PIREKUA 34
Méntkisï sési ambe úaka
(Salmo 26)
-
1. Tata Jeoba, jíkeni uéksïnga arhini
eskari exentku jauaka ambe engani úni jaka.
Exe juchiti mintsitani, oh, Jeoba,
ji jánguarhixaka méntkisï sési ambe úni.
(KORU)
Ji jánguarhiaka méntkisï sési ambe úni,
mintsitarhu uératini marhuachenguini jauaka.
-
2. No kúnguarhiska no sési úricha jingoni,
no méni sési pájperaska no jurhimbiti jingoni.
Asïrini jáma mirikurhini, Jeoba,
asïrini májkueni úchi eska no sési úrini ma.
(KORU)
Ji jánguarhiaka méntkisï sési ambe úni,
mintsitarhu uératini marhuachenguini jauaka.
-
3. Tata Jeoba, ji chíti kʼumanchikuarhu
sési pʼikuarherasïnga, jima uéksïnga jarhani.
Jíkeni Jeoba, úchiaka kʼéjtsïtakua ma.
Jíkeni grasiasi arhiaka para méntkisï, oh, Jeoba.
(KORU)
Ji jánguarhiaka méntkisï sési ambe úni,
mintsitarhu uératini marhuachenguini jauaka.
(Ístu exe je Sal. 25:2).
