Uánikua turistechaksï nirasïndi exeani kaskadechani engaksï xáni mítikatika jini engaksï no iauani jaka iretarhu Pagsanján (Filipinas). Jima kʼuiripespti juchiti táti Nardo Leróni, enga pobripka. Exeni na enga xáni no sési jásï ambe uénga gobiernu, polisia ka jima enga ánchikuarhienga, úspti eska niárapiringa kʼuiripu máeni enga méntku ikiani jarhenga.

 Juchari tátichaksï kánikua ánchikuarhisïrendi parajtsïni úni kʼuiriperani juchantsïni engachi ochu uájpechepka. Sáno méntkisïksï juátarhisï jámani jarhasïrendi, iónksï pakarasïrendi jini paraksï exeani jarhani imecheri echerichani engaksï jatsikuenga ambe ma. Uánikua uelta, juchiti ermanu Rodelio ka ji, jatsispkachi para kuidariuani juchari máteru ermanuechani ka sáno méntkisïchi kʼarhimani jarhasïrenga. Tataka sapirhatichespkachi peruchi no tiempu jatsisïrenga para chʼanani. Engachi siete uéxurhini andagutenguia, jatsisïrengachia para nirani ánchikuarhini terrenuecharhu engaksï jatsikuenga ambe ma. Pásïrengachi uánikua kokuechani engaksï kánikua kʼuetsapipka juátarhisï enga kánikua karhamanipka. Engachi no uénga xáni kʼuetsapiti páni, obligarisïrendijtsïni parachi antsikupani.

 Jatsispkachi para aguantarini na engajtsïni xáni atenga juchari táti, joperu enga sánderu no sési ambepka, jindespti exeni na enga no sési kámenga atani juchari nándini. Jánguarhintasïrengachi pʼínguni, peruchi no úsïrenga ima jingoni. Rodelio ka ji, sïpatikuarkuchi uandontskuarhispka parachi uándikuni juchari tátini engachi kʼérapiringuia. ¡Kánikua tsitisïrega jatsini tátini ma engajtsïni uékapiringa!

 Na enga xáni no sési jámenga juchiti táti, ísïrini pʼikuastasïrendi enajkini nóteru úpirinia orhepani uérani ka ikiatasïrendirheni, ísï jimbo, kéndikuspka juchiti kʼumanchikuarhu uératini engani 14 jatiripkia. Xanharuechani jimbo irekaspka ma tiempu ka uénaspka mariuana itsutani. Tátsekua, lancharhu (bote) ma ánchikuarhispka parani turistechani paani kaskadecharhu.

 Máru uéxurhinichani ísï tátsekua, unibersidadirhu inchaspka, jini Manila. Peru komu jatsispka parani Pagsanjáni biajarini fin de semana parani ánchikuarhini, no kánikua tiempu jatsisïrenga parani estudiarini. Ísku irekaxapka ka mariuana itsutani, nóteru úsïrendia parani no uandanhiani. Uénaspka úrani metanfetaminasi, kokaina ka eroina. Droga, úspti eskani niárapirhinga ísku jándikua ambe niátani jámani. Kánikua pobriispka, no sési kánhasïrenga ka komu nitamasïrenga. Kurhunhisïrenga gobiernuni ka iámindu ambe jimbo imani kulparisïrenga. Kurhamarhisïrenga Tata Diosïni: “¿Andisï ísïi irekua?”. Joperuni no ma relijioni jimbo exentaspka mókuntskuani engani inbestigaripka. Sánderuni uénaspkia úrani droga ambe parani sési pʼikuarherani.

 Uéxurhini 1972 jimbo, Filipinas anapu estudiantichaksï uénaspti organisarini protestechani para gobiernuni no sési úkuni. Jíjtuni imechani jingoni niraspka protestechani uáni enga uarhiperata ambe úkuarhipka. Uánikuechanksï ónhaspti ka máru kutsï tátsekua, uéraspti lei marsiali paraka pínandikua japiringa ini paisi jimbo.

