Santiagu 4:1-17
4 ¿Andijtsïsï uarhiperajki ka andijtsïsï xáni arhirperajki? ¿Andi no indeni ambe jimboeski enga chaari kuerpu xáni tsitijka ka engajtsï chá xáni jánguarhintani jaka chaari mintsitarhu parajtsï nóteru indeni ambe únchania?
2 Chájtsï tsitisïnga jatsikuarheni ambe ma, joperujtsï no jatsikuarheska. Seguiriixakajtsï uándikpini ka tsititspeni jámani, joperujtsï no úsïnga jatsini ambe engajtsï chá uéjka. Seguiriixakajtsï arhirperani ka uarhiperani. Nójtsï jatsikuarheska jimbokajtsï no kurhajkuarhisïnga.
3 Ka engajtsï kurhajkuarhijka, chájtsï no intsïnhasïnga, jimbokajtsï kurhajkuarhisïnga para no sési ambe úni, jimbokajtsï imani ambe úrasïnga ambe enga chaari kuerpu tsitijka.
4 Ísku jándiicha,* ¿andi nójtsï míteski eska ima enga tsitijka ambe engaksï parhakpini anapuecha újka* Tata Diosïni ikiakusïnga? Ísï jimbo, ima enga uéjka úni ambe engaksï parhakpini anapuecha újka, ikiakusïndi Tata Diosïni.
5 ¿Ojtsï chá exesïni eska ísku jatinisï ísï arhijka Karakateecharhu: “Indeni jimbo engachi jucha jámajka enbidiarpini, pʼindeskachia mámaru ambe tsitini”?
6 Joperu sánderu kʼéri ambeesti enga Tata Diosï ísï kánikua kóntpintajka.* Ísï jimbosï Karakateecharhu uandajti: “Tata Diosï no jaiapanheantasïndi imeechani engaksï kʼéramakuarhijka, joperu kánikua kóndeantasïndi kaxumbitiichani”.
7 Ísï jimbo, kurhajcha je Tata Diosïni,* joperu uinhamu anhaxurhiku je Noambakitini ka imaksïni sïpakuarhichiati.
8 Andarhiera je Tata Diosïni ka imaksïni andarhieraati chánksïni. Chá engajtsï pekadoriika, jupajkukuarhi je, ka chá engajtsï no jánhaskani jaka ambe úni, pímbinhajkunta je chaari mintsitani.
9 Kómu pʼikuarhera je, kómatsïkuarhi je ka uera je. Ásteru terekuarhi jeia ka kómatsïkuarhi je ka ásteru jáma jeia tsípini, sánderu sési, no nani máru pʼikuarhera je.
10 Kaxumbi je Tata Diosï Jeobani japarini ka imaksïni kʼéri ambe uaati.
11 Erachiicha,* ásteru jámia je no sési ambe uandani máteruecheeri ambe. Enga nema no sési ambe uandajka erachiiri ma o jusgarini erachini ma, leiiri ambesï no sési uandani jarhajti ka leinisï jusgariini jarhajti. Ka engari tʼu jusgariijka leini, nóri úni jarhasïnga ambe enga lei uandajka, sánderu sési, juesiri úkuarhini jarhasïnga.
12 Májkusï jati enga leiichani íntspiajka ka enga Juesiika, ima enga újka pʼímutaantani kʼuiripuechani ka enga ístu újka kʼamajkuani. Joperu, ¿neeskiri tʼu parari máteru kʼuiripuechani jusgariuani jarhani?
13 Kurhaa je chá engajtsï uandajka “Iásï o pauanisï imani ireta jimbochi niuaka ka jimachi pakaraaka ma uéxurhini, negosiu ambechi uaaka ka kánikuachi andakuaka”,
14 ka jinijtsï no míteni nájtsï jámani jaua pauani. Jimbokajtsï chá ísïiska eska xúmu enga ma ratu jarhajka ka enga tátsekua nóteru jarhajkia.
15 Sánderu sési, jatsipiringajtsï para uandani “Enga Tata Diosï Jeoba ísï uékaska, jámanchi jauaka ka méntkuchi mámaru ambe uaaka”.
16 Joperujtsï chá iásï kʼéramakuarhisïnga engajtsï ísï xáni arhikuarhijka. Kánikua no sési jarhasti ísï arhikuarhini.
17 Ísï jimbo, pekariini jarhasïndi ima enga mítetini jaka ambesï sési jaki úni ka jini no ísï úni jarhani.
Notecha
^ O “Chá engajtsï enganiarpijka”.
^ O “eska ima enga parhakpiniiri amiguejka”.
^ Exe je Glosario, Tata Diosï kánikua kóntpintasïndi.
^ O “janhanharhi je Tata Diosïni”, “Tata Diosïiri juramukua jimbo niára je”.
^ O “Ermanuecha”.
