Nómbe. Jeobaeri testiguechachi kristianuecheska, peruchi no ísï exekuarhisïnga eskachi protestanteska.

 Uánikua kʼuiripu kurhangusïndi eskaksï iglesia protestantecha jindeska ima engaksï nóteru jiókuarhijkia ambe enga jorhentpijka Iglesia Católica Romana. Ka nájkiruka ísïka eskachi Jeobaeri testiguechajtu no jiókuarhiasïnga uánikua jorhentperakuechani enga Iglesia Católica jorhentpiajka, nochi protestanteska. Ju je exeni andi:

1.   Uánikua protestantecheri jorhentperakuechaksï no terokuntasïndi imani ambe jingoni enga Biblia jorhentpijka. Ejemplu ma, Biblia no uandasïndi eska Tata Diosï Trinidad máeska, sino “solu máechakua Diosï” (1 Timoteo 2:5; Juanu 14:28). Biblia ístu no jorhentpesïndi eska Tata Diosï kastigarisïnga no ambakiti kʼuiripuni infiernurhu, sino eska kʼamajkuasïnga para méntkisï (Salmo 37:9; 2 Tesalonika 1:9).

2.   Ambe engachi uéjka no jindesti mójtakuni Iglesia Católica ni máteru relijionini. Sánderu sési, ambe engachi uéjka jindesti eianhpini ambakiti eianhpikuani Tata Diosïri Reinueri ka jarhuatani kʼuiripuni para mintsikani ini ambakiti eianhperakuechani (Mateu 24:14; 28:19, 20). Nochi ma relijionini uékasïnga mójtakuni, sino jorhendaani jurhimbikua Tata Diosïri ambe ka imeri Karakateri imechani engajtsïni kurhajchajka (Kolosasi 1:​9, 10; 2 Timoteo 2:​24, 25).