Jeobaeri testiguechachi kánikua tsitisïnga uandontskuarhini Bibliaeri ambe iáminduecha jingoni, asta imecha jingoni engajtsïni arhikia eskaksï no uékasïnga mítini Bibliaeri ambe. ¿Andi? Jimbokachi uékasïnga Tata Diosïni ka ístu kʼuiripuni (Mateu 22:37-39). Uékperakua engachi pʼikuarherajka Tata Diosïni jimbo, úsïndi eskachi kurhajchaaka Tata Diosïri uájperi juramukuani “eskachi eianhpipiringa” (Ukuecha 10:42; 1 Juanu 5:3). Ísï jimbo, májkueni eska ióntki anapu profetecha, seguirixakachi eianguni kʼuiripuni ambe enga Biblia arhijka (Jeremías 25:4). Ka ístu, jimbokachi uékasïnga kʼuiripuni, eianguasïngachi iáminduechani ambakiti eianhperakua Reinueri, asta imechani jamberi engaksï no interesi xarhataka, jimbokaksï ísï uáka tsípiti pakarani (Mateu 24:14).

 Ístu, engachi kʼuanhatsintajka imani kʼumanchikuecharhu engaksï no interesi xarhataka, uánikua xanharichi exentasïnga nemani enga uéjka kurhaani. Ariksï jindesti máru rasonicha:

•   Kʼuiripu mótsisïndi.

•   Máteru nema kʼumanchikuarhu anapu uékasïndi mítini.

•   Kʼuiripu mójtakurhisïndi. Ambe enga úkuarhini jaka parhakpinirhu o ambe enga mándani kʼuiripu nitamakuarhijka, uáti úni eskaksï máru kuenta íntskukuarhiaka “eskaksï uétarhinchasïnga jorhenguarhini Tata Diosïri ambe” ka uékanksï sánderu mítini Bibliaeri ambe (Mateu 5:3, Traducción del Nuevo Mundo). Asta imecha engaksï no sáni uékajka mítini Bibliaeri ambe, uátiksï mójtakurhini, ísï eska apostuli Pablu na úpka (1 Timoteo 1:13).

 Peru nochi méni obligarisïnga kʼuiripuni parajtsïni kurhajchani (1 Pedru 3:15). Mítiskachi eska mándani kʼuiripu jatsiska para erakuni imeri relijionini (Deuteronomio 30:19, 20).