Primeru Karakata Juanueri 1:1-10
1 Ambe enga japkia* desde ueenani jámani, ambe engachi kurhaaka, ambe engachi exekuarhika, ambe engachi xáni exeka ka ambe engachi pʼárhika inde uandakueri ambe enga tsípikua íntspijka,
2 —jo, jucha míteskia ka kurhanguskachia indeni tsípikuani enga jindeeka para méntkisï ka enga Taati íntspijka, ka jucha indeni tsípikueri ambechisï jámani jaka uandantani ka indeni ambeksïnisï aianguni jaka—
3 ambe engachi jucha exeka ka kurhaani, indeni ambeksïnisï aianguni jaka chánksïntu, parajtsï chájtu juchantsïni jingoni jarhani. Ka juchachi Taatini jingoni jarhaska ka imeeri Uájpa jingoni enga jindeeka tata Jesukristu.
4 Juchaksïni ini ambe karachixaka jimbokachi ísï kánikua tsípiaka.
5 Ini ambejtsïnisï aianguti ima, ambe engaksïni jucha chánksïni aianguni jaka: Tata Diosï tʼíntskuesti ka imani jingoni méntku no jarhasti pápkʼandekua ambe.
6 Engachi jucha uandaska “Jucha imani jingoni jarhaska” ka jinichi seguiriini jarhani pápkʼandu jámani, chkuanderaxakachi ka nóchi ísï jámaxaka eska na terukuntajka jurhimbikua ambe jingoni.
7 Joperu engachi jucha tʼíntskuarhu jámani jauaka ísï eska ima na tʼíntskuarhu jaka, juchachi iáminduecha májku kʼéri jauaka, ka imeeri Uájpeeri iurhiri, enga jindeeka Jesúsi, pʼikurhiantasïndijtsïni iámindu pekaduechani.
8 Engachi jucha uandaska “Jucha no ma pekadu jukaraska”, jandiajkuchisï tontu úkuarhini jauaka ka nóchi jakajkuni jauaka ambe enga jurhimbikueka.
9 Engachi jucha uandantaaska juchaari pekaduechani, imajtsïni puáchentaati ka pímbinhajkuntaatijtsïni ambe uéjkichi no sési niátani, jimboka ima mintsinharhikueska ka iámindu ambe sési úsïndi.
10 Engachi jucha uandaska “Jucha no ma pekadu úska”, ísïchi uandaxaka enajki ima chkuanderani jaki ka nóchi jakajkuni japiringa ambe enga ima uandajka.
Notecha
^ O “jindeepka”.
