Jeobaeri testiguechachi chúxapasïnga ambe enga i textu uandajka: “Janhanharhia je iáminduechani” (1 Pedru 2:17). Jo ísïsti, janhanharhiasïngachi iáminduechani, no arhiparini ambe engaksï jakajkuaka relijioniri ambe. Nájkirukaksï uánikua Jeobaeri testiguecha jaka máru paisichani jimbo, nochi ambe ma úsïnga paraksï politikuecha o juramuticha kénditauaka o no jurajkuani paraksï sési ánchikuarhini máteru relijionicha. Ístuchi no jámasïnga úni ambe ma, parakaksï úkuarhiaka leicha engaksï jimbo uandaaka eskaksï iámindu jatsiska para májkueni jakajkuni ka jámani eska jucha. Jucha tsitisïnga eskajtsïni respetu jingoni kámaaka ka juchajtuchi jánguarhintasïnga respetu jingoni kaani máteruechani (Mateu 7:12).