Máru kʼuiripuechaksï ióndasïndi jorhenguarhini eska no sési jarhaska ambe engaksï újka ka niáranksï no sési ambe úkuarhinchani. Ji xásïspka. Barcelona andajpenuska ka jima kʼuiripeska, España anapu ireta ma enga segundu lugari jimbo jaka enga sánderu kʼérika. Juchiti familia jima irekaspti enga arhinhajka Somorrostro, enga iauani ióparharaka plaiarhu uanamukutini. Somorrostro, mítikatespti komu lugari ma enga droga ambe ataranhantenga ka no sési jánhaskuarheni.

 Ji kʼérispka nuebi ermanuecheri. Jimbokachi kánikua pobrispka, juchiti tátirini ánchitani axaspti parani pelota jámani kʼarhakuantaani iretarhu anapu grupuni ma enga ténisi chʼanenga. Nájkirukani apenasi 10 jatiripka, pauani pauani diesi ora ánchikuarhisïrenga. Ísï jimbo, no úsïrenga eskuela nirani ísï eska uánikua máteru sapiicha engaksï májkueni jatiripka eska ji. Engani 14 jatiripkia, uénaspka ánchikuarhini taierirhu ma jimbo enga tiámu jingoni ánchikuarhinhenga.

 Uéxurhini 1975 jimbo, pʼitarkuarhinhaspka parani jorhendanhani para guerrarhu nirani, jimboka imani tiempu jimbo obligatoriuespka jini España. Ji uékasïrenga sáni máteru ambe úni, ísï jimbo, apuntarikuarhispka España anapu grupu soldaduecheri ma jimbo jini Melilla, lugari ma enga norte de África ísï jaka. Jiánisïspti engani sánderu tsïnchintapkia droga ambe úrani ka kauini.

 Engani jurajkupkia grupu soldaduecherini, kʼuanhatsintaspka Barcelona ka pandiia ma úspka. Ambe uéjkichi sïpasïrenga ka tátsekuachi atarantasïrenga parachi tumina pʼirani ka úni droga piáni. Uénaspka arhani LSD ka anfetaminaechani, ka puru ísku jándikua ambe úni, kauini ka apostarini. Ima ikichakueni jásï irekua, úspti eskani kánikua tsitipiringa uarhipeni. Méntkisï kuchiiu ma kámasïrenga, jacha ma o macheti ma ka na uéjki jatini engani exepiringa eskani uétarhinchapiringa úrani, eratsitixapka úrani.

 Ma xanharhi, juchiti pandiia ka ji, sïpaspkachi karru ma ka polisiajtsïni niraspti andanguni. Ísïspti eska pelikularhu ma na xarharajka. Ma 30 kilometru (20 millas) ísïchi niraspkia engajtsïni polisia uénapka kʼuanirani. Chokarispkachi ka iáminduchi sïpakuarhispka. Enga juchiti táti mítipka ini ambe, chútasptirini kʼumanchikuarhu uératini.

 Jima uératini, niáraspka sinku uéxurhini xanharu jimbo irekani. Kʼérati kʼumanchikuecheri puertecharhisï kʼuísïrenga, trokecharisï, parkirhu anapu uaxantskuecharhu ka pantionicharhu. Ma tiempu, ístuni niáraska kueba ma jimbo irekani. Irekaxapka nomasi pori irekani ka ísï pʼikuarherasïrenga enajki no nemani uandanhiaueni sini tsípiti jarhaspi o uarhirini. Miásïnga eska engani droga úrenga, uarhojkusïrenga ka uarhoxuni. Asta iásï jamberini jukaaska pʼindirichani.

 Engani 28 jatiripkia, juchiti nándirini jurhaspti jirinhantani ka kurhachisptirini eskani kʼuanhatsintapiringa kʼumanchikuarhu. Ísï úspka ka aiakuspka eskani jánguarhintapiringa sési irekani. Peruni ióndaspka ísï úni eskani na aiakupka.

 Xatini ma jimbo, tsimani Jeobaeri testiguechaksï juchiniu jurhaspti. Engani kurhajchaani japka, juchiti táti incharini uératini uinhachaparini uandaspti eskani míkakuapiringa puertani. Peru komu no tsitienga eskarini nema juramuchipiringa, no kasu úkuspka. Testiguechajtsïni tanimu libru sapirhatichani aiachiaspti, engani tsípikua jingoni jiókuarhiapka ka kurhamarhiaspka naniksï tánguarhisïreni. Namuni jurhiatikua tátsekua, niáraspka Kʼumanchikua Reinuerirhu jamokutini.

