Istoria iásï anapu Jeobaeri testiguecheri, uénasti enga na kʼamarhukuni jámaengia siglu XIX. Imani uéxurhinichani jimbo, grupu sapichu ma engaksï Bibliaeri ambe jorhenguarhienga jini Pittsburgh (Pensilvania, Estados Unidos) úndasptiksï sési ka tema jimbo estudiarini Bibliani. Engaksï úndapka sési inbestigarini, terokutantasptiksï ambe engaksï relijionicha jakajkuenga, imani ambe jingoni enga Biblia jorhentpejka. Tátsekuaksï úndaspti jorhentpini ambe engaksï jorhenguarhipka. Uásptiksï libruechani, karaasptiksï artikuluechani para periodikuecha, ka úsptiksï rebistani enga iásï ísï mítikateka komueska La Atalaya. Anunciando el Reino de Jehová.

 Ma ima grupueri arhinhasïrendi Charles Taze Russell. Nájtuka ima jindeepka enga úndapka petani rebistani La Atalaya ka enga úndapka orhekupaani eianhpikuani Bibliaeri imani jurhiatikuecha jimbo, i ambe no úspti eska ima jindeepiringa enga uaxastapka jimbanhi relijionini ma. Ambe enga Russell, ka máteru Bibliaeri Jorhenguarhiticha uékenga (ísïksï arhinhasïrendi), jindespti mítitarpini tata Jesukristueri jorhenguarhikuechani ka úni imani ambe engaksï primeru siglurhu anapu kristianuecha uaxastapka. Ka jimbokachi mítiska eska tata Jesukristusï uaxastaka kristianuechani, jiájkani kurhangusïngachi eska imasï uaxastaka juchari kúnguarhikuani (Kolosasi 1:18-20).