¿Jatsiskiksï Jeobaeri testiguecha lista ma pelikulecheri, kansionicheri ka libruecheri engaksï no sési jaka?
Nómbe. Juchari kúnguarhikua no rebisariuasïndi pelikulechani, kansionichani ni libruechani paraksï uandani nákiksï no sési jarhaski. ¿Andi?
Biblia uandasïndi eskachi iáminduecha jatsiska para sési úrani juchari eratsikuani para exeni ambe sési jarhaski ka ambe nómbe (Ebreu 5:14).
Bibliarhuksï jatasti prinsipiuecha engajtsïni jarhuatajka sési erakuni ambe jingonchi tsípikuarhia. a Komueska náki uéjki máteru ambe irekuarhu, méntkisïchi uékasïnga úni ambe enga Efesu 5:10 arhijka: “Jeiapanhinta je solu indeni ambe enga juchari Tata jeiapanhintajka”.
Tata Diosï íntsaasti juramukua familiaeri orhejtsïkutichani, ísï jimbo imaksï jatsisti sésikua para uandani ambeksï no uá úni imeri kʼumanchikuarhu anapuecha máru ambe jimbo (1 Korintu 11:3; Efesu 6:1-4). Peru kúnguarhikuarhu, no nema jatsisti juramukua de uandani nákiksï pelikulecha, kansionicha o artistecha i parhakpiniri no sési jarhaski (Galasia 6:5).
a Ejemplu ma, Biblia uandasïndi eska sïkuamikua, ísku jándikua ka uarhiperakua no sési jarhaska; ísï jimbo iámindu ambe enga indeni ambe úrpijka no sési jarhasti (Deuteronomio 18:10-13; Efesu 5:3; Kolosasi 3:8).
Jamberijtsï ístu uéjka ini ambe míteni
DIBUJUECHA ENGAJTSÏNI JORHENDAJKA
¿Andasïndi ori tsïtasïni engari makinitecharhu chʼanajka?
Uákari kánikua tsípikuarhini engari makinitecha jingoni chʼanaaka, joperuksïni ístu uáti no sési úchini. ¿Amberi uá úni parari no xásï ambe úkuarhinchani ka parakeni sési nicheni?
AMBAKITI KAMPANIA
Exe je na enga úkuarhijka Biblieri jorhenguarhikua ma
Uaatiksïni nema jorhendani Biblieri ambe no ma tumina jingoni.