Juliu de 2013 uénani ísï, grupu ma 28 Jeobaeri testiguecheri Brasil anapu, uéraspti São Félix do Xingu para los cayapós ka los yurunas anapu territoriuecharhu niárani. Karhamasptiksï riu Xingú barku ma jimbo, enga 15 metru (50 pies) k’épka. I riu enga 2,000 kilometru ísï (1,300 millas) kʼéka, nortirhu ísï nirasïndi ka riu Amazonasirhu niárasïndi.

I grupu úspti ini biajini para eianguani Tata Diosïri Reinueri ambe imechani engaksï riurhu uanamukutini ísï irekapka. Tanimu jurhiatikua jimbo, grupu niáraspti aldearhu Kokraimoro, nani engaksï kánikua sési erokanhapka. Enga jima anapu uarhiiti ma exeapka, úndaspti kánikua tsípikua jingoni nijkurhakuani. Ima enga páni japka arhiaspti eska ambe enga ima uarhiiti arhikuekani japka, jindespti: “¡Ju je! ¡Uékasïngaksïni iáminduechani mítini!”.

Testiguechaksï iáminduecha jingoni uandontskuarhispti: máru portugués jimbo, ka máteruecha jingoni seniasi úraparini ka ilustrasionichani publikasionicheri engaksï aiatspiani japka. Aldearhu anapuechaksï kánikua tsípikua jingoni jiókuarhiaspti publikasionichani. Ma engaksï sánderu tsitipka jindespti foietuni Kurhajcha je Tata Diosïni.

Gerson, prekursori espesiali ma (o nema enga sáno pauani pauani eianhpijka) São Félix do Xingu anapu, uandantasïndi ambe enga úpka achati ma enga intsïnhapka libruni Juchiti libru enga Bibliaeri ambe uandantajka: “Enga exepka libruni, tsimani jájkicha jimbo uinhamu jupikaspti. No uékaspti ni ma ratu jurajkuni”.

Ini biaji jimbo, Testiguechaksï jurajkukuaspti kinientu libruechani, foietuechani ka rebistechani aldearhu anapuechani, engaksï kánikua agradesidu japka. Kawatire anapuechani kánikua ísku pakataspti Bibliaeri eiatsperakua, eska no ióndani Echeri paraisu máeuaka. “Paraisurhu kʼuiripu ísï irekati eska jucha”, uandaspti Tonjaikwa enga imani iretarhu anapueka.

Uánikua engaksï São Félix do Xingu irekaka mítisptiksï eskaksï Testiguecha úpiringa ini biaji. Simone, eianhpiri ma imani grupueri, uandantaspti eskaksï máru no jakajkusïrenga eskaksï imani ka imeri kompanieruechani jurajkuapiringa paraksï inchaakuni aldeaecharhu. Peruksï no ma problema jatsispti. “Kánikuajtsïni sési erokaspti —uandasïndi Simone—, ka úspkachi iáminduecha jingoni uandontskuarhini.”