Sábadu 5 de oktubrini 2013 jimbo, 257,294 kʼuiripuecha exesptiksï tánguarhikuani númeru 129 enga mándani uéxurhini újka Watch Tower Bible and Tract Society of Pennsylvania, 21 paisicha ka territoriuecharhu. Imani lugarirhu sántkuksïsï japti, sáno iáminduksï Interneti jimbo exespti. Imani mísmu jurhiatikua ka ístu domingu jimbo, uánikua Testiguechateruksï úspti exeni programaeri repetisionini. Total engaksï exepka jindesptiksï 1,413,676 kʼuiripuecha, 31 paisi ka territoriuecha jimbo. I tánguarhikua Jeobaeri testiguecheri jindesti enga sánderu uánikua kʼuiripu exeka, jimboka máteru kʼéri tánguarhikuarhu enga 28 de abrilini 2013 jimbo úkuarhipka, úspkaksï exeni ka kurhaani 1,327,704 kʼuiripuecha México ka Centroamérica anapuecha.

Uéxurhini 1920 para orhepani, Jeobaeri testiguechaksï úrasïrendia líneaechani telefonueri ka uánikua radiu emisorechani paraksï uánikua paisicharhu úni kurhanhani programecha kʼéri tánguarhikueri. Peru Interneti jimbo, ima engaksï iásï nirajka ini tánguarhikuecharhu —asta imecha engaksï máteru lugari jarhajka— úsïndiksï imani mísmu ratitu jimbo exepani ka kurhani o sánititu tátsekua, ambe enga úkuarhini jarhajka tánguarhikuarhu. William, Jeobaeri testigu ma enga exepka repetisioni programaeri tánguarhikueri enga mándani uéxurhini úkuarhijka, niraspti kʼéri tánguarhikuarhu ma Richamond (Virginia, Estados Unidos) 1942 jimbo, jima telefonu jimbo kurhaspti programani máteru iretarhu uératini. Ima uandasïndi: “Nóteru májkuenistia, jimboka iásï kánikua sánderu sésiskia úni exeni programani”.

Jukari ma uéxurhini pásti prepararini iámindu ambe para úni repetirini tánguarhikueri programani. Uánikua engaksï Jeobaeri testiguecheri sukursalicharhu marhuajka, míndakustiksï uánikua ora ini ánchikuarhitani. Brooklyn (Nueva York) únhaspti centro de control ma para jima uératini rebisarinhani repetisioni. Grupu ma teknikuecheri jima pakaraspti interu sábadu ka domingu para exeni programani iámindu lugaricharhu engaksï 15 diferenti orariuecharhu nitamataranhapka. Ryan, enga jarhuajpipka iámindu ini ambe jingoni, miásïndi: “Menusichi kʼuíspka, peru engachi mítipka na engaksï xáni uánikua marhuanchapka ini tánguarhikuani, exespkachi eska iámindu juchari ánchikuarhita marhuaspka”.