembini japi, solu eska máteru ladu parhakpinirhu”, uandaspti Sara, enga Australia anapueka.

¿Andiksïsï ísï pʼikuarherajki? Jimbokaksï kʼéri tánguarhikua internasionalirhu ma jarhaspka Jeobaeri testiguecheri, enga úkuarhipka jini Fráncfort del Meno (Alemania), estadiurhu Commerzbank-Arena, de 18 a 20 de juliuni de 2014. Sánoksï 37,000 kʼuiripuecha niraspti ini kʼéri tánguarhikuarhu.

I kʼéri tánguarhikua úkuarhispti para Bibliaeri ambe jorhenguarhinhani. Programarhuksï jarhaspti Bibliaeri arhintskuecha, kántikuecha, kómarhikuecha, tsimani dramecha ka ambakiti diskursuecha engaksï bibliarhu pʼitakateka.

Jimaksï jarhaspti Alemania anapu Testiguecha ka ma 3,000 ísï engaksï Australia, Estados Unidos, Gran Bretaña, Grecia, Líbano, Serbia ka Sudáfrica anapuepka. Ístuksï jima jarhaspti 234 Testiguecha, 70 paisicheri engaksï marhuani jaka de tiempu kompletu, máruksï komueska misioneruecha.

Ma parti programaeri úspti exenhani Interneti jimbo, 19 lugaricharhu jini Alemania ka máteru iretecharhu de Austria ka Suiza. Totali jimbo úsptiksï exeni ka kurhani programani 204,046 kʼuiripuecha.

Iretarhu Fráncfort, programa nitamataranhaspti alemán, griego ka inglés jimbo. Máteru lugaricharhu diskursuechaksï tradusirinhaspti májku tiempu jimbo 17 idiomecharhu, máruksï jindespti árabe, chino, tamil, turco ka tsimani idioma seniasi jimbo.

Nájkirukaksï Testiguecha mámaru járhati idioma ka pʼindekuechani jatsiaka ka táchani jásï paisi anapuenksï, márkuksï jarhasti. Ambe enga újka eskaksï márku jauaka jindesti uékperakua (Juanu 13:34, 35). Ísïksï exejperasïndi ka kámberani komueska erachicha ka pirenchicha.

“Exeskachi eskachi jatsiaska erachichani interu parhakpini ka eska no ma ambe jarhaska enga uáka eskachi no márku jauaka”, ísï uandaspti Tobías, enga Gran Bretaña anapueka.

“Jukari 20 paisi anapu testiguechani mítiaska. Ísïsti, ambe enga újka eskachi márku jauaka, jindesti uékperakua Jeobani jimbo ka máteruechani jimbo”, uandaspti Davianna, Puerto Rico anapu.

“Jeobaeri testigu úkuarhiska ireta sapichurhu ma —uandaspti Malcom, Astralia anapu—. Méntkisï arhiantaspka temaechani ka exeani bideuechani engaksï juchari erachicheri interu parhakpini anapuecheri ambe uandaenga. Peruni ixú niáraska kurhanguni ambe enga arhikuekajka ini familiarhu jarhani. Juchiti jakajkukua uinhapintasti.”

Testiguecha engaksï 58 kúnguarhikuecharhu jaka Fráncfort ka jima no iauani, preparariuasptiksï regaluechani ka máru ambe paraksï tsípikuarhini imecha engaksï nipiringa kʼéri tánguarhikuarhu.

“Kánikuajtsïni sési kámasti —uandaspti Cynthia, Estados Unidos anapu— no méni mirikurhiaka uékperakua, na engajtsïni sési kámaka ka na engajtsïni xáni uánikua ambe intsïmbika erachicha.”

“Iápurisï xarharasïrendi uékperakua, kurhakuarhisïrendi terekuarhinhani ka pʼikuarherakuarhisïrendi erachicheri uékperakua. Kánikuachi ambe jorhenguarhiska imecheri ambe”, uandaspti Simon, enga Alemania irekaka.

“Ambe engaksï preparadu jatsipka para xatini, xarhatasïndi eskachi Jeobaeri testiguecha no puru relijioniri ambejku úni jarhasïnga. Mítiskachi néna sési tsípikuarhini”, uandaspti Amy, enga Australia uératini nípka kʼéri tánguarhikuarhu.

Kʼéri tánguarhikua enga Fráncfort úkuarhipka, jindespti solu máechakua iámindu kʼéri tánguarhikua internasionalicheri, engaksï nuebi paisicharhu úkuarhipka interu parhakpini jimbo.

Engaksï kurhamarhipka máechakuani enga jima japka néna pʼikuarheraspi kʼéri tánguarhikuarhu, ima uandaspti: “Eranhaska eskari mítisïnga familiarini ma, por ejemplu, chíti ermanuni ma, engari no mítipka eskari jatsispka. Ka engari mítijka, mítachesïndikini imeri kʼumanchikuani ka imeri mintsitani. ¿No ísïski eskani inde ambe kánikua tsíperasïnga? Iásï eranhaska indeni tsípikuarhitani pʼikuarherani 37,000 uelta sánderu. Ísïsïni pʼikuarheraka ixú”.