Roma 10:1-21
10 Erachiicha,* ambe engani ji uéjka mintsita jingoni ka ambe engani xáni kurhakujka Tata Diosïni jindeesti eskaksï juchiiti iretarhu anapuecha pʼímutanhantaaka.
2 Jimbokani ji sési míteska* eskaksï imeecha jánguarhintasïnga Tata Diosïni marhuakuni joperuksï no kurhangusïndi ambesï uéjki Tata Diosï.
3 Ka jimbokaksï no míteska ambesï sési jaki Tata Diosïni japarini, imeechaksï ísï úspti eskaksï imeecha na eratseenga eska sési jarhaspka ka ísï jimboksïsï no úpti imani ambe enga sési jaka Tata Diosïni japarini.
4 Jimboka Lei jima jamberku niáraska enga Kristu janoka paraka uaaka sési jámani ima enga mintsikaaka.
5 Moisési karasti na enga kʼuiripu ma uaaka sési jámani úparini ambe enga Lei uandajka: “Ima achamasï enga ísï uaaka eska Lei na arhijka, niáraati irekani”.
6 Tata Diosïiri Karakata arhisïndi eska ima enga mintsikaaka, niáraaka ísï exenhani komueska kʼuiripu ma enga sési jámajka, arhisïndi: “Asï eratsi chiiti mintsitarhu ‘¿Né niua auandarhu karhancheni?’, para Kristuni késkuni.
7 Ístu, asï eratsi ‘¿Né kétsea jima enga jauanhika?’* para Kristuni pʼínhantani jima uératini engaksï uarhiriicha jaka”.
8 Sánderu sési, arhisïndi: “Jimintkuri jatsiska uandakuani chiiti penchumikuarhu ka chiiti mintsitarhu”, i ambe arhikuekasïndi eska kʼuanisïnga mintsikani indeni “uandakuani” engachi jámani jaka uandantani.
9 Jimboka engari penchumikua jingoni uandantaaka eska Jesúsi jindeeska chiiti Tata, ka engari mintsita jingoni mintsikaska eska Tata Diosï tsítantaska, pʼímutantskatari ueraaka.
10 Jimbokari tʼu mintsita jingoni xarhatasïnga eskari mintsikasïnga parari úni ísï exenhani komueska kʼuiripu ma enga sési jámajka, joperu parari úni pʼímutantskata uérani jatsiskari para penchumikua jingoni uandantani ambe engari mintsikajka.
11 Jimboka Karakateecharhu ísï uandasïnga: “Ima enga imani mintsikaaka no no sési pʼikuastanhaati”.*
12 Jimbokaksï májkueniiska judiuecha ka grieguecha. Iáminduechaksï májku Tatani jatsisti, ima kóndeantasïndi iámindu imeechani engaksï jarhuajperata kurhakujka.
13 Jimboka “iámindu imeecha engaksï kómarhiaka Tata Diosï Jeobani ka uandanksï imeeri nombrini, pʼímutantskateuatiksï”.
14 Joperu, ¿nénaksï kómarhia engaksï nótki mintsikani jaka imani? ¿Ka nénaksï mintsikaa engaksï nótki míteni jaka? ¿Ka nénaksï mítea enga no nema aianguauaka?
15 ¿Ka nénaksï uandantaa enga no nema axaani jaka? Ísï eska na karakata jaka: “¡Sésiksï jándurhasti imeecha engaksï ambakiti aianhperakueri ambe uandantajka!”.
16 Joperu nóksï iáminduecha jakajkuspti ambakiti aianhperakueri ambe, jimbosï Isaíasi uandapti: “Tata Diosï Jeoba, ¿jarhaski nema enga mintsikajka ambe engachi jucha jámani jaka uandantani?”.
17 Kʼuiripu ma niárasïndi mintsikani enga kurhaajka ambe enga aianhpinhani jaka, ka niárasïndi kurhaani jimboka nema uandantaxaka Kristueri ambe.
18 Joperuni ji kurhanguarhisïnga: ¿andi nóksï kurhaaspi? Jo, kurhaasptiksï, jimboka “iámu parhakpinirhu kurhaakuarhiska imeeri ambe ka ima kʼuiripuechaksï jamberi kurhaasti engaksï jimeesïsï irekaka nani enga sánderu iauaniika echerirhu”.
19 Ka ístuni kurhanguarhisïnga: ¿andi Israeli anapuechaksï no mítespi? Ueenani jámani Moisési uandasïndi: “Ji imani kʼuiripuechani úrauaka engaksï no ireta máeka, parajtsï chá enbidia* pʼikuarherani. Ka imani iretani úraaka enga no kurhandijka paraksïni ikiatani”.
20 Joperu Isaíasi no sáni chéparini uandasïndi: “Imeecha engajtsïni no jirinhantani japka, exentastijtsïni. Ka imeecha engajtsïni no kurhanguarhini japka, niárastijtsïni míteni”.
21 Joperu Israeliiri ambe ísï uandasïndi: “Chúskutaska ióarhintani iretani ma paraksï jíndeni jingoni kʼuanhatsentani, ireta ma enga no kurhandijka ka enga no ma ambe kurhangujka”.
Notecha
^ O “Ermanuecha”.
^ O “ji úsïnga uandani”.
^ Griegu jimbo: “abismurhu”. Exe je Glosario, abismu.
^ O “no kʼuratsetanhaati”.
^ O “selosi”.
