Marirhu enga Nortirhu jaka, kostarhu no iauani enga oestirhu ísï jaka estado de Schleswig-Holstein (Alemania), ma tresientu kʼuiripu ísïksï irekasti isla sapirhaticharhu engaksï arhinhajka Halligen. ¿Ambeksï úsïni Jeobaeri testiguecha para nirani eianhpini Bibliaeri ambe asta jimesï? (Mateu 24:14).

Para úni niárani máru isla sapirhaticharhu, barku jimboksï nirasïndi. Peru para úni exeantani kʼuiripuechani engaksï máteru islaecharhu irekaka, máru Jeobaeri testiguechaksï máteru ambe úsïndi: xanharasïndiksï sinku kilometru (tres millas) marirhu ísï. ¿Nénaksï ísï úsïni?

Sekretu jindesti enga itsï kétsijka. Kada seisi ora, itsï marirhu anapu enga Nortirhu ísï jaka jini Halligen kétsisïndi o karharani tanimu metru ísï (10 pies). Enga itsï kétsijka xarharasïndi kʼérati lugaricha echeriri, ka Jeobaeri testiguechaksï úsïndi xanharaparini nirani ini tanimu islaecharhu.

¿Nénaeski biaji? Ulrich enga sési miiuka ka enga grupuni ma pájka uandasïndi: “Tsimani ora ísïchi ióndasïnga niárani isla sapichurhu ma Halligen, ka sáno méntkisïchi xándurhatku nirasïnga. Jimboka ísï sánderu fásilisïnga marirhu ísï xanharani. Peru enga tsʼirakuarhijka botasïchanchi jukantaasïnga”.

Kánikua ménderueni jáxesti lugari ka eska engachi jucha pʼindeka. “Ísïsïndi enajkiri máteru planetarhu jámani jaki”, ísï uandasïndi Ulrich. “Máru lugaricharhu kánikua atsïmu jatasïndi, nani tsakapuecha ka naniksï plantecha jatamesïndi (algas). Úsïngari exeani uánikua abechani engaksï marirhu irekaka, kangrejuechani ka máteru animalichani”. Ménisï grupu, jatsisïndi para parhikuani iorhekua sapirhatichani, engaksï alemani jimbo arhinhajka Priele, engaksï jima úkuarhijka enga itsï jatajka (marismas).

Peruksï i biajicha ístu úkua jukasïndi. Ulrich uandantasïndi: “Fásilisïndi tsïnchini, sánderu enga xúmu jarhajka, jimbochisï méntkisï brújula ma úrajka ka aparatu ma GPS. Ístuchi jánguarhintasïnga programa ma seguirini parachi no jima pakameni enga itsï karhantajkia”.

¿Jukaparhakueski xáni jánguarhintani? Ulrich uandantasïndi istoria ma, achatiri ma enga jukari nobenta uéxurhini jatirikia ka enga méntku arhiantani jarhajka La Atalaya ka ¡Despertad!: “Ma jurhianchi no úspka pʼorhembini jimbokachi no kánikua tiempu jatsispka. Peru ante de níntanchi, achatijtsïni andanguspti imeri bisikleta jingoni ka arhisptijtsïni: ‘¿Nójtsïni íntskua rebistani La Atalaya?’. Kánikua tsípikua jingonchi íntskuspka”.