1. Engani kurhajchaska juchiti Tata Jeobani,

imarini xénchaati, sésirini xéni jauati.

Engani marhuakuska jí, engani kurhajchaskia,

imarini no méni mirikurhiati.

2. Tumina jirinhani, jatsikuarhikua ambe,

o kʼéri exenhani ini parhakpini jimbo,

i ambe ísku ambesti, no sáni marhuasïndia

ka ji no uéksïnga indeni ambe.

3. Juchiti Kuerajpiri, kurhachisïngakini:

“Asï méni mirikurhi juchiti arhinhakuani”.

Tʼungini mintsikasïnga, tʼungini marhuachiakia

ka nókini niáraaka jurajkunia.