 Ménderuni niáraspka xanharu jimbo jámani, peru iásï chéparinia jimbokajtsïni polisiecha úpiringa no sési ambe úcheni engani protestecharhu jimbo jámapka. Parani úni seguirini droga ambe piáni, uénaspka sïpani ka tátsekua úndaspka aiakuani kʼuiripu jatsikuarherichani parachi ísku jándikua ambe niátani ka ístu máteru paisi anapuechani. No uandanhiasïrenga sini irekani o uarhini.

 Jimajkanisï juchiti nándi ka juchiti ermanu ma sánderu sapichu, uénaspti Bibliani estudiarini Jeobaeri testiguecha jingoni. Juchiti táti kánikua ikiaxapti ka kurhiraaspti iámindu publikasionichani engaksï jatsiapka. Joperuksï ima kánikua tekantaspti ka niárasptiksï Jeobaeri testigu úkuarheni.

 Ma jurhiatikua, Testigu ma uandontskuarhikuspti juchiti tátini Bibliaeri aiatsperakuani enga uandajka eska sánderu orhepatini jauaka irekua ma nani enga iámindu ambe jurhimbikua jingoni úkuarhiaka ixú parhakpinirhu (Salmo 72:12-14). I eiatsperakuani xáni tsitispti juchiti táti enga jamberi uékapka inbestigarini ambe enga jorhentpienga Biblia. No solu exentaspti aiatsperakua ma gobiernueri ma enga jurhimbitiuaka sino ístu ambe enga erokuarhijka Tata Diosï uámberi ma ka tátiri ma (Efesu 5:28; 6:4). No ióni jimbo, ima ka juchiti máteru ermanuechaksï Testigu úkuarhespti. Komu ji iauani japka juchiti familieri, no ma ambe mítispka indeni ambe.

 Australia niraspka irekani 1978 jimbo. Peru ni sikiera ini paisi jimbo enga xáni pínandikua jaka ka jatsikuarhikua ambe jarhani, úpi úni eskarini juchiti konsiensia no no sési pʼikuastani japiringa. Seguirispka alkoli ambe arhani ka droga ambe úrani. Sánderu tátsekua, ima mísmu uéxurhini, Jeobaeri testiguechajtsïni máru pʼorhembispti. Tsitispka ambe engajtsïni exerapka Bibliarhu eska niárapiringa jarhani pínandikua ixú parhakpinirhu, joperu úkua jukanchaspka mintsikani imechani.

 No ióni jimbo, kʼuanhatsintaspka Filipinas máru semanechani. Juchiti ermanuechajtsïni arhispti eska juchari táti jánguarhintaxapka sánderu ambakiti kʼuiripu máeni, joperu ji xáni jatanhekutixapka engani jamberi no uékapka exeni.

 Juchiti ermana enga sánderu sapichueka, exerasptirini Biblia jingoni andisï xáni no sési jánhaskuarheni jaki ixú parhakpinirhu. Ískurini pakataspti exeni eska nanaka sapichu ma enga nótki xáni ióni irekajka, mítipiringa mókuntskuechani imani kurhamarhikuecheri engani ji méntkisï úkuarhenga. Ante de níntani, juchiti tátirini íntskuspti libruni Usted puede vivir para siempre en el paraíso en la Tierra. a Arhisptirini: “Ásteru jirinhantia. I librukini jarhuataati exentani ambe engari jirinhantani jaka”. Pʼímarhisptirini eskani jirinhantaapiringa Jeobaeri testiguechani engani niántapiringa Australia.

