Nitamastia sinkuenta uéxurhini, engaksï 583 Jeobaeri testiguecha uénapka biaji ma diesi semaneri interu parhakpinirhu. Peruksï ima no solu miiunisï uékaendi, sino erachicha jingoni jarhani serierhu kʼéri tánguarhikuecheri engaksï 1963 jimbo úkuarhipka ka enga arhinhaenga “Buenas nuevas eternas”. I erachichaksï jukari beinte paisicharhu niraspti, jimbosï i serie niárapti mítikateni komueska kʼéri tánguarhikuecha “Interu parhakpinirhu”.

Ma ambe enga kánikua jukaparhakuepka programaeri, jindespti diskursu enga arhinhaenga “Cuando Dios sea Rey sobre toda la Tierra”. Nathan Knorr, Jeobaeri testiguecheri sede mundialirhu anapu, nitamataraspti sáno iámindu kʼéri tánguarhikuecharhu i diskursuni. Uandaspti na enga xáni no sési jásï ambe úkuarhini japka interu parhakpini ka ístu uandaspti na engajtsïni xáni sési nicheaka enga Jeoba paraisu ma úntaakia Echerini. Interu parhakpinirhu, 580,509 kʼuiripuechaksï kurhaspti ini diskursuni.

I serie jini Milwaukee (Wisconsin, Estados Unidos) uénakuarhispti. Jima uératini, i erachicha engaksï úni japka ini biajini, esterhu ísïksï niraspti. Enga na kʼamarapkia kʼéri tánguarhikua Nueva York, nirasptiksï Inglaterra, Suecia, Alemania ka Italia. Iámindu lugaricharhuksï jánguarhintaspti eianhpini ambakiti ambe Bibliaeri.

Uánikua kʼuiripuechaksï agradeserikuaspti Testiguechani jimbokaksï arhutaspka tiempu paraksï nirani aianguani. Uátsï ma Estocolmo (Suecia) anapu, uandaspti: “No méni mirikurhiaka chári bisita. [...] ¡No úsïnga jakajkuni eskajtsï xáni iauani uératini jurhaska parajtsïni eianguni ambe enga cha jakajkuka Tata Diosïri! Meruksïni kánikua janhanharhisïnga”.

Peru engaksï i erachicha Atenas (Grecia) niárapkia, kánikuaksï no sési pʼikuarheraspti. Gobiernu kurhajchaaspti relijioniri orhejtsïkutichani ka nóteru uékasptia íntsaani permisu parakaksï jima úpiringa kʼéri tánguarhikuani, Estadio Panathinaikos jimbo. Peru Testiguechaksï no ísku pakaraspti. Agostuni kʼamarhutani ísï, sáno diesi mili kʼuiripuechaksï kurhaaspti iámu programani, enga imecheri kúnguarhikuecharhu nitamataranhapka ka imecheri kʼumanchikuecharhu.

Ka Atenas uératini, i grupu pʼorhembiaspti iretechani Líbano, Jordania, Israel ka Chipre. Erachichaksï kánikua uékperakua jingoni erokaspti ka sésiksï kaaspti. Ejemplu ma, erachi ma enga i grupu jingoni jámani japka, uandantaspti ambe enga úkuarhinchapka Nicosia (Chipre): “Méntkisï engani niántaenga erachicheri kʼumanchikuarhu pʼiuantasïrenga sapatuechani [...], ka sóntkuksï nóteru jarhasïrendia [...], peru sinku minutu jimbo sésiksï limpiarikata ka atarhentskata xarhantasïrendi”.

Íksï erachicha seguirispti Oriente ka Pacífico ísï nirani. Uánikua erachicha jingoniksï jarhaspti kʼéri tánguarhikuecharhu jini India, Birmania (iásï Myanmar), Tailandia, Hong Kong, Singapur, Filipinas, Indonesia, Australia, Taiwán, Japón, Nueva Zelanda, Fiyi ka Corea. Uánikua kʼuiripuechaksï jatsispti para mójtakuni máru ambe paraksï no tsïtakuarhini programani. Peru no nema xáni kʼérati mójtakukuechani uáspti komueskaksï tsimani nobiuecha Yokosuka (Japón) anapuecha. Enga tumbi kurhajkuarhipka sésikua para nirani kʼéri tánguarhikuarhu Kioto, imeri patroni arhispti eska íntskupiringa sésikua solu enga nema uarhipiringa o para tembuchakua ma. Ka jimbokaksï eratsini japkia no ióndani tembuchani, eratsisptiksï antesi tembuperani. Ka, ¿naniksï niraspi luna de mieli? ¡Kʼéri tánguarhikuarhu!

Biaji septiembrini uénakuarhisï kʼamakurhispti, kʼéri tánguarhikua jingoni enga Hawai ka California (Estados Unidos) úkuarhipka. Sánderu uánikua tánguarhinhaspti ka eskaksï na erokuarhini japka, imani kʼéri tánguarhikuarhu enga ireta Pasadena —últimu lugarirhu engaksï nípka— úkuarhipka. Enga últimu parti kʼamarapkia, uánikua trokechaksï jarhaspti karreterarhu ka kánikua trafiku úkuarhispti. Peru nájkiruka i ambe úkuarhipka, polisia ma arini ambe arhispti jima anapu periodikuni ma: “No méni exexapka xáni kʼéri tánguarhikuani ma nani enga kʼuiripu xáni sési jámajka”.

Ambe enga uérapka ini kʼéri tánguarhikuecharhu, asta iásï jamberiteruksï jarhasti. Ejemplu ma, jiáni uéraspti i libru “Toda Escritura es inspirada de Dios y provechosa”, libru ma enga jindeka para inbestigarini ka enga útasï úrakuarhijka Jeobaeri testiguecheri tánguarhikuecharhu.

Ístu, kʼéri tánguarhikuarhu enga Nueva York úkuarhipka, pirenhaspti jimbanhi kántiku ma, enga arhinhaenga “De puerta en puerta”. Ini kántikuni erachi ma úntaspti enga Harold King arhinhajka, jiáni enga ónhakata japka jini China. Ka meru 1963 jimbo uéraspti kárselirhu. Enga jamberi ónhakata japka, úntaspti ini xáni sési jásï kántikuni. Iásï, Testiguechaksï útasï piresïndi bersioni ma enga arhinhajka “De casa en casa”.

Iásï, Jeobaeri testiguecheri kʼéri tánguarhikuecha, kánikuaksï ménderuenistia. Uánikua sánderu lugaricharhuksï úkuarhisïndia ka engaksï sánderu sapirhajka, ísï jimbosï nóteru xáni uáninhajtia ka nóteru uétarhini xáni iauani biajarini. I ambe ka máteru arregluecha, jarhuajpisïndiksï paraka imecha engaksï niuaka, uáka sánderu sési kurhaani programani. Jukari sieti miioni Jeobaeri testiguecha, ka ístu imecheri pámpiricha, nirasïndiksï mándani uéxurhini juchari kʼéri tánguarhikuecharhu. ¿Uékapirintsïni pámbitani ini uéxurhini? Jaiaskuku je ixú parajtsï exeni nani úkuarhia ma nani engajtsï uáka nirani.