Terseru Karakata Juanueri 1:1-14
1 Ji engani jatiriikia, karachixakakeni tʼungini, erachi* Gaiu, enga xáni xénchanhajka ka jíjtukeni mintsita jingoni xénchasïnga.
2 Juchiiti erachi engakeni ji xáni xénchajka, ji kómarhisïnga Tata Diosïni parakeni méntkisï sési nicheni ka parari sési jámani jarhani, ísï eskakeni iáiasï jamberi na sési nicheni jaka.
3 Jimbokani kánikua sési pʼikuarheraska engaksï erachiicha jupka ka engajtsïni aiangupka eskari no jurajkuxaka jurhimbikuani ka eskari seguiriixaka jurhimbikuarhu jámani.
4 Engani kurhaajka eskaksï juchiiti sapiicha* útasï jurhimbikuarhu jámaxaka, kánikuani sési pʼikuarherasïnga ka no ma amberini xáni sési pʼikuastasïndi.*
5 Juchiiti erachi engakeni ji xáni xénchajka, tʼuri mintsinharhikueska jimbokari jarhuataaxaka erachiichani nájkirukari no jamberi míteaka.
6 Imeechaksï aianguasti iámindu kúnguarhikuarhu anapuechani na engari xáni xénchpejka. Tʼu sáni jarhuataa engaksï imeecha níntani jauakia ka ísï ú eska Tata Diosï na jaiapanhentajka.
7 Jimboka imeeri nombri jimboksïsï niti ka nóksï ambe ma euaasti imeechani engaksï no judiueka.
8 Jimbochisï jucha jatsika para sési kaani xárhati erachiichani, parachi iáminduecha jarhuajperani jurhimbikua ambe uandantani.
9 Ji karakata ma axakuska kúnguarhikuani, joperu Diótrefesi, ima enga xáni tsitijka kʼéri ambeeni kúnguarhikuarhu, no ma ambe sési exesïndi ambe engachi jucha uandajka.
10 Ísï jimbo, engani ji niuaka jini, uandantaaka ambe enga úni jaka, eska ísku ambe ma uandaxaka juchaari ambe ka eskajtsïni uandatsisïnga.* Ístu, ima no uékasïndi sési eroani erachiichani. Ka no jiáretaasïndi máteruechani paraksï sési eroani ka petaantani jámasïndi kúnguarhikuarhu.
11 Juchiiti erachi engakeni ji xáni xénchajka, asï májkueni jáma eska imeecha engaksï no sési ambe niátajka, sánderu sési, ísïi eskaksï imeecha engaksï sési ambe újka. Ima enga sési ambe újka, Tata Diosïiriisti. Ima enga no sési ambe niátajka, no exexati* Tata Diosïni.
12 Iámindu imeechaksï sési uandasïndi Demetriueri ambe, ka ísï eska na jámajka terukuntasïndi jurhimbikua ambe jingoni. Juchachi jamberi uandasïnga eska ima ambakiti kʼuiripueska, ka tʼuri sési míteska eska ísïiska ambe engachi uandani jaka.
13 Útasïkeni uánikua ambe uékasïreenga aianguni, joperukeni no uékasïnga sïranda jimbo arhini.
14 Sánderu sési, uékasïngakeni no ióni jimbo nirani exeni parachi sési uandontskuarheni.
Eskari pínandikua jatsiaka.
Juchaari amiguechaksïni uandajperata ma axachexati. Ka jíjtuni uandajperata ma axakuaxaka juchaari amiguechani; tʼu sáni aiangua iáminduechani.*
Notecha
^ O “ermanu”.
^ O “uátsïtiicha”.
^ O jamberi “ka indeni ambe jimbosïni grasiasi íntspintajka”.
^ Griegu jimbo: “arhinchasïnga”.
^ O “no mítesti”.
^ O “aiangua mándani arhini”.
