PIREKUA 47
Ju je pauani pauani kómarhini Jeobani
-
1. Pauani pauani kómarhisïnga Jeobani,
méntkisï imani aiangukuarhisïnga.
Ji Tata Diosïni uandajpakuarsïnga;
imarini tsípikua jingoni jarhuasïndi.
¡Ju je Jeobani kómarhini!
-
2. Pauani pauani grasiasi íntskuntasïnga
engarini xáni uékperakua jingoni kámka.
Pauani pauani tekaantskua kurhakusïnga;
Tata Jeoba meru pʼamojpesïndi.
¡Ju je Jeobani kómarhini!
-
3. Engani uandanhiajka arhisïnga Jeobani
eskarini ima kuájchakuni jauaka.
Ji méntkisï Tata Jeobani kómarhiaka
parani ji úni sési pʼikuarherantani.
¡Ju je Jeobani kómarhini!
(Ístu exe je Sal. 65:5; Mat. 6:9-13; 26:41; Luk. 18:1).