 Ambe engani orhetku exepka, jindespti eskaksï iáminduecha sési xukuparhatini niraxapka. Peru ji, jauiri iórhataspka, no sési tisïnharhispka ka juchiti takusï iámu jiánguarhisptia. Ísï exespka enajkini no terokueni jima, jimbosïni uérakua pakarapka. ¡Ískuni pakaraspka engani Juanuni mítintapka, ióntki anapu pandiieru ma enga juchiti amiguepka! ¡Peru ima traji jingoni xukuparhatixapti! Ísï tátsekua, mítispka eska Jeobaeri testigu úkuarhispka ma uéxurhini antesi. Imani exeparini, seguru pʼikuarheraspka parani inchani tánguarhikuarhu. Jima uératini, uénaspka mójtakurhini.

 Jiókuarhispka Bibliaeri ambe jorhenguarhini ka jirejiresï kuenta íntskukuarhispka eska engani uékenga Tata Diosïni jaiapanherantani, jatsispka parani nóteruni xáni ikiania ni ísku jándikua ambe niátani. Peru no fásilispti. Kurhanguspka eskani jatsispka para mójtakuni juchiti irekuani ka juchiti eratsikuani parani Jeobani jaiapanherantani (Roma 12:2). Tata Diosïri pʼamojperakuarini mintsitarhu niárachisïrendi. Nájkirukani xáni uánikua ambe no sési úpka, exexapka eskarini íntskuxapka máteru oportunidadi parani ménderuni uéntani. Ambe engani jorhenguarhipka Jeobaeri ambe, merurini mintsitarhu niárachispti. Kurhanguspka eska jarhaska Kuerajpiri ma enga uandanhiajka jíndini jimbo (1 Pedru 5:6, 7).

 Ima amberini jarhuataspti parani mójtakurhini. Por ejemplu, engachi sigarueri ambe jorhenguarhipka, eratsispka: “Enga Jeoba uéjka eskani pímbinhasï jauaka iámindu ambe jimbo, jiájkani jatsiska parani kénditaani ini sigaruechani” (2 Korintu 7:1). Ísï jimbo, basurarhu kʼuanikuaspka.

 Ístuni jatsispka parani nóteruni úrani ni atarantani droga ambe. Imani ambe úni, sánderu úkua jukaspti. Ka parani ísï úni, uétarhisïrendi eskani nóteruni kúnguarhipiringia juchiti amiguecha jingoni, jimboka imecha jingoni jarhani, norini jarhuatasïrenga orhepani uérani Tata Diosïri ambe jimbo. Tiempu jingoni, niáraspka sánderuni mintsikani Tata Diosïni ka jimbanhi amiguechani engani kúnguarhikuarhu jatsiapka. No méni exexapka imeeni jásï uékperakua eska engajtsïni imecha xarhatachipka. Tiempu jingoni, úspka mátirkuni jurajkuni droga ambe ka máteru jásï kʼuiripu máenia parani Jeobani jaiapanherantani (Efesu 4:24). Agostuni 1985 jimbo, itsï atakuarhiska komu Jeobaeri testigu.

 Bibliarini íntskusti jimbanhi oportunidadi ma. Jarhuatastirini parani jurajkuni irekua ma enga uénga eskani pʼamenchapiringa ka kʼuratsetakuarhini. Úakaksïni arhini eska jukari treita juchiti ióntki anapu amiguechaksï sapirhatku uarhiska sida jimbo ka máteru járhati pʼamenchakuecha jimbo engaksï droga jimbo úkuarhijka. Kánikua sési pʼikuarherasïnga, jimboka engani úraaka Bibliaeri konsejuechani, no ísï kʼamarhukuaka eskaksï imecha.

 Kuchiiuecha ka jachecha engani jiáni káuenga engani kʼuiripu no sési úri máepka, jurajkuaskia. Sési jimbo no méni eratsispka eskani mójtakuapiringa Biblia ma jimbo parani kʼuiripuechani jarhuataani. Iásï, juchiti uarhiiti ka ji kánikuachi tiempu arhutasïnga para nirani aianhpini.

 Nájkirukaksï juchiti táticha no méni Jeobaeri testigu úkuarhika, exesptiksï eskarini Biblia kánikua jarhuataska. Juchiti táti niárasti jamberi kuájpiani Testiguechani engaksï imeri amigu jembecha no sési arhiani jarhenga ka sési mítitixapti eska juchiti jimbanhi relijionirini kánikua jarhuataska parani mójtakurhini. Ka Juchiti nándirini méntkisï arhisïrendi andisïni no ióntki uénapi jorhenguarhini Bibliani. ¡Ka meru ísïspti!

 Iámu ambe engani xáni nitamakuarhika, jorhendastirini eska no sési jarhaska tsípikuarhita ma jirinhani droga ambe úraparini o máteru jásï bisiu ambe. Ambe engarini iásï sánderu tsíperajka, jindesti jarhuataani kʼuiripuechani paraksï mítini jurhimbikuani enga Tata Diosïri Karakatarhu uandajka, ima ambe engarini jíndeni pʼímutantaka.