Jo. Jeobaeri testiguechachi jiókuarhisïnga eskajtsïni doktori ma exeaka ka úsïngachi arhani medisina ambe. Nájkirukachi jánguarhintajka kuidarikuarhini, ménisïchi uétarhinchasïnga nirani doktori jingoni (Lukasʌ 5:31). Ka ístu, májkueni eska Lukasï — médiku ma primeru siglurhu anapu—, máru Jeobaeri testiguechaksï doktorichesti (Kolosasi 4:14.)

 Jeobaeri testiguechachi no jiókuarhisïnga tratamientuechani engaksï no de akuerdu jaka Bibliaeri prinsipiuecha jingoni. Ejemplu ma, nochi jiókuarhisïnga eskajtsïni jatsirantaaka iurhiri, jimboka Biblia uandasïnga eskachi no jatsiska para arhani iurhiri (Ukuecha 15:20). Ístu Biblia uandasïndi eskaksï no sési jarhaska ima úkuecha enga únhajka para tsinakuarhini sïkuajperata ambe jimbo (Galasia 5:19-21).

 Sáno iámindu tratamientuechaksï no no sési jarhasti imani ambe jingoni enga Biblia uandajka, jimbosï mándani Testigu jatsiti para erakuni ambe úni. Jamberi nema uáti erakuni tratamientu ma o medisina ma enga máteru no jiókuarhipiringa (Galasia 6:5).