Mateu 1:1-25
1 Karakata enga uandajka na enga niáraka jurhani tata Jesukristu,* Dabidi uájpa, Abraáni uájpa.
2 Abraáni Isaakiiri taati jémbeespti;Isaaki Jakobueri taati jémbeespti;Jakobu Judáeri taati jémbeespti ka ístu imeeri ermanu jémbeecheeri;
3 Judá Péresiiri ka Séraeri taati jémbeespti —iicheeri amamba jindeespti Tamari—;Péresi Esróniiri taati jémbeespti;Esróni Ramiiri taati jémbeespti;
4 Rami Aminadabiiri taati jémbeespti;Aminadabi Nasóniiri taati jémbeespti;Nasóni Salmóniiri taati jémbeespti;
5 Salmóni Boasiiri taati jémbeespti —iiri amamba jindeespti Raabi—;Boasi Obediiri taati jémbeespti —iiri amamba jindeespti Ruti—;Obedi Jeséeri taati jémbeespti;
6 Jesé rei Dabidiiri taati jémbeespti;Dabidi Salomóniiri taati jémbeespti —iiri amamba jindeespti Uríasiiri témba—;
7 Salomóni Reoboamiiri taati jémbeespti;Reoboami Abíasiiri taati jémbeespti;Abíasi Asáeri taati jémbeespti;
8 Asá Jeosafatiiri taati jémbeespti;Jeosafati Jeoramiiri taati jémbeespti;Jeorami Usíasiiri taati jémbeespti;
9 Usíasi Jotániiri taati jémbeespti;Jotáni Akasiiri taati jémbeespti;Akasi Esekíasiiri taati jémbeespti;
10 Esekíasi Manasésiiri taati jémbeespti;Manasési Amóniiri taati jémbeespti;Amóni Josíasiiri taati jémbeespti;
11 Josíasi Jekoníasiiri taati jémbeespti ka ístu imeeri ermanu jémbeecheeri jiánisï engaksï Babilonia pánhapka.
12 Engaksï na Babilonia pánhapkia, Jekoníasi niáraspti Sealtieliiri taati jémbeeni;Sealtieli niáraspti Sorobabeliiri taati jémbeeni;
13 Sorobabeli Abiudiiri taati jémbeespti;Abiudi Eliakimiiri taati jémbeespti;Eliakimi Asoriiri taati jémbeespti;
14 Asori Sadokiiri taati jémbeespti;Sadoki Akimiiri taati jémbeespti;Akimi Eliudiiri taati jémbeespti;
15 Eliudi Eleasariiri taati jémbeespti;Eleasari Matániiri taati jémbeespti;Matáni Jakobueri taati jémbeespti;
16 Jakobu Joséeri taati jémbeespti, Maríeri uámba ka María kánguarhispti Jesúsini engaksï arhijka Kristu.
17 Jiájkani, para iámu kuenta uaania, 14 sïrukuechaksï* irekaspti Abraánini jingoni ueenani asta Dabidi, 14 sïrukuecha Dabidini jingoni ueenani asta engaksï Babilonia pánhapka ka máteru 14 sïrukuecha desde engaksï Babilonia pánhapka asta enga niárapka Kristu.
18 Jimajkani ísï niáraspti andajpenuni tata Jesukristu. Imeeri amamba, María, kurhajkuarhikata jarhasptia para José jingoni uambuchani, joperu ante deksï tembuperani embarasada pakaraspti espiritu santuni jimbo.
19 Imeeri uámba, José, sési jámasïreendi ka no uékasïreendi eska María kʼuratsetanhapiringa, jimbosï eratseni japti sïpatikuarku jurajkuni.*
20 Joperu ísï tátsekua enga ima ini ambe eratseni japka, ¡exe je!, Tata Diosï Jeobaeri* ánjeli tsánharhikua ma jimbo xarhakuspti ka arhispti: “José, Dabidi uájpa, asï ché páni chiiti kʼumanchikuarhu Maríani, chiiti uarhiitini, jimboka inde sapi enga erokuarhini jaka espiritu santuni jimboesti.
21 María sapini ma kánguarhiati ka jatsiskari para Jesúsi* arhirani, jimboka inde pʼímutantaaka imeeri iretani, jimbokaksï pekadoriiska”.
22 Iámindu i ambe ísï úkuarhispti paraka niárapiringa úkuarhini ambe enga Tata Diosï Jeoba uandapka imeeri uandakua párini* jimbo:
23 “¡Exe je! Iurhitskiri embarasada pakaraati ka tataka sapichuni ma kánguarhiati ka Emmanueliksï arhiraati”, enga arhikuekajka “Tata Diosï juchantsïni jingoni jarhasti”.
24 Enga José tsínharhipkia, úspti ambe enga Tata Diosï Jeobaeri ánjeli juramukupka ka páspti témbani imeeri kʼumanchikuarhu.
25 Joperu no jatsispti relasioni seksuali imani jingoni astaka María sapini kánguarhipka. Ka José, Jesúsi arhiraspti sapini.
Notecha
^ O “Jesúsi, Tata Diosïiri erakukata”. Kristu ka Mesíasi arhikuekasïndi ‘erakukata’.
^ O “jenerasioniichaksï”.
^ O “diborsiarikuarhini”.
^ Ixú ueenasïndi jukani Tata Diosïiri nombri, Jeoba, enga 241 xanhari jukanharhika ini Bibliarhu Karakateecharhu engaksï Griegu jimbo Karanhaka.
^ I nombri ebreu jimbo jindeesti Jesúa, o Josué, enga arhikuekajka ‘Tata Diosï Jeoba pʼímutantspisïndi’.
^ O “profetani”.