 Úspka ambe engarini arhipka juchiti táti ka no iauani juchiti kʼumanchikuarhu jini Brisbane, exentaspka Kʼumanchikua Reinuerini ma engaksï Jeobaeri Testiguecha tánguarhijka. Jiókuarhispka Bibliaeri jorhenguarhikua ma. Bibliaeri profesiaechani jimbo, komu inde enga jaka kapitulu 7 de Daniel ka ístu kapitulu 9 de Isaías, jorhenguarhispka eska Tata Diosïri gobiernu, enga iámindu ambe jurhimbikua jingoni újka, juramuchiakajtsïni sánderu orhepatini. Ístuni jorhenguarhispka eska Echeri, nóteru ióndani paraisu máeuakia. Uékasïrenga eskarini Tata Diosï jaiapanhintapiringa, joperu mítispka eskani jatsispka parani nóteru xáni kurhuraxenia ka jurajkuani drogaechani, alkoli ka ístu inde irekuani engani ísku jándikua ambe niátenga. Jurajkuspka imani uarhiitini engani jingoni ískuni irekani japka ka ístuni jurajkuaspka juchiti bisiuechani. Engani sánhani arhipka sánderu mintsikani Jeobani, kurhakusïrenga eskarini jarhuatapiringa sánderu mójtakurhini.

 Sánhani arhispka kurhanguni eska ambe engani jorhenguarhini japka méntkumindu úsïnga mójtakuni kʼuiripuni ma. Biblia arhisïndi eska engachi jánguarhintaska, uákachi ambakiti jángua ma jatsini (Kolosasi 3:9, 10). Mientrasi engani jánguarhintani japka ísï úni, kuenta íntskukuarhispka eska jamberi ísïpka ambe engajtsïni arhipka juchiti ermanuecha eska juchiti táti mójtakurhixapkia. Enbesi de ikiani jarhani ka ísï exeni juchiti tátini komueska enemigu ma, uékasïrenga sési pájperantani imani jingoni. Astakani úpka puákuntani ka mirikurhispka iámindu juchiti ikiatapuni engani pʼikuarherenga imani jimbo desdekani sapichuepka.

 Engani tumbiipka, májkueni no sési ambe niátasïrenga eskaksï máteruecha. Ambe enga adbertirijka Biblia, niárasti meru ísïni jíndeni jingoni, jimbokaksï no ambakiti pájperakuecha úspka eskani no sési ambe niátapiringa (1 Korintu 15:33). Peruni exeantaska ambakiti amiguechani Jeobaeri testiguechani jingoni engajtsïni jarhuataka parani ambakiti kʼuiripu máeni. Jima mítiska juchiti uarhiitini engani xáni xénchajka, Loretta. Tsimarhanchi jorhendaasïnga kʼuiripuechani eska Biblia uáka jarhuatani.

 Bibliaeri jarhuajperata jimbo, juchiti táti niáraspti kʼuiripu máeni engani no méni eratsipka eska xásïpiringa: uámba uékpiti ma, kristianu kaxumbiti ma ka enga sési kámpienga. Engachi exejperapka engani na itsï atakuarhipkia komu Jeobaeri testigu ma 1987 jimbo, por primera besirini kamanharhispti.

 Jukari treintaisinku uéxurhini, juchiti táti ka juchiti nándi aianhpisptiksï ambe enga eiatspijka Biblia. Juchiti táti niáraspti ambakiti kʼuiripu máeni ka ánchikuarhirini, niáraspti mítikateni komu nema enga jarhuatauenga máteruechani. Tiempu jingoni, niáraspka janhanharhini ka uékani. Sési pʼikuarherasïrenga imeri uájpeni. Juchiti táti 2016 jimbo uarhisti, joperuni kánikua uékperakua jingoni miántasïnga ka mítiska eskachi tsimarhani kánikua mójtakurhiska engachi jánguarhintaka úraani Bibliaeri prinsipiuechani. Méntkuni nóteruni sáni jatanhekusïnguia ísï eska antesi. Kánikua agradesidu jarhaska engani exentaka juchiti táti auandarhu anapuni, Jeobani, enga eiatspijka kʼamajkuni iámindu imani ambe enga újka eskaksï familiauecha uandanhiauaka.