1. Jeoba, juchari Tata Kuerajpiri,

i chúrikua ixúchi tánguarhiska.

Tʼuri xarhataspka, Jeoba, na engari xáni uékpitiika

ka ístu na engari uinhapitiika.

Paraksï pʼímutantskata pakarani

marhuaspti karicheri ma iurhiri.

Uánikua uéxurhini tátsekua Jesusi májkueni ústi,

ima íntspesti imeri tsípikuani.

2. Exeparini kurhinda ka binuni,

eratsesïngachi ambe enga úka.

Imeri tsípikua jimbo,

pʼímutantastijtsïni,

juchantsïni jimbo, ima uarhisti.

¡Juchaksïni diosmaiamu arhisïnga!

Tʼuri íntspiska chíti Uájpani, Jeoba.

Tʼujtsïni piántaska Jesusiri

iurhirini jingoni

parachi tsípikua para méntkisï jatsini.

 3. Jeoba, tsípikua jingonchi jurhaskia

para miántani Jesusiri uarhikua.

Tʼuri chíti Uájpani axaska,

ima uékasti uarhini

parachi jucha tsípikua jatsini.

Kánikua diosmaiamu juchari Táti

jimbokajtsïni pʼímutantaska.

Tsípikua jingonchi

kurhajchani jauaka para méntkisï

imani enga juchari Juramutiika.