Uéxurhini 2014 jimbo, Grupu enga Orhejtsïkuajka iámindu kúnguarhikuechani Jeobaeri Testiguecheri, uénasti jimbanhi programa ma jingoni, para eianhpinhani Bibliaeri ambe, lugaricharhu engaksï iauani jaka norti de Europa ka Norteamérica (Ukuecha 1:8). I programa uénaspti máru iretecharhu engaksï Alaska jaka (Estados Unidos), Laponia (Finlandia) ka Nunavut ka Territoriuecharhu engaksï Noroesterhisï jaka (Canadá).

Jeobaeri testiguechaksï uánikua uéxurhini niraspti aianhpini ini iretecharhu engaksï iauani jaka. Peruksï no ióni tiempu pakarasïrendi, ka sáno méntkisï soluksï etsakuasïrendi Bibliaeri publikasionichani.

Ini jimbanhi programa jingoni, sukursalicha engaksï exejka Jeobaeri testiguecheri ánchikuarhitani lugaricharhu engaksï iauani jaka nortirhu ísï, pʼímarhiasïndi eianhpirichani tiempu kompletueri (prekursoricha) paraksï sikiera tanimu kutsï pakarani jima engaksï axanhaaka. Engaksï máru kʼuiripuecha uékaaka jorhenguarhini Bibliaeri ambe, prekursorichaksï uáti sánderu tiempu pakarani ka asta uáni tánguarhikuechani.

Ísïsti, irekani lugarirhu ma enga xáni iauani jaka nortirhu ísï, úsïndi eska uánikua ambe úkua jukaaka. Ima tsimani prekursoricheri engaksï Barrow (Alaska) axanhapka, máechakua sur de California anapuespti ka máteru Georgia (Estados Unidos), iretecha enga aparhekuarhijka. Primeru inbiernurhu engaksï nitamapka jini Barrow, jatsisptiksï para aguantarini enga xáni tsʼirakuarhipka asta 38°C bajo cero (-38°F). Nájkirukaksï ini ambe nitamanchani japka, namunitu kutsïcha jimbo, pʼorhembiasptiksïa 95% kʼumanchikuechani imani ireteri ka uénasptiksïa tʼámu kʼuiripuechani jorhendaani Bibliaeri ambe engaksï jima anapuepka. Ma jindesti, tumbi ma enga arhinhajka John. Ima ka imeri nobia jorhenguarhisïndiksï Bibliaeri ambe úraparini libruni ¿Ambemindusï jorhentpejki Biblia?, ka John eianguasïndia imeri amiguechani ka ánchikuarhiteri kompanieruechani ambe enga jorhenguarhini jaka. Ístu, arhintasïndi foietuni Examinando las Escrituras diariamente úraparini aplikasioni JW Library imeri telefonurhu.

Jimbokaksï no jarhaska karreterecha asta Rankin Inlet, ireta ma enga Nunavut (Canadá) jaka, tsimani prekursorichaksï niraspti abioni jimbo asta ini iretarhu engaksï esquimalicha irekaka ka uánikuaksï Bibliaeri jorhenguarhikuechani uénaspti. Enga na exepkia bideuni ¿Nénaksï úkuarhisïni juchari tánguarhikuecha?, achati ma kurhanguarhispti káni únhapirini Kʼumanchikua Reinueri ma jimesïsï. Ka uandaspti: “Engani útasï ixuisï jauaka jiáni jamberi engajtsï uáka, niuaka tánguarhikuecharhu”.

“Kánikua tsʼirakuarhisïndi ka kánikua niebi jarhasïndi”, ísïksï uandaspti tsimani prekursoricha engaksï Savukoski anapu munisipiurhu (Finlandia) jaka, lugari ma engaksï diesi uelta sánderu axunicha jaka ka eska kʼuiripuecha. Peru, prekursorichaksï uandaspti eskaksï sési úspka jiáni niárani. ¿Andi? “Úskachi iápuru ísï eianhpini —uandasptiksï—. Seguiduksï kénditasïndi niebi imani karreterecharhu engaksï pájpijka iretecharhu ka jimesïsï enga iauaniika ka méntkisïksï sési jatsiasïndi. Jimboka kánikua tsʼirakuarhisïnga, kʼuiripuechaksï sánderu imecheri kʼumanchikuecharhu jarhasïndi”.

Uánikuechaksï ísku pakarasïndi engaksï exejka na engachi xáni jánguarhintajka para jorhendaani kʼuiripuechani engaksï nortirhu ísï irekaka. Engaksï na tsimani prekursoricha pʼorhembipka uarhiiti Alaska anapu juramutini ma, ima ambakiti ambe karaspti redesi sosialirhu ma, na enga xáni sési uandontskuarhipka Testiguecha jingoni ka péraspti fotu ma tratadueri ¿Ambeski Tata Diosïri Reinu?

Tsimani prekursorichaksï úspti tánguarhikua bibliotekarhu ma jini Haines (Alaska), ka ochu kʼuiripuechaksï niraspti. Jima anapu periodiku karaspti eskaksï tsimani achaticha Texas ka Carolina del Norte anapu jima jarhaspka, aiakuani kʼuiripuechani estudiu bíbliku ma kʼumanchikuecharhu. Ima karakata arisï kʼamarhukusïrendi: “Engajtsï uéjka sánderu mítini, exe je jw.org”.